দেশে গৌৰৱ কৰিব পৰা এজনী অসমীয়া ছোৱালী

দেশে গৌৰৱ কৰিব পৰা  অসমীয়া যুৱতী।নাম প্ৰিয়ংকা দাস ৰাজকাকতী। পেচাগতভাৱে প্ৰিয়ংকা ফ্ৰান্সৰ অন্তৰীক্ষ অভিযন্তা। ইকোল পলিটেকনিক আৰু আই এছ এ ই চুপেৰ’ৰ পৰা দুটাকৈ ইঞ্জিনীয়াৰিং স্নাতক ডিগ্ৰীধাৰী গুৱাহাটীৰ  প্ৰিয়ংকা দাসে বৰ্তমান চাফৰান আৰু আই এছ এ ই চুপেৰ’ত জি এন এছ এছ টেকন’লজিৰ চি আই এফ আৰ ই পি এইড ডি কৰি আছে।মহাকাশক লৈ যথেষ্ট উৎসাহী প্ৰিয়ংকাই প্ৰথমে চন্দ্র আৰু মংগলগ্ৰহ নিৱাসী মানৱ ঠিকনা নিৰ্মাণ কৰাত সহায় কৰাৰ লগতে তালৈ যাব বিচাৰে।উল্লেখ্য যে চন্দ্র পৃষ্ঠৰ আই এল ই ডব্লিউ জি ইউৰমুনমাৰ্চ’ৰ এগৰাকী শিল্পী হিচাপে অংশীদাৰী হোৱা প্ৰিয়ংকা দাসে এতিয়া ই এম এম আই এইচ এছ থ্ৰী’ৰ বাবে এনালগ এষ্ট্ৰ’নট হিচাপে ভাগ লৈছে।এই মিচনৰ সময়চোৱাত তেওঁ ৰবটিক্স,নেভিগেচন আৰু মেপিঙৰ চাল চলন পৰীক্ষা কৰিব।ঠিক সেইদৰে মিচেলা মুছিল’ভাৰ দৰে কমাণ্ডাৰ প্ৰশিক্ষক হিচাপে প্ৰশিক্ষণ আয়োজিত কৰিব।তাৰোপৰি তেওঁ নিজৰ ব্ৰেইনৱেভ মিজাৰিং ডিভাইচ পৰীক্ষা কৰাৰ লগতে বিমান চালকৰ দলৰ ওপৰত মনোবিজ্ঞান প্ৰয়োগ কৰিব।আনহাতে সক্রিয়ভাৱে তেওঁ এছ টি ই এম আউটৰীচ ল’ৰিয়েল ইউনেচক’ ফৰ গাৰ্লচ ইন চাইন্স অনুষ্ঠানৰ লগত জড়িত আছে।তাৰোপৰি এছ জি এ চি আৱাৰ জায়েণ্ট লীপ ইনিচিয়েটিভ’ৰ সংগঠক হোৱাৰ লগতে হোমৱাৰ্ড বাউণ্ড এণ্টাৰ্কটিকা মিচনৰ অংশ হিচাপেও জড়িত হৈ আছে।প্ৰিয়ংকা দাস ৰাজকাকতীৰ আশা এনালগ এষ্ট্ৰ’নট হিচাপে  অভিজ্ঞতাই বিজ্ঞানক আদৰিব খোজা যুৱতী মহিলা সকলক প্ৰেৰণা দি এখোজ আগুৱাই নিয়াত সহায়ক হ’ব।বিজ্ঞান ভাল পোৱা প্ৰিয়ংকাৰ মতে এই বিজ্ঞানৰ জৰিয়তে তেওঁ পৃথিৱী ভ্ৰমণ কৰি নতুন সংস্কৃতিৰ অভিজ্ঞতা লাভ কৰিবলৈ সক্ষম হৈছে।স্মতৰ্ব্য যে প্ৰিয়ংকাৰ পৰৱৰ্তী আস্থান হাৱাই আৰু এণ্টাৰকটিকা।

Share on whatsapp
WhatsApp
Share on facebook
Facebook
Share on twitter
Twitter
Share on email
Email

আকাশবাণী নগাঁও কেন্দ্ৰৰ সৌজন্যমূলক সাহিত্য অনুষ্ঠানে শ্ৰুোতাৰ মন জয় কৰিছে

আকাশবাণী নগাঁও কেন্দ্ৰই যোৱা চাৰিমাহ ধৰি প্ৰতি সপ্তাহৰ মঙ্গল আৰু শুক্ৰবাৰে পুৱা ৯.১৫ত প্ৰচাৰ কৰি অহা সৌজন্যমূলক সাহিত্য অনুষ্ঠানটিয়ে সচেতন শ্ৰুোতাৰ মনোযোগ আকৰ্ষণ কৰিবলৈ সক্ষম হৈছে।উল্লেখযোগ্য যে এই অনুষ্ঠানটিৰ যোগেদি নপুৰণি লেখক লেখিকা সকলে তেওঁলোকৰ সদ্যপ্ৰকাশিত গল্প, প্ৰৱন্ধ,কবিতা, নাটক,উপন্যস আদি গ্ৰন্থসমূহৰ পৰিচয় শ্ৰুোতা সমাজৰ আগত দাঙি ধৰাৰ উপৰিও লেখক সকলক  পৰিচয় কৰাই দিয়া হয়।

 

 

ইতিমধ্যে অসমৰ কেবাগৰাকী প্ৰতিষ্ঠিত কবি আৰু লেখকে এই অনুষ্ঠানটিত ভাগ লৈছে ।তদুপৰি, সম্প্ৰতি কেন্দ্ৰটোৰ পৰা প্ৰচাৰ হৈ থকা ডাঃ নৰেন কুটুমৰ “ভালপোৱাৰ কথোপকথন” নামৰ কবিতা সংকলনখনৰ সমূহ কবিতা সংগীত সংযোজনাৰে ধাৰাবাহিক ভাবে প্ৰচাৰ কৰি এক ব্যতিক্ৰমী  অনুষ্ঠান কেন্দ্ৰটিয়ে শ্ৰুোতাক উপহাৰ দিবলৈ সক্ষম হৈছে।

খবৰ যুগুতালে ৰাহুল দেৱ বৰদলৈয়ে

কাহিকুছি গাঁও পঞ্চায়তত প্ৰকৃত হিতাধিকাৰীক পি.এ. ওৱাইৰ গৃহ আবণ্টনৰ তৎপৰতা

দৰিদ্ৰ সীমা ৰেখাৰ তলত বাস কৰা যিসকল লোকৰ থাকিবৰ বাবে উপযুক্ত গৃহ নাই তেনে প্ৰকৃত হিতাধিকাৰীক প্ৰধানমন্ত্ৰীৰ আবাস যোজনাৰ (পি.এ. ওৱাই) অধীনত গৃহ আবন্টনৰ বাবে তৎপৰতা আৰম্ভ কৰিছে পশ্চিম গুৱাহাটী সমষ্টিৰ ৰাণী উন্নয়ন খণ্ডৰ অধীনৰ কাহিকুছি গাওঁ পঞ্চায়তে।

 

এই তৎপৰতাৰ অংশ হিচাপে কাহিকুছি গাঁও পঞ্চায়তৰ সভাপতি জগন্নাথ ঠাকুৰীয়া আৰু ৰাণী আঞ্চলিক পঞ্চায়তৰ সদস্য ৰজিদা বেগমৰ নেতৃত্বত ৰাণী উন্নয়ন খণ্ড বিষয়া কাৰ্যালয়ৰ এটা দলে ২০ অক্টোবৰত সংখ্যালঘু বসতি প্ৰধান বঙৰা পাচনিয়াপাৰাৰ ইছলামপুৰ অঞ্চল পৰিদৰ্শন কৰে। উক্ত অঞ্চলটোৰ কোন কোন প্ৰকৃত হিতাধিকাৰীক গৃহ আবণ্টন দিব লাগিব তাৰ এক চৰজমিন জৰীপ চলায়। জৰীপ কাৰ্যৰ সময়ত ৰানী খণ্ড উন্নয়ন বিষয়া কাৰ্যালয়ৰ সহকাৰী অভিযন্তা শংকৰ দাস, গাণনিক অখিল কলিতা, গাঁও পঞ্চায়ত সমন্বয়ক স্বপন কুমাৰ দাস, কাঁহিকুছি গাঁও পঞ্চায়তৰ ৬ নং ৱাৰ্ডৰ সদস্য আজেদা বেগম উপস্থিত থাকে।

 

আনহাতে দলটোৱে পি.এ. ওৱাইৰ গৃহ পাবলগীয়া কেবাটাও হিতাধিকাৰীৰ গৃহ চৌহদ পৰিদৰ্শন কৰি তেওঁলোকৰ আৰ্থিক অৱস্থাৰ বুজ লয়। ইয়াৰ উপৰিও দলটোৱে অঞ্চলটোৰ ৰাইজৰ সৈতে বাট-পথ, খোৱাপানীকে ধৰি বিভিন্ন বিষয়ত মত বিনিময় কৰে। এই ক্ষেত্ৰত পঞ্চায়তৰ সভাপতি জগন্নাথ ঠাকুৰীয়া আৰু আঞ্চলিক পঞ্চায়তৰ সদস্যা ৰজিদা বেগমে সকলো ধৰণৰ সহায়- সহযোগিতাৰ আশ্বাস প্ৰদান কৰে।

উৎকৃষ্ট প্ৰদৰ্শনৰ বাবে নামৰূপ সাৰ কাৰখানাই লাভ কৰিলে দেশৰ ভিতৰতে প্ৰথম স্থান

স্বচ্ছতা পোখৰাত অংশগ্ৰহণ কৰি দেশৰ ভিতৰতে প্ৰথম স্থান লাভ কৰিলে নামৰূপ সাৰ কাৰখানাই। প্ৰতিবছৰৰ দৰে এইবাৰো ভাৰত চৰকাৰৰ সাৰ মন্ত্ৰালয়ৰ অধীনত ১ ছেপ্টেম্বৰ পৰা ১৫ ছেপ্টেম্বৰলৈ অনুষ্ঠিত হয় স্বচ্ছতা পষেক।

 

 

উদ্যোগটোৰ মুখ্য প্ৰশাসনিক বিষয়া প্ৰণৱ কুমাৰ ভট্টাচাৰ্যই জনোৱা মতে নামৰূপ সাৰ কাৰখানা অধ্যক্ষ তথা পৰিচালক অসীম কুমাৰ ঘোষে ২৭ অক্টোবৰত নতুন দিল্লীত আয়োজিত এক অনুষ্ঠানত সাৰ সচিবৰ পৰা এই বঁটা গ্ৰহণ কৰিব।এই প্ৰতিযোগিতাত নামৰূপস্থিত বি ভি এফ চি এলে প্ৰথম স্থান,নেচনেল ফাৰ্টিলাইজাৰ লিমিটেডে দ্বিতীয় স্থান আৰু FCI Aravail Gypsum ands minerals India LTD য়ে তৃতীয় স্থান লাভ কৰিবলৈ সক্ষম হয়।

দৰঙৰ গ্ৰামাঞ্চলৰ প্ৰতিভাধৰে নীটত আজুৰিলে খ্যাতি

ক’ভিড-১৯ ৰ দুৰ্যোগৰ সময়তে অহা শাৰদীয় দুৰ্গোৎসৱৰ প্ৰাক ক্ষণত দৰং জিলাৰ অতি দুৰ্গম অঞ্চলৰ আৰু দুখীয়া পৰিয়ালৰ এটি সন্তানৰ সাফল্যৰ আনন্দৰ বতৰা কঢিয়াই আনিছে৷ জিলাখনৰ ছিপাঝাৰ বিধানসভা সমষ্টিৰ অন্তৰ্গত কুৰুৱা অঞ্চলৰ এক নম্বৰ শুক্তাগুৰি গাঁৱৰ সন্তান অমন প্ৰধানে দাৰিদ্ৰকো প্ৰতিহত কৰি সৰ্বভাৰতীয় পৰ্যায়ৰ অলপতে ঘোষিত ” নীট” পৰীক্ষাত ৪৬২ নম্বৰ সহ উজ্বলি উঠিছে৷

 

গুৱাহাটীৰ এখন ব্যক্তিগত খণ্ডৰ শিক্ষানুষ্ঠানৰ কৰ্মচাৰী জগত প্ৰধানৰ সন্তান অমনে উচ্চতৰ মাধ্যমিকত ৮৫.৫০ শতাংশ নম্বৰেৰে বাইহাটা চাৰিআলিৰ এখন শিক্ষানুষ্ঠানৰ পৰা উত্তীৰ্ণ হৈছিল ৷ ইয়াৰ মাজতে ২০১৮ ত মাতৃহাৰা হৈছিল আমন ৷
প্ৰতিভাধৰ গৰাকীৰ এই সফলতাৰ বতৰা পোৱাৰ লগে লগে দৰঙৰ উপায়ুক্ত দিলীপ কুমাৰ বৰা আৰু আৰক্ষী অধীক্ষক অমৃত ভূঞাই আজি মঙলদৈত আৰ্থিক অনুদান, ফুলাম গামোছাসহ পুত্ৰ-পিতাক উষ্ম অভিনন্দন জ্ঞাপন কৰে৷

 

উপায়ুক্ত আৰু আৰক্ষী অধীক্ষক দুয়োগৰাকীয়ে অমনৰ পৰৱৰ্তী চিকিৎসা বিজ্ঞানৰ শিক্ষা গ্ৰহণত পাৰ্যমানে সহযোগ কৰিব বুলি উৎসাহ প্ৰদান কৰে ৷ এই অভিনন্দন অনুষ্ঠানত যুৱনেতা ভাৰ্গৱ কুমাৰ দাস, হেমন্ত কুমাৰ বৰুৱাইয়ো অমনৰ সহযাত্ৰীৰূপে অংশগ্ৰহণ কৰে ৷