উত্তৰ পূৰ্বাঞ্চলত ক্ৰমবৰ্ধমান আৰ্কিটেক ডিজাইনাৰ সকলৰ প্ৰতি লক্ষ্য ৰাখি হেফেলেয়ে গুৱাহাটীৰ ৰেডিছন ব্লুত প্ৰথমবাৰলৈ সাতোখন ৰাজ্যৰ মাজত বিশেষভাৱে আৰ্কিটেক্ট ডিজাইনাৰ সকলৰ বাবে বঁটা প্ৰদান অনুষ্ঠান অনুষ্ঠিত কৰে।এই অনুষ্ঠানত সাতোখন ৰাজ্যৰ ১৪টা শ্ৰেষ্ঠ ডিজাইন প্ৰকল্প চিনাক্ত কৰি ইয়াৰ পৰা ৭ টা ভিন্ন শাখাত পুৰস্কাৰ প্ৰদান কৰা হয়।বঁটা সমূহ প্ৰদান কৰে মুখ্য অতিথি আৰ্কিটেক্ট প্ৰকাশ শান্দিল্য,অমিতাভ শৰ্মা,জয় প্ৰকাশ প্ৰসাদ,সঞ্জয় স্বামী,গণেশ প্ৰভু আৰু ডিজাইনাৰ সমাজৰ বিশিষ্ট ব্যক্তিসকলে।উল্লেখযোগ্য যে এই প্ৰতিযোগিতাখন জানুৱাৰী মাহত অসম আৰ্কিটেক্ট সংস্থাৰ সহযোগত আয়োজন কৰা হৈছিল।ইয়াত সাতখন ৰাজ্যৰ ৮০টাত কৈও অধিক আৰ্কিটেকচাৰ ফাৰ্মৰ পৰা আবেদন কৰিছিল।সঠিক মূল্যায়নৰ বাবে চুড়ান্ত বিজয়ী বাচনিৰ পূৰ্বে মুম্বাইৰ জুৰীয়ে আবেদন সমূহ ৪০ বছৰ উৰ্ধৰ আৰু ৪০ বছৰৰ অনুৰ্ধৰ শাখাত বিভক্ত কৰিছিল।অনুষ্ঠানটোত আৰ্কিটেক্ট উপেন কাকতিক তেওঁৰ সেৱা আৰু গুৱাহাটীৰ স্থাপত্য মানকলৈ আগবঢ়োৱা অৱদানৰ বাবে জীৱনযোৰা সন্মানীয় সাফল্যপ্ৰাপ্তি পুৰস্কাৰ প্ৰদান কৰা হয়।উল্লেখ্য যে হেফেলে ইণ্ডিয়া হৈছে হেফেলে গ্ল’বেল নেটৱৰ্কৰ অধীনস্থ এক সংস্থা।পৰিচালন সঞ্চালক জুৰ্গেন উল্ফ নেতৃত্বত এই উদ্যোগটোৱে ২০০৩ চনৰ পৰা সেৱা আগবঢ়াই আহিছে।উদ্যোগটোৱে ভাৰতৰ বৈচিত্রময় বজাৰখনত স্থাপত্য হাৰ্ডৱেৰ,আচবাব আৰু পাকঘৰৰ ফিটিংছসমূহৰ উপৰিও আনুসংগিক সামগ্রী লাইট,ছেনিটাৰী আদি শাখাতো আধিপত্য বিস্তাৰ কৰিছে।উত্তৰ পূবত হাফেলেয়ে ইয়াৰ ডীলাৰ সহযোগীসকলৰ সৈতে প্ৰায় এটা দশক ধৰি সেৱা আগবঢ়াই আহিছে।গুৱাহাটীত ব্ৰেণ্ডটোৱে ইয়াৰ ফ্ৰেঞ্চাইজী সহযোগী দিছপুৰ এণ্টাৰপ্ৰাইজৰ সহযোগত বাৰ্ষিক ১০ কোটি টকাৰ টাৰ্ণ অভাৰ কৰিবলৈ সমৰ্থ হৈছে।শ্বিলঙতো হেফেলেয়ে ইয়াৰ সহযোগী ডিজাইন ই আই ব্ৰেণ্ডৰ সৈতে বিগত পাঁচ বছৰ ধৰি সেৱা আগবঢ়াই আহিছে।
Trending
- ৰাণী সাহিত্য সভাৰ দিনযোৰা কাৰ্যসূচীৰে দ্বি-বাৰ্ষিক অধিৱেশন সম্পন্ন
- গুৱাহাটী প্ৰেছ ক্লাবত সাপ্তাহিক কবচৰ ২৯ তম্ বৰ্ষপূৰ্তি উদযাপন
- ধাৰাপুৰত ১৫ দিনীয়া গ্ৰীষ্মকালীন নাট কৰ্মশালা আৰম্ভ
- Brahmaputra Conclave on Balancing Development and Ecology Held in Guwahati
- ৰাণীৰ এলিফেণ্ট কৰিডৰত হাতীৰ সুৰক্ষামূলক ফলক স্থাপন
- গুৱহাটী বিশ্ববিদ্যালয় এন এছ এছ কোষৰ উদ্যোগত বন মহোৎসৱ পালন
- গুৱাহাটীত ৩২তম অসম ৰাজ্যিক একুৱেটিক চেম্পিয়নশ্বিপ
- KARGIL MARTYR CAPT JINTU GOGOI, VrC REMEMBERED ON 26th MARTYRDOM DAY
- সম্পূৰ্ণ বিদ্যুৎচালিত ব্যৱস্থাৰে ডিব্ৰুগড়লৈ চলাচল কৰিছে ৰাজধানী এক্সপ্ৰেছ
- সৰ্বভাৰতীয় পৰ্যায়ত উজলি উঠিছে তামুলপুৰ উন্নয়ন খণ্ড-দেশৰ ৫০০টা উন্নয়ন খণ্ডৰ ভিতৰত প্ৰথম স্থান