গুৱাহাটীৰ আদাবাৰী তিনিআলিস্থিত প্ৰাগজ্যোতিষ নেত্ৰালয়ৰ উদ্যোগত আৰু ৰাইজ আলী ক্ৰীড়া সন্থাৰ সহযোগত পহিলা ৰাইজ আলী বজাৰ চ’কত এক বিনামূলীয়া চকু পৰীক্ষা শিবিৰ অনুষ্ঠিত হয়।শিবিৰত চকু বিশেষজ্ঞ তথা অভিজ্ঞ চিকিৎসক ডাঃ দিবাকৰ ৰঞ্জন কলিতাৰ নেতৃত্বত এটি চিকিৎসকৰ দলে শিশু,মহিলাকে ধৰি মুঠ ১২৯ গৰাকী লোকৰ চকু পৰীক্ষা কৰে।ইয়াৰে ২৫ গৰাকী লোকক প্ৰাগজ্যোতিষ নেত্ৰালয়ত বিনামূলীয়াকৈ চকুৰ কেটেৰেক্ট অস্ত্ৰোপচাৰৰ বাবে নিৰ্বাচিত কৰা হয়।ইয়াৰ উপৰি শিবিৰত উপস্থিত সকলোকে চকু বিশেষজ্ঞ ডাঃ দিবাকৰ ৰঞ্জন কলিতাই মানুহৰ দেহৰ সকলোতকৈ মূল্যবান সম্পদ হিচাপে পৰিচিত চকুযুৰিক কিদৰে সুৰক্ষিত কৰি ৰাখিব পাৰি সেই সম্পৰ্কীয় বিভিন্ন দিহা পৰামৰ্শ আগবঢ়ায়।উল্লেখ্য যে প্ৰাগজ্যোতিষ নেত্ৰালয়ে সময়ে সময়ে গুৱাহাটী মহানগৰীৰ উপৰি পাৰ্শ্বৱৰ্তী অঞ্চলত সমাজৰ দুখীয়া লোক সকলৰ সহায়ৰ বাবে বিনামূলীয়া চকু পৰীক্ষা শিবিৰ অনুষ্ঠিত কৰি অহাৰ লগতে বিনামূলীয়াকৈ অস্ত্ৰোপচাৰ সম্পন্ন কৰি আহিছে।
গুৱাহাটীত উপস্থিত হ’ল নিৰ্বাচন আয়োগৰ দল
সমাগত ২০২১ চনৰ বিধানসভা নির্বাচন৷ৰাজ্যত ইতিমধ্যে নিৰ্বাচনৰ প্ৰৰস্তুতি আৰম্ভ হৈছে।ইয়াৰ সমান্তৰালভাৱে নির্বাচন যাতে সুকলমে আৰু শান্তিপূর্ণভাৱে সৰ্মাপন হয় তাৰ বাবে দেশৰ নির্বাচন আয়োগে যাৱতীয় প্রস্তুতি অব্যাহত ৰাখিছে৷ শেহতীয়াকৈ নির্বাচন আয়োগৰ এটা উচ্চস্তৰীয় দলে অসমত উপস্থিত হৈ নির্বাচনৰ প্রাৰম্ভিক প্রস্তুতিৰ বিভিন্ন দিশৰ বুজ লৈছিল৷ ইয়াৰ পাছতেই আজি তিনিদিনীয়া ভ্রমণসূচীৰে গুৱাহাটীত উপস্থিত হয় মুখ্য নির্বাচন আয়ুক্ত সুনীল আৰোৰাৰ নেতৃত্বত সম্পূর্ণ আয়োগ৷ মুখ্য নির্বাচন আয়ুক্ত আৰোৰাৰ সৈতে দুই নির্বাচন আয়ুক্ত সুশীল চন্দ্র আৰু ৰাজীৱ কুমাৰ।
ৰাজ্য চৰকাৰৰ নির্বাচন বিভাগৰ এক সূত্রই জানিবলৈ দিয়া মতে নির্বাচন আয়োগে তিনিদিনীয়া ভ্রমণসূচীৰে অসমত থকাৰ সময়ছোৱাত গুৱাহাটীৰ হোটেল ৰেডিছন ব্লু’ত নির্বাচনৰ প্রস্তুতি সন্দর্ভত মুখ্য সচিব, অসম আৰক্ষীৰ সঞ্চালকপ্রধান, মুখ্য নির্বাচনী বিষয়া, জিলা উপায়ুক্ত অথবা নির্বাচনী বিষয়া, আৰক্ষী অধীক্ষককে ধৰি সংশ্লিষ্ট বিষয়া লগত গুৰুত্বপূর্ণ আলোচনাত অংশগ্রহণ কৰিব৷
ভিউৱাছৰ মতামত