বি জে পিত যোগদান কৰিলে বহু কেইগৰাকী শিল্পীয়ে

ভাৰতীয় জনতা পাৰ্টীৰ নীতি আদৰ্শ মূল্যবোধৰ প্ৰতি আকৃষ্ট হৈ ৰাজ্য কেইবাগৰাকীও বিশিষ্ট শিল্পী, কলা-কুশলীয়ে আনুষ্ঠানিক ভাৱে আজি বিজেপি দলত যোগদান কৰে। আজি যোগদান কৰা সকল হ’ল ক্ৰমে সংগীত পৰিচালক গীতিকাৰ বিমান বৰুৱা,জয়ন্ত কুমাৰ শৰ্মা,কণ্ঠশিল্পী কল্লোল বৰঠাকুৰৰ, অভিনেতা পৰিচালক বনজিৎ শৰ্মা, কৌশিক শৰ্মা,সংগীত ব্যৱস্থাপক ভৱজ্যোতি দাস, সংগীত শিক্ষক বুলুমনী গোস্বামী,লোকবাদ্য শিল্পী নিকুঞ্জ মেধি, বাদ্য শিল্পী জগদীশ শৰ্মা, ব্যৱসায়ী চিৰঞ্জিৎ বৰপূজাৰী আৰু প্ৰণৱ কুমাৰ মিশ্ৰ।

 

 

ভাৰতীয় জনতা পাৰ্টীৰ অসম প্ৰদেশৰ  সভাপতি ৰঞ্জিৎ কুমাৰ দাসে বিশিষ্ট ব্যক্তিসকলক গামোচা আৰু দলীয় গলবস্ত্ৰৰে সসস্যতা প্ৰদান কৰে আৰু তেওঁলোকক ভাৰতীয় জনতা পাৰ্টীৰলৈ আদৰণি জনায়।

অনুষ্ঠানত ভাষণ প্ৰসংগত সভাপতিগৰাকীয়ে কয় যে ১৮ কোটি পঞ্জীয়নভুক্ত সদস্যৰে বিজেপি পৃথিৱীৰ ভিতৰত সৰ্বশ্ৰেষ্ঠ ৰাজনৈতিক দল হিচাপে পৰিগণিত হৈছে। বৰ্তমান ৪২ লাখতকৈ কেইবাহাজাৰো অধিক সদস্যৰে জাতীয় সত্তাৰে উদ্ধুদ্ধ বিজেপিয়ে আগন্তুক দিনত ৬৫ লাখ কাৰ্য্যকৰ্তা সৃষ্টি লক্ষ্যৰ নিৰ্ধাৰণ কৰিছে।

 

 

ৰাজ্যসভাত শেহতীয়াকৈ গৃহীত কৃষি সম্বন্ধীয় বিধেয়ক খন মোডী ডাঙৰীয়া নেতৃত্বাধীন কেন্দ্ৰীয় চৰকাৰৰ যুগান্তকাৰী পদক্ষেপ বুলি প্ৰকাশ কৰি সভাপতিয়ে এই বিধেয়ক খন আদৰণি জনায়।তেওঁ কয় যে এই বিধেয়ক খনে কৃষিসকলক মধ্যভোগী কবলৰ পৰা মুক্ত কৰাৰ লগতে কোনো চৰকাৰী বেচৰকাৰী সংস্থা হকা বাধা অবিহনে যিকোনো ৰাজ্যত নিজৰ উৎপাদিত শস্য বিক্ৰী কৰিবলৈ সুবিধা পাব।শাক-পাচলি লগতে আন খাদ্যবস্তু মূল্য বৃদ্ধি ৰোধৰ ক্ষেত্ৰত সহায়ক হ’ব লগীয়া এই বিধেয়ক খন কৃষকৰ আয় দুগুণ বৃদ্ধি কৰিব।সেয়েহে কেন্দ্ৰীয় চৰকাৰৰ এই পদক্ষেপ আদৰণীয়।

 

 

ৰাষ্ট্ৰীয় নাগৰিক পঞ্জী সন্দৰ্ভত সভাপতিয়ে কয় যে এন আৰ চি ক্ষেত্ৰত থকা জটিলতা সমূহ দূৰ কৰাৰ বাবে ইতিমধ্যে ৰাজ্য চৰকাৰে কেন্দ্ৰীয় চৰকাৰক আহ্বান জনাইছে। ৰাজ্যিক উপ-সভাপতি জয়ন্ত মল্ল বৰুৱাই আঁত ধৰা অনুষ্ঠানটোত ৰাজ্যিক সাংগঠনিক সাধাৰণ সম্পাদক ফণীন্দ্র নাথ শৰ্মা,ৰাজ্যিক সাংস্কৃতিক কোষৰ আহ্বায়ক যতীন বৰা , সহ আহ্বায়ক বিদ্যাসাগৰকে ধৰি ৰাজ্যিক বিষয়ববীয়া আৰু কাৰ্য্যকৰ্তা সকল উপস্থিত থাকে।

Share on whatsapp
WhatsApp
Share on facebook
Facebook
Share on twitter
Twitter
Share on email
Email

মন কি বাত অনুষ্ঠানৰ জৰিয়তে দেশবাসীক বিজয়া দশমীৰ শুভেচ্ছা জনালে প্ৰধানমন্ত্ৰীয়ে

মন কি বাত অনুষ্ঠানৰ জৰিয়তে দেশবাসীক বিজয়া দশমী তথা দশেৰাৰ শুভেচ্ছা জনালে প্ৰধানমন্ত্ৰী নৰেন্দ্ৰ মোডীয়ে । অনুষ্ঠানৰ জৰিয়তে প্ৰথমতে প্ৰধান গৰাকীয়ে দেশবাসীক বিজয়া দশমীৰ শুভেচ্ছা জ্ঞাপন কৰে।

 

 

 

লগতে মন কি বাত অনুষ্ঠানৰ জৰিয়তে আহি থকা দিনবোৰতো আৰু অধিক সতৰ্ক হৈ থকাৰ পৰামৰ্শ দিয়ে মোডীয়ে।আনহাতে উৎসৱৰ আনন্দৰ মাজত যাতে দেশৰ জনতাই  দেশৰ বীৰ সন্তান সকলৰ কথা পাহৰি নাযায় সেই কথাও ব্যক্ত কৰে।সীমান্তত দায়িত্ব থকা জোৱানসকলৰ বাবে নিজৰ ঘৰত মাটি চাকি জ্বলোৱা আহ্বান জনায় প্ৰধানমন্ত্ৰী নৰেন্দ্ৰ মোডীয়ে।

এগৰাকী চিকিৎসকে শিশুৰ বাবে এখন উদ্যান আগবঢালে

পূজা বতৰত শিশু সকললৈ পূজা উপহাৰ আগবঢ়ালে এগৰাকী চিকিৎসকে ।তিনিচুকীয়া জিলা ডিগবৈ ৰশ্মিতা উপাধ্যায় নামৰ চিকিৎসক গৰাকীয়ে সপ্তমী দিনা এখন শিশু উদ্যান আগবঢালে।

 

চিকিৎসক গৰাকীয়ে ডিগবৈ বালিজান প্ৰাথমিক বিদ্যালয়ৰ প্ৰাঙ্গনত পিতৃ মাতৃ সোঁৱৰণত এখনি শিশু উদ্যান স্থাপন কৰে। এই শিশু উদ্যান খন শুভ উদ্বোধন কৰে অসম চিকিৎসা মহাবিদ্যালয় অৱসৰপ্ৰাপ্ত অধ্যক্ষ ড° নাৰায়ণ উপাধ্যায় । উল্লেখযোগ্য যে চিকিৎসক গৰাকী এনে মহানুভৱতাক অঞ্চলবাসীয়ে শলাগ লয়।

জিৰাফক চাহ বাগিছাৰ মাজত ৰাখিছে,কিন্তু কিয়

হাতীৰ উপদ্ৰপৰ পৰা ৰক্ষা পাবলৈ নুমলীগড় চাহ বাগিচাৰ কর্তৃপক্ষই গ্ৰহণ কৰিছে এক বিশেষ পদক্ষেপ।ধলাগুৰি চাহ বাগিচাৰ কৰ্তৃপক্ষই গ্ৰহণ কৰিছে এই ব্যৱস্থা।

 

উল্লেখযোগ্য যে ধলাগুৰি চাহ বাগিচাত চাহ বাগানৰ মাজত স্থাপন কৰিছে এক জিৰাফৰ  কাঠৰ প্ৰতিমূৰ্তি । চাহ বাগিচাৰ কর্তৃপক্ষই বিশ্বাস কৰে যে বনৰীয়া হস্তীয়ে এই জিৰাফক দেখিলে দূৰতে বিদূৰ হ’ব। সেইসূত্রে তেওঁলোকে জিৰাফৰ প্ৰতিমূৰ্তি বাগিচাত স্থাপন কৰিছে।

উল্লেখযোগ্য যে এই প্ৰকাণ্ড কাঠৰ জিৰাফটো দেখিলে বন্যহস্তী যাক আঁতৰি যায়।যি সময়ত হাতী মানুহৰ সংঘাতে ভয়াৱহ ৰূপ ধাৰণ কৰিছে,সেই সময়ত বাগিচাৰ কৰ্তৃপক্ষই জিৰাফক বাগিছাত স্থাপন কৰি নিৰ্দশন দাঙি ধৰিছে।

পূজা মণ্ডপত মাস্ক বিতৰণ কৰিলে অভিনেত্ৰী আইমী বৰুৱাই

প্ৰতিকূল বতৰৰ মাজতে উদযাপন হৈছে দেৱী দূর্গাৰ পূজা।কিনকিনীয়া বৰষুণে পূজাৰ পৰিৱেশ অধিক সেমেকা কৰি তুলিছে।

 

ক’ৰণা পৰিস্থিতিৰ  আৰু বৰষুণৰ বাবে এইবাৰৰ পূজা মণ্ডপসমূহত নাই ভক্তৰ ভিৰ। চৰকাৰী নীতি নিয়ম পালন কৰি ৰাইজ ঠাইয়ে ঠাইয়ে পূজা মণ্ডপত ভিৰ কৰা পৰিলক্ষিত হৈছে।

আনহাতে শনিবাৰে জাগীৰোডৰ বিভিন্ন পূজা মণ্ডপত দেখা গ’ল জনপ্ৰিয় অভিনেত্ৰী আইমী বৰুৱাক।প্ৰতিবাৰৰ দৰে এইবাৰো অভিনেত্ৰী গৰাকীয়ে জাগীৰোড সমষ্টিৰ বিভিন্ন পূজা মণ্ডপ পৰিদৰ্শন কৰি দেৱীৰ আশীষ লোৱা পৰিলক্ষিত হয়।এইবাৰ অভিনেত্ৰীগৰাকীয়ে জাগীৰোড বিভিন্ন পূজা মণ্ডপত ৩০ হাজাৰ মাস্ক বিতৰণ কৰে।