বৰ্ণিল কাৰ্যসূচীৰে কলাক্ষেত্ৰৰ বাকৰিত অনুষ্ঠিত হ’ব নৱবৰ্ষৰ অনুষ্ঠান

শ্ৰীমন্ত শংকৰদেৱ কলাক্ষেত্ৰ সমাজে বিগত বৰ্ষ সমূহৰ দৰে এইবাৰো অহা ১ জানুৱাৰী পৰা ৭ জানুৱাৰী ২০২১ তাৰিখলৈ কলাক্ষেত্ৰ প্ৰাংগনত উদযাপিত হ’ব একাদশ সংখ্যক নৱবৰ্ষৰ মহোৎসৱৰ।১ জানুৱাৰী তাৰিখে পুৱা ১১ বজাত বৰ্ণিল ছন্দ শীৰ্ষক এখনি দেৱাল চিত্ৰ অংকন আৰু চিত্ৰ ভাস্কৰ্য প্ৰদৰ্শনীৰে পাতনি মেলিব।এই অনুষ্ঠানত অসম চৰকাৰৰ চাৰু আৰু কাৰু কলা মহাবিদ্যালয় ছাত্ৰ-ছাত্ৰী সকলে অংশগ্ৰহণ কৰিব।দিনৰ ১১:৩০ বজাত পয়োভৰা শীৰ্ষক শিল্প আৰু ভোগালী মেলা উদ্বোধন কৰা হ’ব।এই মেলাত অসমৰ থলুৱা বোৱনীসকলে নিজে হাতে বোৱা সাজ-পাৰৰ লগতে বিভিন্ন খাদ্য সম্ভাৰ পোৱা যাব।
বিয়লি ৪ বজাত স্থিৰ সময় শীৰ্ষক এখনি আলোকচিত্ৰ প্ৰদৰ্শনী অনুষ্ঠিত কৰা হ’ব।এই প্ৰদৰ্শনীত অসমৰ বিভিন্ন প্ৰান্তৰ নবীন প্ৰবীণ শিল্পী সকলৰ আলোকচিত্ৰৰ প্ৰদৰ্শন হ’ব।সন্ধিয়া ৪.৩০ বজাত অসমৰ ন-পুৰণি শিল্পীসকলে পৰিবেশন কৰিব লগীয়া সোণালী সুৱদী গীত শীৰ্ষক অনুষ্ঠানত মুখ্য অতিথি আসন অলংকৃত কৰিব অসমৰ মুখ্যমন্ত্ৰীয়ে।সন্মানীয় অতিথি হিচাপে উপস্থিত থাকিব অসম চৰকাৰৰ সাংস্কৃতিক পৰিক্ৰমা বিভাগৰ মাননীয় মন্ত্ৰী নৱ কুমাৰ দলে। অনুষ্ঠানৰ আৰম্ভণিতে ভাৰতৰত্ন ড° ভূপেন হাজৰিকাই ৰচনা কৰা শ্ৰীমন্ত শংকৰদেৱ কলাক্ষেত্ৰ শীৰ্ষক গীতটি একক কণ্ঠত পৰিবেশন কৰিব জ্যেষ্ঠ শিল্পী ৰুবুল কলিতাই।

এই অনুষ্ঠানৰ লগত সংগতি ৰাখি শ্ৰীমন্ত শংকৰদেৱ কলাক্ষেত্ৰ সমাজে পোন প্ৰথম বাৰৰ বাবে আধুনিক অসমীয়া গীতৰৰ জগতলৈ অপৰিসীম অৱদান আগবঢ়োৱা বিশিষ্ট শিল্পী ক্ৰমে সুদক্ষিনা শৰ্মা,লক্ষহীৰা দাস,ৰমেন বৰুৱা,কীৰ্তি কমল ভূঞা,কুল বৰুৱা জ্যোতি বৰদলৈ আৰু অপূৰ্ব দাসক সম্বৰ্ধনা জ্ঞাপন কৰিব।সম্বৰ্ধনা জনাব অসমৰ মাননীয় মুখ্যমন্ত্ৰী সোণোৱালে।

সন্ধিয়া সোণালী সোৱদী গীত শীৰ্ষ অনুষ্ঠানত কণ্ঠদান কৰিব ক্ৰমে সমৰ হাজৰিকা, দ্বীপেন বৰুৱা,নমিতা ভট্টাচাৰ্য্য, হাচিনা হাজৰিকা,শান্ত উজীৰ, মনিষা হাজৰিকা, গায়ত্ৰী হাজৰিকা লগতে বহু কেইগৰাকী শিল্পীয়ে।অনুষ্ঠানটো পৰিকল্পনা আৰু পৰিচালনা কৰিব বিশিষ্ট শিল্পী পুলক বেনাৰ্জীয়ে।

মহোৎসৱৰ দ্বিতীয় দিনা অৰ্থাৎ ২ জানুৱাৰী বিয়লি ২ বজাত চাৱৰাই মেল চিত্ৰকলা বিষয়ত আলোচনা চক্ৰ অনুষ্ঠিত হ’ব।আলোচনা বিষয় সমকালীন কলা আৰু ইয়াৰ অনুশীল ।আলোচনা চক্ৰখনি সঞ্চালনা কৰিব আই আই টি গুৱাহাটীৰ অধ্যাপক ড° উৎপল বৰুৱাই।নিৰ্দিষ্ট বক্তা হিচাপে উপস্থিত থাকিব ক্ৰমে তেজপুৰ বিশ্ববিদ্যালয় সংস্কৃতি অধ্যয়ন বিভাগৰ সহকাৰী অধ্যাপক ড° মৌচুমী কন্দলী আৰু কলা ইতিহাসবিদ ফণীন্দ্ৰ তালুকদাৰে। সন্ধিয়া ৫.৩০ বজাত জেংৰাই শীৰ্ষক অনুষ্ঠানত জনগোষ্ঠীয়ে লোক নৃত্য গীত আৰু বিহু পৰিবেশ কৰিব। এই অনুষ্ঠানত দেউৰী,ৰাভা,তিৱা,ডিমাচা, চাহ-জনগোষ্ঠীৰ নৃত্য,ঠেঙাল কছাৰী,মিছিং আদি জনগোষ্ঠীৰ নৃত্য গীত পৰিৱেশন কৰিব।

৩ জানুৱাৰী ২ বজাত অনুষ্ঠিত হ’ব অকণিৰ ৰহগৰ। অনুষ্ঠানত বহু কেইগৰাকী শিশু চেমনীয়াই মুক্তমনে নিজস্ব বিষয় বস্তুৰে কলাক্ষেত্ৰৰ মুক্তাঙগনত ছবি আঁকিব। সত্ৰীয়া নৃত্য, সৃষ্টিশীল নৃত্য, বৰগীত, পাৰ্বতী প্ৰসাদ বৰুৱা,ভূপেন হাজৰিকা গীত বিভিন্ন পৰম্পৰাগত সাজ পাৰেৰে ভেশভূষা প্ৰদৰ্শন, অভিনয় শৈলীয়ে সাধুকথাৰ পৰিবেশন কৰিব নিৰ্বাচিত শিশু সকলে। লগতে ক’ভিড-১৯ অতিমাৰীক বিষয় ৰূপে লৈ গুৱাহাটীৰ লগতে তিতাবৰ শিশু চেমনীয়াই এখন নাটক অভিনয় কৰিব । নাটকখনৰ সামগ্ৰিক অনুষ্ঠানটো পৰিচালনা কৰিব চিত্ৰশিল্পী মধুসুধন দাসে। সন্ধিয়া ৪.৩০ বজাত প্ৰাগ ঝকাৰে শীৰ্ষক অৱনন্ধ বাদ্য সমাৰোহ পৰিবেশন কৰা লগতে দিনৰ ১১ বজাৰ পৰা শ্ৰীমন্ত শংকৰদেৱ কলাক্ষেত্ৰ বিভিন্ন স্থানত বাদ্য পৰিবেশন কৰিব।

৪ জানুৱাৰী দিনৰ ২ বজাৰ পৰা মুক্ত চিন্তা শীৰ্ষক চিত্ৰ কলা সম্পৰ্কীয় অন্তৰংগ আলাপ অনুষ্ঠান অনুষ্ঠিত হ’ব। উক্ত অনুষ্ঠানটো পৰিচালনা কৰিব চাৰু আৰু কাৰু কলা মহাবিদ্যালয় অধ্যক্ষ ড° জেৱিন ঘোষ দস্তিদাৰে। সন্মানীয় অতিথি হিচাপে উপস্থিত থাকিব বহু কেইগৰাকী বিশিষ্ট ব্যক্তি। সন্ধিয়া ৪ বজাত অ পক্ষী ৰৈ যা ৰে শীর্ষক কামৰূপী লোকসংগীতৰ অনুষ্ঠান অনুষ্ঠিত হ’ব।এই অনুষ্ঠানত কামৰূপী লোকসংগীত পৰিবেশন কৰিব বিশিষ্ট শিল্পীসকলে।

৫ জানুৱাৰী ১১ বজাৰ পৰা সমাহাৰ চিত্ৰ আৰু কবিতাৰ যুগলবন্দী শীৰ্ষক এক অনুষ্ঠান অনুষ্ঠিত হ’ব।অনুৰাধা শৰ্মা পূজাৰীয়ে পৰিচালনা কৰিব লগীয়া এই অনুষ্ঠানত বহু কেইকগৰাকী কবি চিত্ৰশিল্পীয়ে পৰিবেশন কৰিব।সন্ধিয়া ৪.৩০ বজাৰ পৰা ধ্ৰুপদী ৰংগ শীৰ্ষক শাস্ত্ৰীয় সংগীতৰ অনুষ্ঠান অনুষ্ঠিত কৰিব।

৬ জানুৱাৰী দিনৰ ২ বজাৰ পৰা শ্ৰীমন্ত শংকৰদেৱ কলাক্ষেত্ৰক পৰ্যটনস্থলী হিচাপে পৰিগণিত কৰা উদ্দেশ্যে পৰ্যটন উন্নয়ন বিষয়ক এখনি বৈঠক অনুষ্ঠিত হ’ব।উক্ত দিনা সন্ধিয়া ৪.৩০ বজাত ঐক্যতান শীৰ্ষক তিব্বতীয় সাংস্কৃতিক অনুষ্ঠান পৰিবেশন কৰা হ’ব।

৭ জানুৱাৰী ৪.৩০ বজাত হা-তা-না-না শীৰ্ষক দৰঙী লোক কৃষ্টি অনুষ্ঠান পৰিবেশন কৰা হ’ব। মহোৎসৱৰ সমূহ কাৰ্যসূচীতে সাংস্কৃতিক প্ৰেমী ৰাইজৰ উপস্থিতি কামনা কৰিছে।

Share on whatsapp
WhatsApp
Share on facebook
Facebook
Share on twitter
Twitter
Share on email
Email

নেছনেল ইনষ্টিটিউট অৱ ফ্লিম টেলিভিছন এণ্ড থিয়েটাৰ ষ্টাডিজৰ বিদ্যালয় গৃহ শুভ উন্মোচন

ৰূপকোঁৱৰ জ্যোতিপ্ৰসাদ আগৰৱালাৰ স্মৃতিত পালন কৰি অহা শিল্পী দিৱসৰ লগত সংগতি ৰাখি গুৱাহাটীৰ বৰবাৰীস্থিত “নেচনেল ইনষ্টিটিউট অৱ ফ্লিম টেলিভিছন এণ্ড থিয়েটাৰ ষ্টাডিজ”ৰ বিদ্যালয় গৃহৰ শুভ উদ্ধোধন আৰু নতুন বৰ্ষৰ পাঠদান কাৰ্যসূচীৰ আজি শুভাৰম্ভ কৰা হয়৷বিদ্যালয়ৰ নৱনিৰ্মিত গৃহদ্বাৰৰ শুভ উন্মোচন(উদ্ধাধন) কৰে বিশিষ্ট সাংস্কৃতিক ব্যক্তিত্ব, চিত্ৰ পৰিচালক হেমেন দাসে৷ ডিমৰীয়া কলেজৰ অৱসৰপ্ৰাপ্ত অধ্যক্ষ তথা NIFTTS ৰ বৰ্তমানৰ সঞ্চালক ড° ৰামচৰণ ভৰালীৰ আশাুশুধীয়া প্ৰচেষ্টা আৰু নাট্যকৰ্মী প্ৰৱীণ শইকীয়াৰ লগতে আন কেইবাগৰাকী ব্যক্তিৰ সহযোগত ১৯৯৪ চনতে স্থাপন হোৱা বিদ্যালয়খন কিছুমান অসুবিধাৰ বাবে কিছুদিন সাময়িকভাৱে বন্ধ হৈ আছিল৷আজি ইনষ্টিটিউটখনৰ নিজা চৌহদত ৰবীন ডেকাৰ সভপতিত্বত আয়োজিত এখন মুকলি সভাত পুনৰ অভিনয়কলা আৰু নৃত্যকলা বিষয়ক এবছৰীয়া পাঠ্যক্ৰমটিৰ শুভাৰম্ভ কৰা হয়৷উল্লেখ্য যে ৰাষ্ট্ৰীয় তথা আন্তৰাষ্ট্ৰীয় পৰ্যায়ৰ প্ৰশিক্ষকৰ দ্বাৰা শিশুৰ শাৰীৰিক মানসিক বৌদ্ধিক বিকাশৰ উদ্দেশ্য আগত ৰাখি আৰু বৰ্তমানৰ শিক্ষা ব্যৱস্থাৰ লগত সংগতি ৰাখি নেছনেল ইনষ্টিটিউট অৱ ফ্লিম টেলিভিছন এণ্ড থিয়েটাৰ ষ্টাডিজে ৭-১৪বছৰ বয়সৰ ছাত্ৰ-ছাত্ৰীৰ উপযোগী ভিন্ন মাধ্যমত অভিনয় প্ৰশিক্ষণ গ্ৰহণৰ এবছৰীয়া বিজ্ঞানসন্মত নাট্য সম্পৰ্কীয় পাঠ্যক্ৰমৰ ব্যৱস্থা কৰিছে৷

আজিৰ মুকলিসভাত ড° প্ৰভাত চন্দ্ৰ ভূঞা,ড° সৰলা ভূঞা,ড°অঞ্জনা গোস্বামী,ৰবীন শইকীয়া,তৃষ্ণা দেৱী,হিল্লোল কুমাৰ পাঠক, ৰাজীৱ সাউদ,মণিষ ডেকা,বিশ্বজ্যোতি শৰ্মা,দৰ্শনা বৰুৱা,সবিতা শইকীয়া ,মানৱ বৰকাকতি,মানস প্ৰতীম নেওঁগ,মহেশ কলিতা,খনীন ডেকা,আদি ভিন্ন ক্ষেত্ৰৰ বহুকেইগৰাকী গণ্য মান্য ব্যক্তি সন্মানীয় অতিথি হিচাপে উপস্থিত থাকে৷সভাখনত দিব্যাংগ নাট্য বিদ্যালয়ৰ ছাত্ৰ কৌশিক ৰয়ে জ্যোতিসংগীতত এটি নৃত্য প্ৰদৰ্শন কৰাৰ লগতে NIFTTS ৰ শিক্ষাৰ্থী মেঘা সিন্‌হা,তেজস্ব ভৰদ্বাজ,জয়শ্ৰী ৰায়,ৰিপিতা দেৱী,অংকিতা দেৱীয়ে জ্যোতিসংগীত আধাৰিত এটি দলীয় নৃত্যও পৰিবেশন কৰে৷সভাখনত ৰূপকোঁৱৰক সন্মান জনাই জ্যোতি সংগীত পৰিবেশন কৰে উন্মীলনা অলম্যানে৷

আৰম্ভ হ`ল ৰূপকোঁৱৰ নাট্য উৎসৱ

অসমীয়া সংস্কৃতিৰ প্ৰাণকেন্দ্ৰ শ্ৰীমন্ত শংকৰদেৱ কলাক্ষেত্ৰই প্ৰথম বাৰৰ বাবে আয়োজন কৰিছে নাট্য চর্চাৰ এক বিশেষ অনুষ্ঠান ৰূপকোঁৱৰ নাট্য উৎসৱ।অসমৰ সাহিত্য আৰু সংস্কৃতিৰ ৰূপকাৰ জ্যোতি প্ৰসাদ আগৰৱালা দেৱৰ পবিত্ৰ স্মৃতিত নিবেদন কৰা হয় চৌখিন নাট্য সম্ভাৰ।আজিৰে পৰা অহা ১৯ জানুৱাৰীলৈ শ্ৰীমন্ত শংকৰদেৱ কলাক্ষেত্ৰৰ শ্ৰীশ্ৰী মাধৱদেৱ আন্তৰ্জাতিক প্ৰেক্ষাগৃহত তিনিদিনীয়া কাৰ্যসূচীৰে আৰম্ভ কৰা হৈছে ৰূপকোঁৱৰ নাট্য উৎসৱ।

নাটকৰ আৰম্ভণিতে প্ৰেক্ষাগৃহ প্ৰাংগনত মুক্তাঙ্গনত সন্ধিয়া ৫-৩০ বজাত গুৱাহাটী শিল্পী সকলৰ দ্বাৰা কামৰূপীয়া ঢুলীয়া চাৰ্কাচৰ অনুষ্ঠান অনুষ্ঠিত কৰা হয়। সন্ধিয়া ৬-৩০ বজাত নাট্য উৎসৱৰ শুভাৰম্ভনি অনুষ্ঠান অনুষ্ঠিত কৰা হয় উদ্বোধনী অনুষ্ঠানত আদৰণি ভাষণ আগবঢ়াই কলাক্ষেত্ৰ সমাজৰ সচিব সুৰ্দশন ঠাকুৰে।নাট্য উৎসৱৰ শুভ উদ্বোধনী কৰে বিশিষ্ট চলচিত্ৰ পৰিচালক আৰু আন্তৰাষ্ট্ৰীয় খ্যাতিসম্পন্ন কথাছবি নিৰ্মাতা তথা কলাক্ষেত্ৰ সমাজৰ সাধাৰণ পৰিষদৰ সদস্যা মঞ্জু বৰাই।

অনুষ্ঠানত সন্মানীয় অতিথি হিচাপে উপস্থিত থাকিব ক্ৰমে দুলাল ৰয়,ড° পোনা মহন্ত,প্ৰীতম শইকীয়া, আংগুৰলতা ডেকা, পূৰ্ণিমা শইকীয়া, অবিনাশ শৰ্মা। ৰূপকোঁৱৰ নাট্য উৎসৱৰ প্ৰথম দিনাৰ নাট্য নিবেদন কৰা হয় জ্যোতিপ্ৰসাদ আগৰৱালাদেৱৰ কালজয়ী নাটক কাৰেঙৰ লিগিৰী।বিশিষ্ট অভিনেতা পৰিচালক প্ৰাঞ্জল শইকীয়াৰ পৰিচালনাত নাটখনি আয়োজন কৰিছে যোৰহাট কৃষ্টিৰ পথাৰ নাট্য গোষ্ঠীয়ে। নাটখনিত অভিনয় কৰে ক্ৰমে সৌমাৰ জ্যোতি বৰা,স্বাগতা ভৰালী, শুভাশীষ ৰিয়ান কাশ্যপ, বিদ্যুৎ বৰুৱা,বিস্মিতা দত্ত, প্ৰশান্ত হাজৰিকা, শিল্পী শিখা বৰা,নিলাক্ষী বৰুৱা,চয়নিকা বৰা,লাকী বৰা,অচিতা দত্ত, প্ৰিয়াক্ষী সভাপণ্ডিত, মাধুৰিমা বৰুৱা,তাপস অৰুণ শইকীয়া, প্ৰদ্যুৎ কৃষ্ণ মহন্ত,প্ৰাচুৰ্য প্ৰাণ গোস্বামী, গোপাল কৃষ্ণ বাঢ়ে আৰু সমীৰণ দত্ত।নাটখনি সহযোগী পৰিচালনা তাপস তৰুণ শইকীয়া।সংগীত পৰিচালনা জয়ন্ত নাথ,পোহৰ তপন বৰুৱা,ৰূপসজ্জা সমীৰণ দত্ত,চয়নিকা বৰুৱা,মঞ্চ সম্পাদনা দিব্যজ্যোতি বৰুৱা।কলা নিৰ্দেশনা আৰু ব্যৱস্থাপনা নুৰুদ্দিন আহমেদ আৰু সমীৰণ দত্ত।

দৰং জিলা সাহিত্য সভাৰ শিল্পী দিৱস উদযাপন

দৰং জিলা সাহিত্য সভাৰ অন্যতম সক্ৰিয় শাখা হিচাপে পৰিচিত লুইতপৰীয়া সাহিত্য সভাৰ উদ্যোগত দৰং জিলা সাহিত্য সভাৰ শিল্পী দিৱসটি দেওবাৰে দিনজোৰা কাৰ্যসূচীৰে উপৰ কুৰুৱাৰ আনন্দৰাম পুথিভঁৰাল প্ৰাংগনত পালন কৰা হয় ।কাৰ্যসূচী অনুসৰি আজি পুৱা ৮ বজাত আনন্দৰাম পুথিভঁৰালৰ সম্পাদক কুশল দাস আৰু উপ সভাপতি ভূপেন দাসৰ পৰিচালনাত সম্পন্ন হয় পৰিৱেশ নিকাকৰণ ।

পুৱা ৮-৫৫ বজাত অসম সাহিত্য সভাৰ পতাকা উত্তোলন কৰে লুইতপৰীয়া সাহিত্য সভাৰ সভাপতি বিষ্ণু প্ৰসাদ শইকীয়াই।৯ বজাত বন্তি প্ৰজ্বলন কৰে লুইতপৰীয়া সাহিত্য সভাৰ প্ৰাক্তন সভাপতি বিপিন চন্দ্ৰ নাথে । ইয়াৰ পাছতেই ৰূপকোঁৱৰৰ প্ৰতিচ্ছবিত মাল্যাৰ্পণ কৰে মাজ কুৰুৱা প্ৰাথমিক বিদ্যালয়ৰ অৱসৰপ্ৰাপ্ত প্ৰধান শিক্ষক মহিম ৰাজবংশীয়ে ।

দৰং জিলা সাহিত্য সভাৰ সম্পাদক গৌতমানন্দ গোস্বামীয়ে আঁতধৰা, উপ-সভানেত্ৰী বৰদা শইকীয়াই বিয়লি এক বজাৰ পৰা আৰম্ভ হোৱা মুকলি সভা আৰু শিল্পী সম্বৰ্ধনা অনুষ্ঠান উদ্বোধন কৰে দৰং জিলা সাহিত্য সভাৰ প্ৰাক্তন সম্পাদক সৎৰাম ডেকাই । সভাত নিৰ্দিষ্ট বক্তাৰ ভাষণ প্ৰদান কৰে ছিপাঝাৰ মহাবিদ্যালয়ৰ অসমীয়া বিভাগৰ মুৰব্বী অধ্যাপক ড০ প্ৰসন্ন কুমাৰ নাথে।

ৰূপকোঁৱৰক স্মৰণ কৰি..

অসমীয়া ভাষা,সাহিত্য, নাট্যজগত তথা বোলছবি জগতলৈ অৱদান আগবঢ়োৱা অন্যতম পুৰোধা ব্যক্তি হ’ল জ্যোতিপ্ৰসাদ আগৰৱালা।তেখেতে ১৯৩৫ চনতে প্ৰথম অসমীয়া চলচিত্ৰৰ জয়মতী নিৰ্মাণ কৰিছিল।সেয়ে আগৰৱালাক অসমীয়া চলচিত্ৰৰ জনক বুলি কোৱা হয়।ইয়াৰ উপৰিও জ্যোতিপ্ৰসাদ আগৰৱালাই প্ৰায় ৩০০ গীত ৰচনা কৰি নিজে সুৰ দিছিল।সেই গীত সমূহক জ্যোতিসংগীত হিচাপে জনা যায়। লগতে গল্প,কবিতা, উপন্যাস, শিশু সাহিত্য ৰচনা কৰি অসমীয়া সাহিত্যৰ ভঁৰাল টনকিয়াল কৰি থৈ গৈছে।এই গৰাকী মহামনিষীৰ মৃত্যু তিথি দিনা এন ই ফ’কাচ ডট কমৰ পৰিয়ালে শ্ৰদ্ধাৰে সুঁৱৰিছো।

২১ জানুৱাৰীৰ পৰা বোকাখাতত তিনিদিনীয়াকৈ অনুষ্ঠিত হ’ব কৃষি আৰু উদ্যান শস্যৰ ৰাষ্ট্ৰীয় মেলা

বোকাখাতত প্ৰথমবাৰৰ বাবে অনুষ্ঠিত হ’ব আন্তঃৰাষ্ট্ৰীয় (ভাৰ্চুৱেল) অংশ গ্ৰহণেৰে ৰাষ্ট্ৰীয় কৃষি আৰু উদ্যান শস্য মেলা ২০২১ ৷ তাৰ বাবে বোকাখাত ৰাজহুৱা খেল পথাৰত চলিছে যুদ্ধকালীন প্ৰস্তুতি ৷ ৰাজ্যৰ কৃষি বিভাগৰ উদ্যোগত অনুষ্ঠিত হ’ব লগা এই মেলা অহা ২১,২২ আৰু ২৩ জানুৱাৰীত অনুষ্ঠিত হ’ব ৷ মেলাত দেশৰ বিভিন্ন প্ৰান্তৰ বিপনীয়ে অংশ ল’ব ৷ শনিবাৰে বিয়লি স্থানীয় বিধায়ক তথা ৰাজ্যৰ কৃষিমন্ত্ৰী অতুল বৰাই অগ্ৰগতিৰ বুজ লয় ৷ কৃষি আৰু উদ্যান শস্যৰ সঞ্চালক মঃ জেলিলৰ লগতে কৃষি বিভাগৰ মুখ্য সচিব ৰাজেশ প্ৰসাদৰ উপৰিও জিলা আৰু মহকুমা প্ৰশাসনৰ বিষয়া বৰ্গ উপস্থিত থাকে ৷ এই মেলাত এইবাৰ ক`ভিডৰ বাবে বহিঃৰাষ্ট্ৰৰ বিপনীয়ে অংশ নল’ব যদিও আন্তঃৰাষ্ট্ৰীয় (ভাৰ্চুৱেল) অংশ গ্ৰহণ অনুষ্ঠিত হ’ব ৷ লগতে দিল্লীস্থিত বহিঃৰাষ্ট্ৰৰ ৰাষ্ট্ৰদূত সকলৰ লগতে কেন্দ্ৰীয় কৃষিমন্ত্ৰীগৰাকীক আমন্ত্ৰণ জনোৱাৰ ব্যৱস্থা কৰিছে যদিও এতিয়াও তেওঁলোকৰ নিমন্ত্ৰণ নিশ্চিত হোৱা নাই বুলি মন্ত্ৰীগৰাকীয়ে জনাইছে ৷ মেলাত বহিঃ ৰাজ্যৰ পৰা অহিব লগা অত্যাধুনিক কৃষি সামগ্ৰী প্ৰদৰ্শনৰ লগতে ৰাজ্যৰ কৃষকে প্ৰশিক্ষণ লাভ কৰিব পাৰিব বুলি সদৰি কৰে কৃষিমন্ত্ৰীগৰাকীয়ে ৷ তাৰোপৰি ৰাজ্যৰ কৃষকসকল উপকৃত হ’ব পৰাকৈ কেইখনো আলোচনাচক্ৰ অনুষ্ঠিত হ’ব ৷ অহা ২১ জানুৱাৰীত মুখ্যমন্ত্ৰী সৰ্বানন্দ সোনোৱালে মেলাখন আনুষ্ঠানিকভাৱে মুকলি কৰিব বুলি জনালে কৃষিমন্ত্ৰী অতুল বৰাই ৷ বোকাখাত ৰাজহুৱা খেলপথাৰত অনুষ্ঠিত মেলাত প্ৰতিদিনে স্থানীয় আৰু আমন্ত্ৰিত কন্ঠশিল্পীসকলৰ দ্বাৰা সাংস্কৃতিক কাৰ্যসূচীও অনুষ্ঠিত হ’ব ৷ ইয়াৰ পূৰ্বে এই মেলা গুৱাহাটী আৰু ডিব্ৰুগড়ত অনুষ্ঠিত কৰিছিল যদিও ২০২০ বৰ্ষটিত ক’ৰণা সৃষ্ট পৰিৱেশৰ বাবে অনুষ্ঠিত কৰিব পৰা নাছিল ৷

খবৰ যুগুতালে বোকাখাতৰ পৰা দিব্যজ্যোতি হাজৰিকাই ৷

কাজিৰঙাৰ এনিমেল কৰিডৰ চাফা কৰিলে মহাবিদ্যালয়ৰ ছাত্ৰ-ছাত্ৰীয়ে

কাজিৰঙা ৰাষ্ট্ৰীয় উদ্যানৰ অতি গুৰুত্বপুৰ্ণ পানবাৰীৰ এনিমেল কৰিডৰ৷ এই এনিমেল কৰিডৰে পানবাৰী সংৰক্ষিত বনাঞ্চলক কাজিৰঙা ৰাষ্ট্ৰীয় উদ্যানৰ সৈতে সংযোজিত কৰিছে ৷ এই কৰিডৰৰ মাজেৰে গৈছে ৩৭ নং ৰাষ্ট্ৰীয় ঘাইপথ ৷ এই পথেৰে অহা যোৱা কৰা যানবাহনে আৱৰ্জনা পেলাই প্ৰদূষিত কৰে এনিমেল কৰিডৰটো ৷ আজি বোকাখাতৰ জে ডি এছ জি মহাবিদ্যালয়ৰ ৰাষ্ট্ৰীয় সেৱা আঁচনিৰ ছাত্ৰ ছাত্ৰী সকলে এক অভিযানেৰে আৱৰ্জনা বুটলি প্ৰদূষণ মুক্ত কৰে এনিমেল কৰিডৰটো ৷ আজি পানবাৰীত পূৱ অসম বন্যপ্ৰাণী সংমণ্ডলৰ ডি এফ অ’ ৰমেশ কুমাৰ গগৈয়ে এই অভিযানৰ আৰম্ভণি কৰে ৷ এই উপলক্ষে পানবাৰী খণ্ড বন কাৰ্যালয় প্ৰাংগনত আয়োজিত এক অনুষ্ঠানত ডি এফ অ’ ৰমেশ কুমাৰ গগৈৰ উপৰিও কেন্দ্ৰীয় চৰকাৰৰ হিচাব পৰীক্ষণ বিভাগৰ ডেপুটি একাউন্টেট জেনেৰেল আব্ৰাহম জুদাহ চেপাহ এ, সহকাৰী বন সংৰক্ষক ঋতুপৱন বৰা, অনাৰেৰী ৱাইল্ড লাইফ ৱাৰ্ডেন উত্তম শইকীয়া, বোকাখাত বনাঞ্চলৰ বনাঞ্চলিক বিষয়া ডা৹ ইন্দ্ৰাণী বৰগোহাঁই, খণ্ড বন বিষয়া তৰুণ গগৈ, জে ডি এছ জি মহাবিদ্যালয়ৰ জ্যেষ্ঠ প্ৰৱক্তা প্ৰশান্ত ফুকন আৰু মতিৰাম দাসৰ লগতে বনকৰ্মী আৰু মহাবিদ্যালয় খনৰ ছাত্ৰ ছাত্ৰীও উপস্থিত থাকে ৷ অনুষ্ঠানত এনিমেল কৰিডৰৰ আৱৰ্জনা পৰিস্কাৰ কৰিবৰ বাবে জে ডি এছ জি মহাবিদ্যালয়ৰ ৰাষ্ট্ৰীয় সেৱা আঁচনিৰ ছাত্ৰ ছাত্ৰী সকল আগবাঢ়ি অহাৰ বাবে ভুয়সী প্ৰসংসা কৰে ডি এফ অ’ ৰমেশ কুমাৰ গগৈয়ে ৷ ছাত্ৰ-ছাত্ৰী সকলে হাতমোজা পৰিধান কৰি এনিমেল কৰিডৰটোৰ দুয়োকাষে পথৰ দাঁতিত পৰি ৰোৱা পুতি গন্ধময় আৱৰ্জনা বুটলি কৰিডৰটো পৰিস্কাৰ কৰে ৷ কাজিৰঙা ৰাষ্ট্ৰীয় উদ্যানৰ গুৰুত্বপূৰ্ণ পানবাৰী কৰিডৰটো লেতেৰা আৱৰ্জনা পেলাই প্ৰদূষণ নকৰিবৰ বাবে মহাবিদ্যালয়খনৰ ছাত্ৰ-ছাত্ৰীয়ে আহ্বান জনাইছে ৷

খবৰ যুগুতালে বোকাখাতৰ পৰা দিব্যজ্যোতি হাজৰিকাই ৷