লখিমপুৰ জিলাৰ লখিমপুৰ উন্নয়ন খণ্ডৰৰ অন্তৰ্গত সদা ব্যস্ত কোঁৱৰ গাঁৱৰ মাধবৰাম পথটোৰ জৰাজীৰ্ণ দূৰৱস্থাই দীৰ্ঘদিন ধৰি অঞ্চলবাসী ৰাইজক অবৰ্ণনীয় যন্ত্ৰণা ভোগাই আহিছিল। এই দুৰৱস্থাৰ সন্দৰ্ভত লখিমপুৰ বিধানসভা সমষ্টিৰ বিধায়ক মানৱ ডেকাক নিৰ্বাচনৰ সময়ত নাগৰিক সকলে অৱগত কৰি জৰুৰী কাৰ্য্যব্যৱস্থা গ্ৰহণৰ আহ্বান জনাইছিল। পৰৱৰ্তী সময়ত ডেকা বিধায়ক হিচাবে নিৰ্বাচিত হোৱাৰ পাছত ডেকাই প্ৰদান কৰা নিৰ্বাচনোত্তৰ প্ৰতিশ্ৰুতি শুক্ৰবাৰে পালন কৰে । বিধায়ক ডেকাই তৎপৰতাৰে মহাত্মা গান্ধী ৰাষ্ট্ৰীয় গ্ৰাম্য নিয়োগ নিশ্চিত আঁচনিৰ অধীনত এক আঁচনি গ্ৰহণ কৰি শুক্ৰবাৰে আনুষ্ঠানিক ভাৱে পথ নিৰ্মান কাৰ্যৰ শুভাৰম্ভ কৰে। স্থানীয় ৰাইজ ,দলীয় নেতৃত্ব আৰু বিভাগীয় বিষয়াই অংশ গ্ৰহণ কৰা এই নিৰ্মান কাৰ্যৰ শুভাৰম্ভনিয়ে অঞ্চলটোৰ এক দীৰ্ঘদিনীয়া জটিল সমস্যাৰ অৱসান ঘটালে বুলি কয় বিধায়ক ডেকাই । উল্লেখ্য যে এই পথটো এম জি এন ৰেগা আঁচনিৰ মুঠ ১৩ লাখ ১হাজাৰ ৬০২ টকা ব্যয়ৰে নিৰ্মান কৰা হব । বিধায়ক গৰাকীৰ এনে জন দায়বদ্ধশীল ভূমিকাক অঞ্চলবাসী ৰাইজে শলাগ লৈছে। বাতৰি যুগুতালে ঢকুৱাখনাৰ পৰা অমৃত পৱন বৰাই।
আৰ্যভট্ট বিজ্ঞান কেন্দ্ৰ ৰাণী ব্লকৰ উদ্যোগত ধাৰাপুৰ উচ্চ মাধ্যমিক বিদ্যালয়ত বিজ্ঞান ভিত্তিক প্ৰতিযোগীতা
admin January 21, 2022 7:12 PM
ধাৰাপুৰ উচ্চ মাধ্যমিক বিদ্যালয়ত আজি বিজ্ঞান ভিত্তিক এখনি প্ৰতিযোগিতা অনুষ্ঠিত হয় । ধাৰাপুৰ উচ্চতৰ মাধ্যমিক আৰু পলাশবাৰী আঞ্চলিক হাইস্কুলৰ ছাত্ৰ- ছাত্ৰী সকলে বিজ্ঞানৰ আৰ্হি, আকস্মিক বক্তৃতা আৰু পষ্টাৰ লিখাৰ প্ৰতিযোগিতাত অংশ গ্ৰহন কৰে । প্ৰতিযোগিতাৰ অন্তত ধাৰাপুৰ উচ্চ মাধ্যমিক বিদ্যালয়ৰ পৰিচালনা সমিতিৰ সভাপতি তৰুন চন্দ্ৰ দাসৰ সভাপতিত্বত বটাঁ বিতৰণি সভা অনুষ্ঠিত হয় । ধাৰাপুৰ উচ্চতৰ মাধ্যমিক বিদ্যালয়ৰ অধ্যক্ষ উৎপল শৰ্মা, পশ্চিম গুৱাহাটী মহাবিদ্যালয়ৰ প্ৰৱক্তা ড°হেমন্ত কলিতা, পলাশবাৰী আঞ্চলিক হাইস্কুলৰ শিক্ষক দীনেশ শৰ্মা, খগেন মেধি, মৰমী শৰ্মা আদিয়ে প্ৰতিযোগীতা সন্দৰ্ভত বক্তব্য আগবঢ়ায় । বিজয়ী প্ৰতিযোগী সকলোৰ মাজত বঁটা আৰু মানপত্ৰ বিতৰন কৰে ।
ভিউৱাছৰ মতামত