শৰীৰ চৰ্চা প্ৰতিযোগিতা সম্পন্ন

নাবা ডব্লিউ এফ এফ শিৱসাগৰে আয়োজন কৰা ৭ম নাবা ডব্লিউ এফ এফ মি: এণ্ড মিছ শিৱসাগৰ শৰীৰ চৰ্চা প্ৰতিযোগিতা শিৱসাগৰ নাট্যমন্দিৰত অনুষ্ঠিত হয়। দৰ্শকৰে পৰিপূৰ্ণ অতি উত্তেজনাপূৰ্ণ প্ৰতিযোগিতা খনত পৰিতোষ ৰয়ে অভাৰ অল মি: শিৱসাগৰ আৰু ইমপালচ জিমৰ ৰিছা শইকীয়াই মিছ শিৱসাগৰ (ফিটনেছ) আৰু বৰ্ষা সাহাই মিছ ফিটনেছ (ফিগাৰ) সন্মান লাভ কৰে। পুৰুষ আৰু মহিলাৰ মুঠ ১৫ টা শাখাত অনুষ্ঠিত হোৱা প্ৰতিযোগিতা খনত মেন বডী বিল্ডিংৰ ক্লাছ ৱান শাখাত ৰাহুল হাজৰিকা প্ৰথম আৰু প্ৰবাল বৰা ২য়, ক্লাছ টু ত প্ৰবাল প্ৰতীম বৰুৱা প্ৰথম, ক্লাছ থ্ৰীত চাৰীফ আহমেদ প্ৰথম, সুৰেশ গগৈ দ্বিতীয় আৰু দয়াল দে তৃতীয়, ক্লাছ ফৰ শাখাত পৰিতোষ ৰয় প্ৰথম, সৌৰভ গগৈ দ্বিতীয় আৰু প্ৰাণদ্বীপে তৃতীয় স্থান লাভ কৰে। জুনিয়ৰ বডী বিল্ডিং শাখাত ধ্ৰুৱজ্যোতি চাৰিঙিয়াই জুনিয়ৰ মিঃ শিৱসাগৰ, দ্বীপজ্যোতি বৰা দ্বিতীয় আৰু বৈভব পাঠকে তৃতীয় স্থান লাভ কৰে। মাছটাৰ্ছ শাখাত জীৱন ফুকন প্ৰথম, বিপুল লাখাৰি দ্বিতীয় আৰু লক্ষ্মীনাথ তাঁতী তৃতীয়। মেন বাৰ্মুদা মডেল টল শাখাত দেৱশীষ বৰা প্ৰথম, প্ৰৱাল প্ৰতীম বৰুৱা দ্বিতীয়, ৰিছিকেশ গৌতম তৃতীয়, মেন বাৰ্মুদা মডেল চৰ্ত শাখাত সৌস্তভ গগৈ প্ৰথম, পল্লব বাইলুং দ্বিতীয়, পাৰ্থ গগৈ তৃতীয়। মেন স্পৰ্টছ মডেল শাখাত পাৰ্থ গগৈ প্ৰথম, চন্দন গগৈ দ্বিতীয় আৰু বিশ্বজিৎ শইকীয়া তৃতীয়। আনহাতে মহিলাৰ ছিনিয়ৰ ওমেন শাখাৰ প্ৰয়া ৰিছা শইকীয়া প্ৰথম, বন্দিতা দাস দ্বিতীয় আৰু বিউটি বৰা তৃতীয়,আজৰা আকিন হাজৰিকা প্ৰথম, বিষ্ঞু প্ৰিয়া দত্ত দ্বিতীয় আৰু প্ৰণামিকা বৰাই তৃতীয় স্থান লাভ কৰে। মাতৃ সকলৰ বাবে অনুষ্ঠিত হোৱা মম ফিটনেছ শাখাত ৰূপজ্যোতি সন্দিকৈয়ে পাল্কী শৰ্মাই প্ৰথম স্থান লাভ কৰে। ওমেন স্পৰ্টছ মডেল শাখাৰ বৰ্ষা সাহা প্ৰথম, ৰুচ শইকীয়া দ্বিতীয় আৰু বন্দিতা দাস তৃতীয়, গাৰ্লছ এৰ’ৱিক্স শাখাত আৰ্হিশ্ৰেষ্ঠা দত্তই প্ৰথম, ক্ষতি দৰ্শনা বৰা দ্বিতীয় আৰু টানিস্কা গৌতমে তৃতীয় স্থান লাভ কৰে। আৰু শিৱসাগৰ ইতিহাসত প্ৰথম বাৰৰ বাবে আয়োজন কৰা ওমেন বডীবিল্ডিং শাখাত বৰ্ষা সাহাই মিছ শিৱসাগৰ ফিগাৰ সন্মানৰ অধিকাৰী হয়। শ্ৰেষ্ঠ জিমৰ সন্মান লাভ কৰে ইমপালছ জিম আৰু দ্বিতীয় স্থান লাভ কৰে লিংক্স ফিটনেছ জিমে।প্ৰতিযোগিতা খনত মুখ্য বিচাৰক হিচাপে উপস্থিত থাকে শৰীৰ চৰ্চাৰ ৰাষ্টীয় বিচাৰক তথা নাবা ডব্লিউ এফ এফ অসমৰ সাধাৰণ সম্পাদক জয়ন্ত বেজ। প্ৰতিযোগিতাখন উদ্বোধন কৰে শিৱসাগৰ জিলাৰ মাননীয় উপায়ুক্ত ডাঃ লক্ষ্মণন এছ দেৱে। সন্মানীয় অতিথি হিচাপে উপস্থিত থাকে কমাৰ্চ কলেজৰ অধ্যক্ষ ড০ সৌমাৰ জ্যোতি মহন্ত, অৰুণ দত্ত, পৌৰানেত্ৰী মৃদুস্মিতা সিনহা, ড০ খগেশ্বৰ দাস, আৰক্ষী বিষয়া নবীন সিনহা, জ্যোতিষ ফুকন, নাট্যকাৰ ৰূপক ভূঞাকে আদি কৰি বহুতো গণ্য মান্য ব্যক্তি।খবৰ যুগুতালে শিৱসাগৰৰ পৰা দিল্লিস্তান খানে 

Share on whatsapp
WhatsApp
Share on facebook
Facebook
Share on twitter
Twitter
Share on email
Email

এগৰাকী চিকিৎসকে শিশুৰ বাবে এখন উদ্যান আগবঢালে

পূজা বতৰত শিশু সকললৈ পূজা উপহাৰ আগবঢ়ালে এগৰাকী চিকিৎসকে ।তিনিচুকীয়া জিলা ডিগবৈ ৰশ্মিতা উপাধ্যায় নামৰ চিকিৎসক গৰাকীয়ে সপ্তমী দিনা এখন শিশু উদ্যান আগবঢালে।

 

চিকিৎসক গৰাকীয়ে ডিগবৈ বালিজান প্ৰাথমিক বিদ্যালয়ৰ প্ৰাঙ্গনত পিতৃ মাতৃ সোঁৱৰণত এখনি শিশু উদ্যান স্থাপন কৰে। এই শিশু উদ্যান খন শুভ উদ্বোধন কৰে অসম চিকিৎসা মহাবিদ্যালয় অৱসৰপ্ৰাপ্ত অধ্যক্ষ ড° নাৰায়ণ উপাধ্যায় । উল্লেখযোগ্য যে চিকিৎসক গৰাকী এনে মহানুভৱতাক অঞ্চলবাসীয়ে শলাগ লয়।

জিৰাফক চাহ বাগিছাৰ মাজত ৰাখিছে,কিন্তু কিয়

হাতীৰ উপদ্ৰপৰ পৰা ৰক্ষা পাবলৈ নুমলীগড় চাহ বাগিচাৰ কর্তৃপক্ষই গ্ৰহণ কৰিছে এক বিশেষ পদক্ষেপ।ধলাগুৰি চাহ বাগিচাৰ কৰ্তৃপক্ষই গ্ৰহণ কৰিছে এই ব্যৱস্থা।

 

উল্লেখযোগ্য যে ধলাগুৰি চাহ বাগিচাত চাহ বাগানৰ মাজত স্থাপন কৰিছে এক জিৰাফৰ  কাঠৰ প্ৰতিমূৰ্তি । চাহ বাগিচাৰ কর্তৃপক্ষই বিশ্বাস কৰে যে বনৰীয়া হস্তীয়ে এই জিৰাফক দেখিলে দূৰতে বিদূৰ হ’ব। সেইসূত্রে তেওঁলোকে জিৰাফৰ প্ৰতিমূৰ্তি বাগিচাত স্থাপন কৰিছে।

উল্লেখযোগ্য যে এই প্ৰকাণ্ড কাঠৰ জিৰাফটো দেখিলে বন্যহস্তী যাক আঁতৰি যায়।যি সময়ত হাতী মানুহৰ সংঘাতে ভয়াৱহ ৰূপ ধাৰণ কৰিছে,সেই সময়ত বাগিচাৰ কৰ্তৃপক্ষই জিৰাফক বাগিছাত স্থাপন কৰি নিৰ্দশন দাঙি ধৰিছে।

পূজা মণ্ডপত মাস্ক বিতৰণ কৰিলে অভিনেত্ৰী আইমী বৰুৱাই

প্ৰতিকূল বতৰৰ মাজতে উদযাপন হৈছে দেৱী দূর্গাৰ পূজা।কিনকিনীয়া বৰষুণে পূজাৰ পৰিৱেশ অধিক সেমেকা কৰি তুলিছে।

 

ক’ৰণা পৰিস্থিতিৰ  আৰু বৰষুণৰ বাবে এইবাৰৰ পূজা মণ্ডপসমূহত নাই ভক্তৰ ভিৰ। চৰকাৰী নীতি নিয়ম পালন কৰি ৰাইজ ঠাইয়ে ঠাইয়ে পূজা মণ্ডপত ভিৰ কৰা পৰিলক্ষিত হৈছে।

আনহাতে শনিবাৰে জাগীৰোডৰ বিভিন্ন পূজা মণ্ডপত দেখা গ’ল জনপ্ৰিয় অভিনেত্ৰী আইমী বৰুৱাক।প্ৰতিবাৰৰ দৰে এইবাৰো অভিনেত্ৰী গৰাকীয়ে জাগীৰোড সমষ্টিৰ বিভিন্ন পূজা মণ্ডপ পৰিদৰ্শন কৰি দেৱীৰ আশীষ লোৱা পৰিলক্ষিত হয়।এইবাৰ অভিনেত্ৰীগৰাকীয়ে জাগীৰোড বিভিন্ন পূজা মণ্ডপত ৩০ হাজাৰ মাস্ক বিতৰণ কৰে।

আকাশবাণী নগাঁও কেন্দ্ৰৰ সৌজন্যমূলক সাহিত্য অনুষ্ঠানে শ্ৰুোতাৰ মন জয় কৰিছে

আকাশবাণী নগাঁও কেন্দ্ৰই যোৱা চাৰিমাহ ধৰি প্ৰতি সপ্তাহৰ মঙ্গল আৰু শুক্ৰবাৰে পুৱা ৯.১৫ত প্ৰচাৰ কৰি অহা সৌজন্যমূলক সাহিত্য অনুষ্ঠানটিয়ে সচেতন শ্ৰুোতাৰ মনোযোগ আকৰ্ষণ কৰিবলৈ সক্ষম হৈছে।উল্লেখযোগ্য যে এই অনুষ্ঠানটিৰ যোগেদি নপুৰণি লেখক লেখিকা সকলে তেওঁলোকৰ সদ্যপ্ৰকাশিত গল্প, প্ৰৱন্ধ,কবিতা, নাটক,উপন্যস আদি গ্ৰন্থসমূহৰ পৰিচয় শ্ৰুোতা সমাজৰ আগত দাঙি ধৰাৰ উপৰিও লেখক সকলক  পৰিচয় কৰাই দিয়া হয়।

 

 

ইতিমধ্যে অসমৰ কেবাগৰাকী প্ৰতিষ্ঠিত কবি আৰু লেখকে এই অনুষ্ঠানটিত ভাগ লৈছে ।তদুপৰি, সম্প্ৰতি কেন্দ্ৰটোৰ পৰা প্ৰচাৰ হৈ থকা ডাঃ নৰেন কুটুমৰ “ভালপোৱাৰ কথোপকথন” নামৰ কবিতা সংকলনখনৰ সমূহ কবিতা সংগীত সংযোজনাৰে ধাৰাবাহিক ভাবে প্ৰচাৰ কৰি এক ব্যতিক্ৰমী  অনুষ্ঠান কেন্দ্ৰটিয়ে শ্ৰুোতাক উপহাৰ দিবলৈ সক্ষম হৈছে।

খবৰ যুগুতালে ৰাহুল দেৱ বৰদলৈয়ে