বিশ্ব সংস্কৃত দিৱস অহা দেওবাৰে পালন কৰা হ’ব। এই দিৱসৰ লগত সংগতি ৰাখি পেট্ৰ`টিক পিপ’লছ ফণ্ট অসমে সংস্কৃতক ৰাষ্ট্ৰীয় ভাষা হিচাপে স্বীকৃতি দিবলৈ আহ্বান জনাইছে।সমগ্ৰ ভাৰতবৰ্ষত প্ৰায় ৩৫০০ হাজাৰ বছৰৰ আগৰ পৰাই সংস্কৃতৰ প্ৰভাৱ দেখিবলৈ পোৱা যায়।লগতে উত্তৰ পূব ভাৰতৰ কামৰূপ তথা আহোমৰ শাসনটো সংস্কৃতে মান্যতা লাভ কৰিছিল।অসমৰ পণ্ডিত আনন্দ ৰাম বৰুৱাই পৃথিৱীৰ প্ৰাচীনতম এই ভাষাৰ উৎকৰ্ষ সাধনৰ বাবে আত্মনিয়োগ কৰিছিল।ভাৰতবৰ্ষত এতিয়াও কিছু কিছু সংস্কৃত ভাষা ব্যৱহাৰ হৈ আছে।আনকি পৃথিৱীৰ বিভিন্ন দেশৰ উচ্চ শিক্ষানুষ্ঠানত সংস্কৃত বিষয়ে অধ্যয়ন কৰা হয়।উত্তৰাখণ্ড সংস্কৃতে ৰাজ্যিক ভাষাৰ মৰ্য্যদা লাভ কৰি আহিছে।সেয়ে পি পি এফে সংস্কৃত ভাষাক কিছু সৰলীকৃত কৰি জনসাধাৰণৰ ব্যৱহাৰৰ বাবে উপযুক্ত কৰি তুলিবলৈ চৰকাৰক আহ্বান জনাইছে।
গুৱাহাটী বিশ্ববিদ্যালয় এন এছ এছ কোষৰ ৰাষ্ট্ৰীয় কন্যা শিশু দিবস উদযাপন
admin January 24, 2022 7:51 PM
আজাদী কা অমৃত মহোৎসবৰ অংশ হিচাপে গুৱাহাটী বিশ্ববিদ্যালয়ৰ ৰাষ্ট্ৰীয় সেৱা আঁচনি কোষে ২৪ জানুৱাৰীত এক বেবিনাৰৰ মাধ্যমত ৰাষ্ট্ৰীয় কন্যা শিশু দিবস উদযাপন কৰে। মুখ্য অতিথি হিচাপে উপস্থিত থাকি বিশ্ববিদ্যালয়খনৰ উপাচাৰ্য প্ৰফেছৰ প্রতাপ জ্যোতি সন্দিকৈয়ে ৰাষ্ট্ৰীয় কন্যা শিশু দিবস উদযাপনৰ গুৰুত্ব সম্পৰ্কে বিস্তৃত আলোচনা কৰি কয় যে কন্যা শিশুৰ প্রতি শ্রদ্ধা প্রথমে ঘৰৰ পৰাই আৰম্ভ কৰা উচিত আৰু এনএছ এছ স্বেচ্ছাসেবকে মানুহৰ মাজলৈ এই বাৰ্তা প্ৰেৰণ কৰিবলৈ আহ্বান জনায় । উত্তৰ পূব এন এছ এছৰ আঞ্চলিক সঞ্চালক দীপক কুমাৰে কাৰ্য্যসূচী বিষয়া আৰু স্বেচ্ছাসেবক সকলক কন্যা শিশুৰ উন্নতি আৰু নিৰাপত্তাৰ বাবে উদ্যোগ লবলৈ আহ্বান জনায় । তেওঁ চৰকাৰী বিভিন্ন আঁচনি , গার্ল চাইল্ড আঁচনিসমূহ এন এছ এছ কাৰ্য্যসূচী বিষয়া আৰু স্বেচ্ছাসেবকসকলে আগুৱাই নিয়াত অৰিহণা যোগাব লাগিব বুলি উল্লেখ কৰে। অতিথি অৰু অংশগ্রহণকাৰীক আদৰণি জনায় বিশ্ববিদ্যালয়ৰ ছাত্ৰকল্যাণ সঞ্চালক তথা এন এছ এছৰ কাৰ্য্যসূচী সমন্বয়ক ডঃ ৰঞ্জন কুমাৰ কাকতিয়ে । তেওঁ কয় যে : কন্যা শিশুৰ অধিকাৰ ,শিক্ষাৰ গুৰুত্ব, স্বাস্থ্য আৰু লিংগ বৈষম্য আৰু শাৰীৰিক নিৰ্যাতনৰ দৰে সমস্যা সম্পৰ্কে সচেতনতাৰ বাবে ৰাষ্ট্ৰীয় কন্যা শিশু দিবস পালন কৰা হয় । স্বাধীনতাৰ ৭৫ বছৰ উদযাপনৰ বাবে ২০ বছৰৰ কম বয়সী ৭৫ জনী কন্যা শিশুক গুৱাহাটী বিশ্ববিদ্যালয় এন এছ এছ কোষৰ অধীনৰ বিভিন্ন কলেজ এন এছ এছ গোটৰ দ্বাৰা সমাজত অসামান্য অৱদানৰ বাবে স্মাৰক,গামোচা আৰু মানপত্ৰৰে সম্বৰ্ধনা জনায় । কলেজৰ অধ্যক্ষ, এনএছএছ প্রোগ্রাম অফিছাৰ আৰুস্বেচ্ছাসেবক সমন্বিতে প্রায় ৩০০ জন অংশগ্রহণকাৰী এই বেবিনাৰত অংশগ্ৰহণ কৰে।
ভিউৱাছৰ মতামত