৩০ ডিচেম্বৰৰ পৰা আৰম্ভ হ’ব গুৱাহাটী গ্ৰন্থমেলা

অসম প্ৰকাশন পৰিষদৰ ৩৩ তম গুৱাহাটী গ্ৰন্থমেলা অহা ৩০ ডিচেম্বৰৰ পৰা ১০ জানুৱাৰীলৈ বাৰদিনীয়া বৰ্ণাঢ্য কাৰ্য্যসূচীৰে চান্দমাৰিস্থিত অসম অভিযান্ত্ৰিক প্ৰতিষ্ঠান খেলপথাৰত অনুষ্ঠিত হ’ব।ক’ভিড-১৯ মহামাৰীৰ ভয়াবহতাৰ প্ৰতি লক্ষ্য ৰাখি সকলোধৰণৰ সাৱধানতা অৱলম্বন কৰি গ্ৰন্থমেলাৰ কাৰ্য্যসূচী সমূহ সুচাৰুৰূপে অনুষ্ঠিত কৰাৰ পৰিকল্পনা গ্ৰহণ কৰিছে।

 

 

এই সম্পৰ্কে জানিবলৈ দি অসম প্ৰকাশন পৰিষদৰ সচিব প্ৰমোদ কলিতাই কয় যে চৰকাৰৰ অনুমতিৰ বাবে ইতিমধ্যে সকলো যোগাযোগ আৰম্ভ কৰা হৈছে।৩০ নৱেম্বৰ ২০২০ ৰ পাছত ক’ভিড-১৯ৰ কাৰণে আৰোপ কৰা বাধা নিষেধ বহুখিনি শিথিল হ’ব আৰু গ্ৰন্থমেলা আয়োজন কৰাৰ বাবে আপেক্ষিকভাৱে অনুকূল পৰিৱেশ আহিব বুলিও কলিতাই আশা প্ৰকাশ কৰে।

Share on whatsapp
WhatsApp
Share on facebook
Facebook
Share on twitter
Twitter
Share on email
Email

পানীদিহিং পক্ষী অভয়াৰণ্যত পক্ষী আৰু উদ্ভিদ বিষয়ক বিজ্ঞানভিত্তিক অধ্যয়ন কাৰ্যসূচী

যিসময়ত বিশ্বত প্ৰকৃতিৰ সুৰক্ষাৰ বিষয়ে সৰ্বসাধাৰণ ৰাইজ পূবতকৈ অধিক সচেতন হোৱাৰ বিষয়ে সৰ্বত্ৰে  প্ৰয়োজনীয়তাৰ ওপৰত গুৰুত্ব আৰোপ কৰা হৈছে, তেনে সন্ধিক্ষণত নৱপ্ৰজন্মৰ মাজত পৰিবেশৰ বিষয়ে সজাগতা বৃদ্ধিৰ বাবে শিৱসাগৰ বন সংমণ্ডলৰ কাৰ্য্যালয়ে গ্ৰহণ কৰিছে এক ব্যতিক্ৰমী পদক্ষেপ।

শিৱসাগৰ বন সংমণ্ডলৰ বিষয়া জয়শ্ৰী নাইডিঙৰ নেতৃত্বত যোৱা ২৩ ফেব্ৰুৱাৰী তাৰিখে শিৱসাগৰৰ ৪খন মহাবিদ্যালয় আৰু ৩ খন বিদ্যালয়ৰ ৭৩ গৰাকী ছাত্ৰ-ছাত্ৰীক পানীদিহিং পক্ষী অভয়াৰণ্য ভ্ৰমণ কৰোৱাই আৰু ইয়াৰ জৰিয়তে ছাত্ৰ-ছাত্ৰীসকলৰ কুমলীয়া মনত আমাৰ পক্ষীকূল, জলাহভূমি আৰু ঘাঁহনি পৰিস্থিতি তন্ত্ৰক এক বৈজ্ঞানিক চিন্তাধাৰাৰে অনুভৱ কৰোৱাৰ হকে এক বিশেষ পদক্ষেপ গ্ৰহণ কৰা হয়।

অসমৰ কেইবাগৰাকী পক্ষীবিদ আৰু উদ্ভিদবিদৰ সহযোগত বন বিভাগে এই কাৰ্যসূচী ৰূপায়ণ কৰি ছাত্ৰ-ছাত্ৰী সকলক পানীদিহিং পক্ষী অভয়াৰণ্য খনৰ বিভিন্ন পক্ষী আৰু গছ- গছনি সমূহ পৰিচয় কৰোৱাই দিয়ে। এই যাত্ৰাত পানীদিহিং পক্ষী অভয়াৰণ্যৰ উত্তৰ দিশে থকা ফুলাই আৰু কান্দুলিজান বিললৈ ছাত্ৰ-ছাত্ৰী সকলক আগবঢ়াই নি পানীদিহিং পক্ষী অভয়াৰণ্যৰ প্ৰাকৃতিক পৰিৱেশৰ লগত পৰিচয় কৰাই দিয়াৰ লগতে পৰিস্থিতি তন্ত্ৰৰো অধ্যয়ন কৰাৰ ব্যৱস্থা কৰা হয়।

সমল ব্যক্তি হিচাপে পক্ষীবিদ মৃদুপৱন ফুকন, দেৱশীষ গগৈ আৰু ময়ূৰ বাউৰীয়ে অংশগ্ৰহণ কৰি সমগ্র যাত্ৰাটোত দেখা পক্ষী সমূহ দেখুৱাই ছাত্ৰ-ছাত্ৰী সকলৰ মনত এক বৈজ্ঞানিক চিন্তাধাৰা জাগ্ৰত কৰাৰ প্ৰয়াস কৰে।

শিৱসাগৰ মহাবিদ্যালয়ৰ অধ্যাপকদ্বয় ক্ৰমে ডঃ উৎপল দত্ত আৰু ডঃ প্ৰভাত চন্দ্ৰ নাথে ছাত্ৰ- ছাত্ৰী সকলক অভয়াৰণ্যখনৰ পৰিস্থিতিতন্ত্ৰ সমূহৰ লগত পৰিচয় কৰাই দিয়াৰ লগতে যাত্ৰাকালত দেখাপোৱা গছ-পুলি সমূহৰ সৈতে পৰিচয় কৰাই ইয়াৰ গুৰুত্ব সন্দৰ্ভত সাৱলীল ব্যাখ্যা আগবঢ়ায় আৰু এইসমূহৰ সংৰক্ষণৰ হকে আত্মনিয়োগ কৰাৰ বাবে আহ্বান জনায়। এই কাৰ্যসূচীত ছাত্ৰ-ছাত্ৰী সকলে প্ৰায় ৬৫ টা বিভিন্ন প্ৰজাতিৰ পক্ষীৰ লগতে ৫৫ টাৰো অধিক উদ্ভিদ প্ৰজাতিৰ সৈতে পৰিচয় হয়। ছাত্ৰ-ছাত্ৰী সকলে ফুলাই আৰু কান্দুলিজান বিল প্ৰত্যক্ষ কৰি ইয়াৰ পৰিস্থিতি তন্ত্ৰৰ অধ্যয়নৰো সুযোগ লাভ কৰে। তেওঁলোকৰ অনুভৱ ব্যক্ত কৰি ছাত্ৰ-ছাত্ৰী সকলে বন বিভাগৰ এনে পদক্ষেপক এক সময়োপযোগী পদক্ষেপ ৰূপে অভিহিত কৰি ভৱিষ্যতেও এনে কাৰ্যসূচী হাতত লোৱাৰ বাবে বিভাগক আহ্বান জনায়।

উল্লেখযোগ্য যে, বন বিষয়া জয়শ্ৰী নাইডিঙে জানিব দিয়া মৰ্মে পানীদিহিং পক্ষী অভয়াৰণ্য বৰ্তমানেও সম্পূৰ্ণ অক্ষত অৱস্থাত আছে যদিও এই অঞ্চলত অবৈধ মাছ ধৰা আৰু অবৈধ পক্ষী নিধন কৰা কাৰ্যৰ বিষয়ে তেওঁ তথ্য লাভ কৰিছে। বন বিভাগৰ তৰফৰ পৰা এনে কাৰ্য ৰোধ কৰাৰ বাবে যাৱতীয় ব্যৱস্থা গ্ৰহণ কৰা হৈছে বুলি বন বিষয়া গৰাকীয়ে জানিবলৈ দিছে।

পঞ্চায়ত আৰু গ্ৰামোন্নয়নৰ ঠিকাভিত্তিত নিযুক্ত কৰ্মচাৰীৰ বাবে সুখবৰ:বেতনৰ বৃদ্ধি প্ৰস্তাৱত অনুমোদন চৰকাৰৰ

অসম চৰকাৰৰ পঞ্চায়ত আৰু গ্ৰামোন্নয়ন বিভাগে বিভাগৰ অধীনত ঠিকাভিত্তিত নিযুক্ত কৰ্মচাৰীসকলৰ দৰমহা বৃদ্ধি কৰাৰ সিদ্ধান্ত গ্ৰহণ কৰিছে।এই সম্পৰ্কত আয়ুক্ত কাৰ্যালয়ে দিয়া প্ৰস্তাৱৰ ভিত্তিত চলিত বৰ্ষৰ জানুৱাৰী মাহৰ ১ তাৰিখৰ পৰা প্ৰযোজ্য হোৱাকৈ বিভাগীয় মন্ত্ৰী নৱ কুমাৰ দলে অনুমোদন জনায়।এই সিদ্ধান্তৰ বিষয়ে সদৰি কৰি বিভাগৰ আয়ুক্ত হেমেন দাসে কয় যে পঞ্চায়ত আৰু গ্ৰামোন্নয়ন বিভাগৰ জনকল্যাণ মুকল আঁচনি সমূহ ৰূপায়ণৰ ক্ষেত্ৰত মূল চালিকা শক্তি ৰূপে পৰিগণিত হোৱা ঠিকাভিত্তিত নিযুক্ত কৰ্মচাৰী সকলৰ বিভিন্ন অভাৱ অভিযোগ সম্পৰ্কত মন্ত্ৰী পৰ্যায়ৰ লগতে বিভাগেও গুৰুত্ব সহকাৰে বিবেচনা কৰি আছে আৰু তেওঁলোকৰ বাবে বিভিন্ন সা-সুবিধা উপলব্ধ কৰিবলৈ বিভাগে তৎপৰতাৰে কাম কৰি আছে।

ইয়াৰে অংশ ৰূপেই দৰমহা বৃদ্ধি কৰাৰ সিদ্ধান্ত গ্ৰহণ কৰা হৈছে।তেওঁ লগতে কয় যে পঞ্চায়ত আৰু গ্ৰামোন্নয়ন বিভাগত ঠিকাভিত্তিত নিযুক্ত সকলো কৰ্মচাৰীক জীৱন বীমা আৰু স্বাস্থ্য বীমা সেৱাৰ অধীনত বিভিন্ন সা-সুবিধা প্ৰদানৰ বিষয়েও চৰকাৰে বিবেচনা কৰি আছে।এই ব্যৱস্থাই কৰ্মচাৰী সকলৰ মনত অধিক কৰ্মস্পৃহা জাগ্ৰত কৰিব বুলিও আয়ুক্ত গৰাকীয়ে আশা প্ৰকাশ কৰে।

উল্লেখযোগ্য যে বৰ্তমান বিভাগটোত ১০,৭২৪ গৰাকী ঠিকাভিত্তিত নিযুক্ত কৰ্মচাৰীয়ে সেৱা আগবঢ়াই আছে।তেওঁলোকৰ দৰমহা বৃদ্ধিৰ বাবে তিনিটা খলপ নিৰ্ধাৰণ কৰা হৈছে। এই অনুসৰি ২৫ হাজাৰ লৈকে দৰমহা পোৱা সকলৰ ক্ষেত্ৰত ১০ শতাংশ দৰমহা বৃদ্ধি কৰাৰ বিপৰীতে ২৫,০০১ টকাৰ পৰা ৫৫ হাজাৰতকৈ অধিক দৰমহা পোৱা সকলৰ বাবে ক্ৰমে ৮ আৰু ৫ শতাংশ দৰমহা বৃদ্ধি কৰাৰ সিদ্ধান্ত লোৱা হৈছে।তদুপৰি ক্ষেত্ৰ পৰিদৰ্শনৰ সুবিধাৰ বাবে ঠিকা ভিত্তিক কৰ্মচাৰী সকলক যাতায়তৰ বাবদ মাহিলী ৫০০ টকাকৈ আৰু টেলিফোন বা ইণ্টাৰনেট সংযোগৰ বাবে মাহত ২৫০ টকাকৈ প্ৰদান কৰাৰো সিদ্ধান্ত লোৱা হয়।এই সুবিধা প্ৰদান তথা বেতন বৃদ্ধিৰ বাবে বিভাগে বছৰি ২০ কোটিৰো অধিক ধন অতিৰিক্ত ভাৱে ব্যয় কৰিব লাগিব।

বাক্সাত এছ এছ বিৰ ‘বেটী বচাও বেটী পঢ়াও’ কাৰ্যসূচী ৰূপায়ন

বাক্সা জিলাৰ শিমলাত বুধবাৰে এছ এছ বিৰ ২৭ নম্বৰ বেটেলিয়ন ই-কোম্পানীৰ লক্ষীবজাৰ কেম্পৰ উদ্যোগত আৰু ককলাবাৰী উচ্চতৰ মাধ্যমিক বিদ্যালয়ৰ সহযোগত “বেটী বচাও বেটী পঢ়াও” এক কাৰ্যসূচী ৰূপায়ন কৰে।

ভাৰত চৰকাৰৰ গৃহমন্ত্ৰালয়ৰ নিৰ্দেশ মৰ্মে এক ভাৰত শ্ৰেষ্ঠ ভাৰত কাৰ্যসূচীৰ অংশ হিচাপে বুধবাৰে এছ এছ বিয়ে “বেটী বচাও বেটী পঢ়াও” কাৰ্যসূচী ৰূপায়ন কৰাৰ বুলি উল্লেখ কৰি এছ এছ বি ৰ লক্ষীবজাৰ কেম্পৰ ভাৰপ্ৰাপ্ত বিষয়া উমা শংকৰ পাটলে কয়- “প্ৰতি মাহে এছ এছ বিয়ে এক ভাৰত শ্ৰেষ্ঠ ভাৰত কাৰ্যসূচী ৰূপায়ন কৰি আহিছে। একেদৰে আজিৰ এই বেটী বচাও বেটী পঢ়াও কাৰ্যসূচী ৰ জৰিয়তে সমাজৰ মাজত এই বাৰ্তা প্ৰেৰণ কৰিব বিচাৰিছো যে ল’ৰা বা ছোৱালী দুয়ো সমান। সেয়েহে ল’ৰাৰ সমান মৰ্যাদাৰে ছোৱালী সকলক শিক্ষা প্ৰদান কৰি উপযুক্ত কৰি তুলিব লাগে।

বিদ্যালয়ৰ ছাত্ৰী সকলৰ সহিতে অনুষ্ঠানত এছ এছ বিৰ পৰিদৰ্শক কে চি মজুমদাৰ, কাঞ্চন দেব, ককলাবাৰী উচ্চতৰ মাধ্যমিক বিদ্যালয়ৰ অধ্যক্ষ বিক্ৰম কলিতাকে ধৰি কেবাগৰাকী শিক্ষক, সমাজ কৰ্মী আৰু এছ এছ বিৰ বিষয়াই অংশগ্রহণ কৰে।

দক্ষ এপৰ জৰিয়তে সহজতে জনসাধাৰণে সেৱা লাভ কৰিব পাৰিব

সম্প্ৰতি সময়ত আনুষ্ঠানিক শিক্ষাতকৈ স্কীল প্ৰশিক্ষণৰ প্ৰাসংগিকতা আছে কিয়নো দক্ষতা থাকিলে যিকোনো কামেই সম্ভৱ হৈ উঠে । উদাহৰণ স্বৰূপে চীনৰ এজনো মানুহ আজিলৈকে বহি থকা নাই। কাৰণ চীনত মেন পাৱাৰ প্লেনিং আছে।চীনে মানৱ সম্পদ হিচাপে গঢ়ি তুলিবলৈ ক্ৰুটি কৰা নাই ।আৰু ভৱিষ্যতে উদ্যোগ কৃষি, পশুপালন, বাণিজ্য আদি বিভাগৰ বিশেষ ভৱিষ্যত আছে।

এই মন্তব্য উদ্যোগ, বাণিজ্য, পৰিবহন বিভাগৰ মন্ত্ৰী চন্দ্ৰ মোহন পাটোৱাৰীৰ। আজি আনুষ্ঠানিক ভাৱে মহানগৰীৰ দিছপুৰস্থিত ৰাজ্যিক লোকনিৰ্মান বিভাগ আৰু প্ৰশিক্ষণ কেন্দ্ৰৰ প্ৰেক্ষাগৃহত দক্ষ এপ মুকলি কৰি মন্ত্ৰী গৰাকীয়ে এই মন্তব্য কৰে।উল্লেখযোগ্য যে কিউ জি এই দক্ষ এপৰ জৰিয়তে জনসাধাৰণে ঘৰতে বহি সকলো ধৰণৰ লাগতিয়াল সেৱা লাভ কৰিব পাৰিব এই কিউজি দক্ষ এপৰ লগত জড়িত হৈ আছে অসম দক্ষতা অভিযান মিছন পৰা প্ৰশিক্ষণ প্ৰাপ্ত বহু কেইগৰাকী যুৱক- যুৱতী।

আজি অনুষ্ঠানত উপস্থিত থাকি উদ্যোগ আৰু অসম দক্ষতা অভিযান মিছনৰ আনন্দ প্ৰকাশ তিৱাৰীয়ে কয় যে এই এপত উদ্যমীয়তা আৰু শ্ৰমৰ সংযোগ ঘটিছে।আশা কৰা হৈছে এই এপৰ জৰিয়তে ৰাইজে এক উৎকৃষ্ট সেৱা লাভ কৰিব। আজি অনুষ্ঠানত কেইবাগৰাকী ব্যক্তিৰ মত বিনিময় হয়।লগতে ASDM অন্তৰ্গত উৎকৃষ্ট ফলাফল প্ৰদৰ্শন কৰা বিভিন্ন অনুষ্ঠান প্ৰতিষ্ঠানক সম্বৰ্ধনা জনায়।

উল্লেখযোগ্য যে এই এপৰ জৰিয়তে ম’বাইলত এটা বুটাম টিপিয়েই লাভ কৰিব পাৰিব ঘৰুৱা যতনৰ লগতে Electician, beautician,Palumber, Mechanic আদিৰ অত্যাৱশ্যকীয় সেৱাসমূহ । Play-Store ৰ অতি সহজেই লাভ কৰিব পাৰিব “QG Daksha”নামৰ এপটো । অসম দক্ষতা অভিযানৰ জৰিয়তে অসম চৰকাৰে ইতিমধ্যেই ৰাজ্যৰ বহু নিবনুৱা যুৱক যুৱতীক এই “QG Daksha” এপ ত সেৱা আগবঢ়াব পৰাকৈ সক্ষম কৰি তুলিছে ।আজি অনুষ্ঠানত মুখ্য সচিব কে কে দ্বীবেদী লগতে বহুকেইজন বিশিষ্ট ব্যক্তি উপস্থিত থাকে।

বিশিষ্ট কবি ঊষামণি শইকীয়ালৈ কাব্য শিৰোমণি বঁটা

বিশিষ্ট কবি ,লেখিকা ঊষামণি শইকীয়ালৈ এই বৰ্ষৰ কাব্য শিৰোমণি বটা প্ৰদান কৰা হয়। মহানগৰীৰ জালুকবাৰীৰ সমীপৱৰ্ত্তী পাণ্ডু সদিলাপুৰৰ নিবাসী বিশিষ্ট কবি শইকীয়াক এই বটা প্ৰদান কৰে “আজিৰ কবিতা ” ৰ উদ্যোগত আয়োজিত এক গাম্ভীৰ্যপূৰ্ণ অনুস্থানত।ৰিপৰ্টাৰ অসম আৰু ধেমাজি জিলা কবি সন্মিলনৰ সহযোগত ধেমাজি জিলাৰ লোহিত -সাবিত্ৰী ভবন,বৰদলনিত যোৱা ২১ ফেব্ৰুৱাৰীত আয়োজিত অনুষ্ঠানত স্মাৰক ,গামোছা ,মানপত্ৰৰে বিশিষ্ট কবি গৰাকীক প্ৰদান কৰা হয় এই বটা।ইৰ্ষণীয় বটাতো প্ৰদান কৰে বিশিষ্ট সাহিত্যিক ইছমাইল হোছেইনে।এই বটাৰ জৰিয়তে প্ৰথমবাৰলৈ সদিলাপুৰলৈ সন্মান কঢ়িয়াই অনাত সমগ্ৰ সদিলাপুৰবাসী উৎফুল্লিত হৈ পৰিছে।ইতিমধ্যে লেখিকা গৰাকীয়ে সাংবাদিক পৰিষদ অসমকে ধৰি বিভিন্ন সংগঠনৰ পৰা সন্বৰ্ধনা গ্ৰহন কৰিবলৈ সক্ষম হৈছে।

উত্তৰ-পূব বেত আৰু বাঁহ উন্নয়ন পৰিষদত বাঁহৰ ট্ৰিটমেণ্ট প্ৰকল্প উদ্বোধন

গুৱাহাটী মহানগৰীৰ দাঁতি কাষৰীয়া অঞ্চল বৰ্ণিহাটস্থিত উত্তৰ-পূব বেত আৰু বাঁহৰ উন্নয়ন পৰিষদত আজি ট্ৰিটমেণ্ট প্ৰকল্প উদ্বোধন কৰা হয়।এই প্ৰকল্পটো উদ্বোধন কৰে ড’নাৰ,এমঅএছ পি এম অ পাৰ্চনেল, পাব্লিক গ্লিভনচ আৰু পেন্সন, পাৰমাণৱিক এনাৰ্জি আৰু মহাকাশ বিভাগৰ কেন্দ্ৰীয় ৰাজমন্ত্ৰী ড° জিতেন্দ্ৰ সিঙে।

এই প্ৰকল্প উদ্বোধন কৰি এনইচি, এনচিবিডিচিৰ ভূমিকা আৰু এনইচিবিডিচিৰ ড° চৌধুৰীৰ কামক ভূয়সী প্রশংসা কৰে ড° সিঙে।উল্লেখযোগ্য যে এই প্ৰকল্পটো ৰাষ্ট্ৰীয় বাঁহ মিছন আৰু উত্তৰ-পূব পৰিষদৰ পুঁজিদ্বাৰা স্থাপন আৰু ভেকুৱাম-পেচাৰ-ইমপ্ৰেজেনচন কৌশলৰ ওপৰত আধাৰিত।ভাৰতক স্বাৱলম্বী কৰি তোলাৰ বাবে এইটো এটা কেন্দ্ৰীয় চৰকাৰৰ এক উদ্যোগ, যাৰ দ্বাৰা বাঁহ উদ্যোগ আৰু এই খণ্ডত নিয়োগ সৃষ্টি কৰিব পৰা যায়।এই প্ৰকাৰৰ প্ৰকল্পই উত্তৰ পূবৰ স্থানীয় যুৱ আৰু কৃষক সকলক ট্ৰিটমেণ্ট প্ৰকল্প স্থাপন কৰিবলৈ উৎসাহিত কৰিব।লগতে গাঁও বোৰত উৎপাদিত তেওঁলোকৰ বাঁহৰ বাবে এখন ভাল বজাৰ প্ৰদান কৰিব।বাঁহ-উদ্যোগীয়ে ২০০ শতাংশ লাভৰ মাৰ্জিন লাভ কৰাৰ সুযোগ পাব।

অসমত এই প্ৰযুক্তিৰ প্ৰৱৰ্তনে প্ৰতি বছৰে ৫০০ তকৈও অধিক শিল্পী ,উদ্যোগী,কৃষকক্ষেত্ৰ কৰ্মকর্তা,শিক্ষাৰ্থী,আৰ্কিটেক্ট,বিজ্ঞানী আৰু পেছাদাৰী লাভম্বিত হ’ব বুলি আশা কৰা হৈছে।এই উদ্বোধনী অনুষ্ঠানত এয়াৰ মাৰ্শ্বল তথা পিভিএছএম,এভিএছএম,মাননীয় সদস্য উত্তৰ-পূব পৰিষদৰ অঞ্জন কুমাৰ গগৈৰ লগতৰ এনইচিবিডিচিৰ মেনেজমেন্টৰ সঞ্চালক ড° শৈলেন্দ্ৰ চৌধুৰী, এনইচিৰ উপদেষ্টা আৰ লালৰোডিচিৰ লগতে অন্যান্য ব্যক্তি সকল উপস্থিত থাকে।