এজন বড়ো জাতিপ্ৰেমী সংস্কৃতিৰ পূজাৰী, ৰাজ্যৰ এজন দক্ষ এ চি এছ বিষয়া, বি টি চিৰ অৱসৰপ্ৰাপ্ত সচিব, সমাজহিতৈষী দীনেশ চন্দ্র বড়োৰ পবিত্র স্মৃতিত আজি গুৱাহাটী জিলা বড়ো সাহিত্য সভাৰ উদ্যোগত মহানগৰীৰ আহোমগাঁওস্থিত বাথৌফুৰী সমাজ-সাহিত্য সাংস্কৃতিক প্ৰকল্পৰ প্ৰেক্ষাগৃহত আড়ম্বৰপূর্ণ পৰিৱেশৰ মাজত অনুষ্ঠিত হয়। আৰম্ভণিতে প্ৰয়াত দীনেশ চন্দ্র বড়োৰ স্থিৰ চিত্রত বন্তি প্ৰজ্বলন আৰু মাল্যাৰ্পন কৰে তেখেতৰ পত্নী মীনু বড়োয়ে। ইয়াৰ পিছতে সৰ্বধৰ্ম প্ৰাৰ্থনা সভা অনুষ্ঠিত কৰে। গুৱাহাটী জিলা বড়ো সাহিত্য সভাৰ সভাপতি লোহিত চন্দ্র ব্ৰহ্মৰ সভাপতিত্বত অনুষ্ঠিত মুকলি সভাৰ আঁত ধৰে লগতে উদ্দেশ্য বাখ্যা কৰে সভাৰ সম্পাদক গোলাপ বড়োই। নিৰ্মল সিং বড়ো সম্পাদিত স্মৃতিগ্ৰন্থ উন্মোচন কৰে গুৱাহাটী বিশ্ববিদ্যালয়ৰ অধ্যাপক ড০ অনিল কুমাৰ বড়োই। সভাত বড়ো সাহিত্য সভাৰ প্ৰাক্তন প্ৰধান সম্পাদক কমলা কান্ত মোছাহাৰী, উপ-সভাপতি ৰমেলা ইছলাৰী, কটন বিশ্ববিদ্যালয়ৰ অধ্যাপক গণেশ ৱাৰী, “বহুবাক” (বহুভাষিক সাহিত্য মঞ্চ, অসম) ৰ প্রধান সম্পাদক, সাংবাদিক, লেখক দীপক শৰ্মা, অৱসৰপ্ৰাপ্ত কমিচনাৰ জিতেন বৰগয়াৰী, সাহিত্যিক শৰৎ চন্দ্র বড়ো,অনিল বসুমতাৰী, গণেশ দৈমাৰী, বিনয় বসুমতাৰী, সদৌ বাথৌ সংগঠনৰ উপ-সভাপতি মহেশ্বৰ বসুমতাৰী, সহ: সম্পাদক ৰাতিৰাম বড়ো, গুৱাহাটী জিলা এবছুৰ অনজালু মুছাহাৰী, তিলক বড়ো প্ৰভৃতিয়ে ভাষণ দি দীনেশ চন্দ্র বড়োৰ বিশাল ব্যক্তিত্ব, কৰ্মৰাজীৰ লগতে বড়ো সাহিত্য সভাৰ প্ৰতি উল্লেখযোগ্য অৱদানৰ ওপৰত আলোকপাত কৰে।
Trending
- ৰাণী সাহিত্য সভাৰ দিনযোৰা কাৰ্যসূচীৰে দ্বি-বাৰ্ষিক অধিৱেশন সম্পন্ন
- গুৱাহাটী প্ৰেছ ক্লাবত সাপ্তাহিক কবচৰ ২৯ তম্ বৰ্ষপূৰ্তি উদযাপন
- ধাৰাপুৰত ১৫ দিনীয়া গ্ৰীষ্মকালীন নাট কৰ্মশালা আৰম্ভ
- Brahmaputra Conclave on Balancing Development and Ecology Held in Guwahati
- ৰাণীৰ এলিফেণ্ট কৰিডৰত হাতীৰ সুৰক্ষামূলক ফলক স্থাপন
- গুৱহাটী বিশ্ববিদ্যালয় এন এছ এছ কোষৰ উদ্যোগত বন মহোৎসৱ পালন
- গুৱাহাটীত ৩২তম অসম ৰাজ্যিক একুৱেটিক চেম্পিয়নশ্বিপ
- KARGIL MARTYR CAPT JINTU GOGOI, VrC REMEMBERED ON 26th MARTYRDOM DAY
- সম্পূৰ্ণ বিদ্যুৎচালিত ব্যৱস্থাৰে ডিব্ৰুগড়লৈ চলাচল কৰিছে ৰাজধানী এক্সপ্ৰেছ
- সৰ্বভাৰতীয় পৰ্যায়ত উজলি উঠিছে তামুলপুৰ উন্নয়ন খণ্ড-দেশৰ ৫০০টা উন্নয়ন খণ্ডৰ ভিতৰত প্ৰথম স্থান