অসম চৰকাৰৰ চৰকাৰী আচনিক সন্মান জনাই চতিয়াত কেইগৰাকীমান যুৱকৰ প্ৰচেষ্টাত গঠন হ’ল চতিয়া ফাৰ্মাৰ প্ৰডিউচাৰ কোম্পানী ৷ World bank ৰ বিত্তীয় সহায়ৰে অসম চৰকাৰৰ APART ৰ সহযোগত ICCOA ৰ জৰিয়তে উন্নীত চতিয়া খণ্ডত গঠিত হয় ফাৰ্মাৰ প্ৰডিউচাৰ কোম্পানী ৷ মুখ্যমন্ত্ৰীৰ আত্মনিৰ্ভৰশীল অসমৰ সংকল্পৰে APART ৰ জৰিয়তে চতিয়া ফাৰ্মাৰ প্ৰডিউচাৰ গঠন কৰি কাম আৰম্ভ কৰি চতিয়াৰ বিধায়ক পদ্ম হাজৰিকাৰ হাতৰে কোম্পানীৰ কাৰ্যালয় শুভাৰম্ভ কৰে ৷ বিধায়কগৰাকীয়ে কোম্পানীটোৰ কাৰ্যালয় শুভাৰম্ভ কৰি আত্মবিশ্বাসৰে কৃষিকাৰ্য , মৎস্য আদিত মনোনিৱেশ কৰি আগবাঢ়ি যাবলৈ অনুপ্ৰেৰণা দিয়ে লগতে এগৰাকী চতিয়াৰ সন্তান তথা বিধায়ক হিচাপে সকলো দিশতে কোম্পানীটোক সহায় সহযোগিতা আগবঢ়াই যোৱাৰ প্ৰতিশ্ৰুতি দিয়ে ৷ লগতে স্থানীয় ৰাইজকো সকলো দিশত কোম্পানীটোক দিহা পৰামৰ্শৰে আগবাঢ়ি যোৱাত সহায় কৰিবলৈ আহ্বান জনায় ৷
বাতৰি যুগুতালে জামুগুৰিহাটৰ পৰা ৰাতুল হাজৰিকাই।
