ৰাষ্ট্ৰীয় স্বীকৃতিপ্ৰাপ্ত উত্তৰ পূৰ্ব্বাঞ্চলৰ একমাত্ৰ মীন ভিত্তিক পৰিবেশানুকল পৰ্যটন কেন্দ্ৰ নগাঁওৰ জাছিংফাই আন আন বছৰৰ দৰে এইবেলিও ১৫ অক্টোবৰ তাৰিখে দিনজোৰা বিস্তৃত কাৰ্য্যসুচীৰে সপ্তম বাৰ্ষিক উত্তৰ পূৰ্ব্বাঞ্চলৰ বৰশী বোৱা উৎসৱ আয়োজন কৰিছে। ভাৰতীয় কৃষি গৱেষণা পৰিষদৰ অন্তৰ্গত ভীমতালৰ শীতল পানীৰ মৎস্য গৱেষণা সঞ্চালকালয়, বাঙ্গালোৰ পেলাজিক ট্ৰাইবছ WWF India গ্ৰাম্য উন্নয়ন সমিতি, অসম আৰু ৰাজ্যিক মীন বিভাগৰ সহযোগিতাত আয়োজিত এই উৎসৱৰ লগত ৰজিতা খুৱাই, মৎস্য আৰু প্ৰকৃতিৰ লগত মানৱ সৰ্ম্পক’ শীৰ্ষক এক কৰ্মশালা অনুষ্ঠিত হ’ব। কৰ্মশালাত ৰাষ্ট্ৰীয় পৰ্য্যায়ৰ কেইবাজনো সংশ্লিষ্ট বিষয়ক বিজ্ঞানীয়ে সমল ব্যক্তি হিচাপে অংশগ্ৰহণ কৰাৰ লগতে প্ৰখ্যাত আন্তজাৰ্তিক বৰশী বাওঁতা ডেৰেক ডি চুজাই বৰশী বাৱন আৰু সংৰক্ষণ সৰ্ম্পকীয় ব্যৱহাৰিক পাঠদান কৰাৰ লগতে আন্তজাৰ্তিক পৰ্য্যায়ৰ বিভিন্ন প্ৰাসংগিক আধুনিক সঁজুলি প্ৰদৰ্শন কৰিব। প্ৰতিযোগিতাৰ পঞ্জীয়ন মাচুল ১০০০ টকা আৰু বিভিন্ন শিতানত ট্ৰফী, নগদ ৪০,০০০ টকা, ৭৫,০০০ টকা মূল্যৰ সঁজুলি পুৰস্কাৰ হিচাপে প্ৰদান কৰা হ’ব। আন্তৰ্জাতিক বৰশী বাৱন প্ৰতিযোগিতাৰ বিধিসমূহ মানি চলিবলগীয়া প্ৰতিযোগিতাখনিৰ বৰ্ণাঢ্য সামৰণি অনুষ্ঠানত দেশ তথা ৰাজ্যৰ কেইবাজনো প্ৰতিথযশা শিল্পী, সাহিত্যিক, ৰাজনীতিবিদ, আমোলা , গৱেষক, নীতি নিৰ্দ্ধাৰকে অংশগ্ৰহণৰ সন্মতি প্ৰদান কৰিছে। ইচ্ছুক সকলে বিশদ বিৱৰণ আৰু তথ্যৰ বাবে জাছিংফাৰ মুখ্য পৰিচালন সঞ্চালক নৱ কুমাৰ গগৈ (৯৪৩৫০৬১৮১৮) বা কাৰিকৰী উপদেষ্টা কুলেন দাসৰ (৮৬৩৮০২৬৫৩৪/ ৯৪০১১৬৪১২৬) লগত যোগাযোগ কৰিব পাৰিব।
Trending
- সাহিত্য অকাডেমী বঁটা প্ৰাপক সুৰেন্দ্ৰ মোহন দাসক উষ্ম অভিনন্দন
- Assam–Arunachal Border Talks: 5th Regional Committee Meeting Charts Path to Resolution
- অসম আৰু উত্তৰ-পূৰ্বাঞ্চলৰ গ্ৰাহকক অনলাইন প্ৰৱঞ্চনাৰ পৰা ৰক্ষা কৰিবলৈ ভাৰতী এয়াৰটেলৰ অনন্য প্ৰচেষ্টা
- ৰাইজৰ সুবিধাৰ বাবে বন বিভাগৰ ৱেব পৰ্টেল আৰু ম’বাইল এপ মুকলি
- বি আৰ অৰ পূৱ মণ্ডলৰ এ ডি জি হিচাপে জীতেন্দ্ৰ প্ৰসাদৰ কাৰ্যভাৰ গ্ৰহণ
- মুখ্যমন্ত্ৰীৰ সপোনৰ প্ৰকল্প – ব্ৰহ্মপুত্ৰৰ ওপৰত শুৱালকুচি – পলাশবাৰী সংযোগী দলঙৰ মাজিৰগাঁওৰ পৰা বিমানবন্দৰৰ সমীপলৈ নিৰ্মাণ হাইস্পীদ চাৰিলেনযুক্ত পথ সুকীয়াকৈ থাকিব
- Inauguration of Common Facility Center (CFC) under PM-DevINE Scheme at Chümoukedima, Nagaland
- চলিত মাহতে নথিপত্ৰ সঠিক কৰি লৈহে বাহন চলাওক- অসমত চলাচল কৰা বৰ্হিৰাজ্যৰ বাহন অসমৰ পৰিবহণ বিভাগত পঞ্জীয়ন কৰাৰ আহ্বান
- আজাৰা কাঁহিকুছিৰ কৃষি বিজ্ঞান কেন্দ্ৰ, কামৰূপলৈ দেশৰ শ্ৰেষ্ঠ কৃষি বিজ্ঞান কেন্দ্ৰৰ বঁটা
- ভূটানৰ গেলেফু মাইণ্ডফুলনেছ চিটিৰ প্ৰতিনিধি দলৰ হয়গ্ৰীৱ মাধৱ মন্দিৰ আৰু আই আই টি-গুৱাহাটী ভ্ৰমণ