নতুন দিল্লীৰ টেলেণ্ট চাৰ্চ অৰ্গেনাইজেচনৰ উদ্যোগত তথা ইন্টাৰনেছনেল টেলেণ্ট চাৰ্চ ফেডাৰেচনৰ সহযোগত দিল্লীৰ পিটামপুৰাত অনুষ্ঠিত সপ্তম সংখ্যক নেচনেল ইয়ুথ গেমছ ২০২১ৰ টাইকোৱানডো প্ৰতিযোগিতাত গুৱাহাটীৰ ধাৰাপুৰ টাইকোৱানডো অকাডেমীয়ে কেবাটাও খিতাপ আজুৰি আনি অঞ্চলটোৰ লগতে সমগ্ৰ ৰাজ্যখনলৈ গৌৰৱ তথা সুনাম কঢ়িয়াই আনিবলৈ সক্ষম হৈছে। দিল্লীৰ পিটামপুৰাত যোৱা ১৮ ছেপ্টেম্বৰৰ পৰা ২০ ছেপ্টেম্বৰলৈ অনুষ্ঠিত টাইকোৱানডো প্ৰতিযোগিতাত ধাৰাপুৰ টাইকোৱানডো অকাডেমীৰ প্ৰশিক্ষক সঞ্জয় দাসৰ নেতৃত্বত যোগদান কৰি ক্ৰমে কৌস্তভ প্ৰতিম ঠাকুৰীয়া , মধুস্মিতা কলিতা , মানৱ মণ্ডল আৰু প্ৰিয়ম জ্যোতি কলিতাই স্বৰ্ণপদক আজুৰি আনিবলৈ সক্ষম হোৱাৰ লগতে বিতুপন বড়ো আৰু ৰিংকু বৰুৱাই ৰূপৰ পদক অৰ্জন কৰিবলৈ সক্ষম হয় । উল্লেখ্য যে সমগ্ৰ ৰাজ্যখনলৈ গৌৰৱ কঢ়িয়াই অনা ধাৰাপুৰ টাইকোৱানডো অকাডেমীৰ ছয়জনীয়া দলটো বৰঝাৰ বিমানবন্দৰত উপস্থিত হোৱাৰ লগে-লগে বৃহত্তৰ ধাৰাপুৰ-খানামুখ আৰু মাজিৰগাঁও অঞ্চলৰ বিভিন্ন দল-সংগঠন তথা ৰাইজে উষ্ম আদৰণি জনোৱাৰ লগতে এক শোভাযাত্রাৰে দলটোক ধাৰাপুৰলৈ আদৰি আনে । ধাৰাপুৰ টাইকোৱানডো অকাডেমীৰ সভাপতি অধিবক্তা জগদীশ ঠাকুৰীয়াই খিতাপ আজুৰি আনিবলৈ সক্ষম হোৱা দলটোৰ লগতে প্ৰশিক্ষক সঞ্জয় দাসক আন্তৰিক অভিনন্দন জ্ঞাপন কৰাৰ লগতে সমূহ ৰাইজক কৃতজ্ঞতা জনায় ।
Trending
- এয়াৰটেলে তীব্ৰতৰ বাউজিং গ্ৰাহকক প্ৰদান কৰিছে
- গুৱাহাটী কবি কিশোৰ কুমাৰ জৈনৰ দুখনকৈ কাব্যগ্ৰন্থ উন্মোচন
- তামুলপুৰত অসম প্ৰত্যক্ষ নিযুক্তি পৰীক্ষা সম্পৰ্কীয় প্ৰশিক্ষণ
- এণ্ড্ৰিউ ইউল এণ্ড কোম্পানীৰ অধীনস্থ চাহ বাগিচাৰ অচল অৱস্থা দূৰীকৰণৰ বাবে ৰাজ্য চৰকাৰৰ প্ৰচেষ্টা
- Teachers’ Day Celebration in Chirang District Highlights Educational Advancements and Achievements
- ই পি মিডিয়া ফ’ৰাম চাউথ কামৰূপৰ প্ৰতষ্ঠা দিৱস উদযাপন
- এইচডিএফচি বেংকে গ্ৰাহক অভিজ্ঞতা উন্নত কৰিবলৈ নতুন বৈশিষ্ট্যৰে ইউপি আই আৰু চি বি ডি চি উন্মোচন কৰে
- 31st Annual General Meeting of Numaligarh Refinery Limited held
- পবাক বন্যপ্ৰাণী অভয়াৰণ্যৰূপে গঢ়ি তোলা হ’ব – বিধানসভাত মন্ত্ৰী চন্দ্ৰমোহন পাটোৱাৰী
- ৰাষ্ট্ৰীয় পেলু নিৰ্মূলকৰণ দিৱসৰ শুভাৰম্ভ