গুৱাহাটীৰ প্ৰাগজ্যোতিষ মহাবিদ্যালয়ৰ ৰাষ্ট্ৰীয় সেৱা আঁচনি ( এন এছ এছ ) গোট আৰু গুৱাহাটী বিশ্ববিদ্যালয় এন এছ এছ কোষৰ সহযোগত আজিৰে পৰা চাৰিদিনীয়া কাৰ্যসূচীৰে কৌশল বিকাশ আৰু জীৱিকা পৰামৰ্শৰ প্ৰশিক্ষণ শিবিৰৰ আৰম্ভ হৈছে । আৰম্ভণি অনুষ্ঠানত ভাগ লৈ মহাবিদ্যালয়ৰ অধ্যক্ষ ডঃ মনোজ কুমাৰ মহন্তই সমাজত এনএছএছ-ৰ দায়বদ্ধতা সমন্ধীয় বক্তৃতা প্ৰদান কৰে। অনুষ্ঠানত মূখ্য অতিথিৰূপে উপস্থিত থকা গুৱাহাটী বিশ্ববিদ্যালয়ৰ ছাত্ৰ কল্যাণ সঞ্চালক আৰু এন এছ এছ কোষৰ কাৰ্য্যসূচী সমন্বয়ক ডঃ ৰঞ্জন কুমাৰ কাকতিক তেওঁ কিছুদিন পূৰ্বে ৰাষ্ট্ৰপতিৰ ৰাষ্ট্ৰীয় সেৱা আঁচনি ২০১৯-২০ বৰ্ষৰ বঁটা লাভ কৰা বাবে তেওঁক মহাবিদ্যালয়ৰ প্ৰতীক চিহ্নযুক্ত এখনি ফুলাম গামোছা আৰু এটি ফুলৰ তোৰাৰে অধ্যক্ষই সম্বৰ্ধনা জ্ঞাপন কৰে। অনুষ্ঠানত ভাষণত ডঃ কাকতিয়ে ছাত্ৰ-ছাত্ৰীসকলক উদ্দেশ্যি এনএছএছ সম্বন্ধীয় তেঁওৰ অভিজ্ঞতা সমূহ অভিব্যক্ত কৰাৰ লগতে জীৱনত কৌশল বিকাশৰ মাধ্যমেৰে নিজৰ লক্ষ্যত উপনীত হবলৈ অনুপ্ৰেৰণা যোগায়। অনুষ্ঠানটোত উপাধ্যক্ষ দীপিকা ৰয় মেধিয়ে ‘মোৰ দেশ’ শীৰ্ষক কবিতাৰ মাধ্যমেৰে ছাত্ৰ-ছাত্ৰীক দেশ সেৱাৰ বাবে উদ্বুদ্ধ কৰি তোলে। চাৰিদিনীয়া শিবিৰত প্ৰশিক্ষক হিচাপে মেঘনা কৌশিকে অংশগ্ৰহণ কৰে। প্ৰশিক্ষণ শিবিৰ অহা ২৮ অক্টোবৰত সামৰণি পৰিব।
Trending
- মন্ত্ৰী জয়ন্ত মল্লবৰুৱাৰ উপস্থিতিত স্বাক্ষৰিত হয় এইমএছ গুৱাহাটী আৰু নলবাৰী চিকিৎসা মহাবিদ্যালয় আৰু চিকিৎসালয়ৰ মাজত এক বুজাবুজি চুক্তি
- আজিৰে পৰা ১৩৩ সংখ্যক ইণ্ডিয়ান অইল ডুৰাণ্ড কাপ ফুটবল
- অমৃত বৃক্ষ আন্দোলনৰ অধীনত মৰিগাঁও জিলাত ৭ লাখ গছপুলি ৰোপণৰ লক্ষ্য
- তামুলপুৰত স্বাধীনতা দিৱসৰ প্ৰস্তুতি সম্পৰ্কীয় সভা
- গুৱাহাটী জল ব’ৰ্ডৰ কাম-কাজৰ বিস্তৃত পৰ্যালোচনাৰ অন্তত মন্ত্ৰী অশোক সিংহলৰ ঘোষণা
- গোৱালপাৰাৰ সদ্যপ্ৰয়াত ব্যৱসায়ী অশোক গোৱেলৰ বাসগৃহত উপস্থিত হৈ শোকাৰ্ত পৰিয়ালবৰ্গক সাক্ষাৎ মন্ত্ৰী অশোক সিংহলৰ
- আকাশবাণী নগাঁও কেন্দ্ৰৰ ৰাষ্ট্ৰীয় সম্প্ৰচাৰ দিন উদযাপন
- গুৱাহাটীত সাংবাদিকৰে মননশীল আলোচনাত অৰ্গেনাইজাৰ” পত্ৰিকাৰ মুখ্য সম্পাদক প্ৰফুল্ল কেতকাৰ
- পৌৰ প্ৰশাসনৰ সংস্কাৰ, উদ্যান আৰু বজাৰগৃহ নিৰ্মাণ, স্বচ্চ ভাৰত অভিযান আদি বিভিন্ন বিষয়ত জনতা ভৱনত মন্ত্ৰী অশোক সিংহলৰ কেইবাখনো গুৰুত্বপূৰ্ণ বৈঠক
- অসম জাতীয়তাবাদী যুৱ ছাত্ৰ পৰিষদৰ ৰামপুৰ আঞ্চলিক সমিতি গঠন