কেন্দ্ৰীয় সংৰক্ষিত আৰক্ষী বাহিনী (চি আৰ পি এফ) গুৱাহাটীৰ পশ্চিম প্ৰন্তৰ ৰাণীস্থিত ১৭৫ বেটেলিয়ানৰ উদ্যোগত আজি পশ্চিম গুৱাহাটীৰ ৰাণীৰ সমীপৰ অসম -মেঘালয় সীমান্তবৰ্তী মৈৰাপুৰ অঞ্চলত এক বিনামূলীয়া স্বাস্থ্য পৰীক্ষা শিবিৰ আৰু স্বাস্থ্য সজাগতা সভা অনুষ্ঠিত হয়। বাহিনীটোৰ জনহিতাৰ্থে কাৰ্যসূচী তথা আচনিৰ অধীনত ৰাষ্ট্ৰসংঘৰ উন্নয়ন প্ৰকল্প ৰাষ্ট্ৰীয় স্বাস্থ্য অভিযান আৰু অসম ডাউন টাউন বিশ্ববিদ্যালয়ৰ সংযোগত অনুষ্ঠিত শিবিৰ আৰু স্বাস্থ্য সজাগতা সভা উদ্বোধন কৰে ১৭৫ বেটেলিয়ান চি আৰ পি এফৰ কামাণ্টেণ্ড সুভাষ চন্দ্ৰ শৰ্মাই।উদ্বোধনী অনুষ্ঠানত চেকেণ্ড ইন কামাণ্ড এম এছ ৰাথোড়, জ্যেষ্ঠ স্বাস্থ্য বিষয়া ডা: এ কে ঠাকুৰ, ডেপুটি কামাণ্ডেণ্ট আবুল ৰহিম, সহকাৰী কামাণ্ডেণ্টদ্বয় ৰবি মিশ্ৰ আৰু প্ৰমোদ কুমাৰকে ধৰি বাহিনীটোৰ কেইবাগৰাকী বিষয়া, স্বাস্থ্য বিভাগৰ চিকিৎসক ক্ৰমে ডা: বিদ্যুৎ ভট্টাচাৰ্য, ডা: চাহিন চাজিদ, ডা: স্বপন কুমাৰ সিনহা, ডা: আদিত্য সন্দিকৈ, ডা: ৰহিদুল ইছলাম, ডা: খঞ্জন নাথ, ডা: যাদৱ চন্দ্ৰ শৰ্মাকে ধৰি ইউ এন ডি পি আৰু ৰাষ্ট্ৰীয় স্বাস্থ্য অভিযানৰ কেইবাগৰাকী বিষয়া উপস্থিত ৰাইজক কেনেধৰণৰ সাৱধানতা, সতৰ্কতা অৱলম্বন কৰি বহু সৰু-সুৰা বেমাৰৰ পৰা হাত সাৰি থাকি এক সুস্থ সবল নিৰোগী জীৱন কটাব পাৰি তাৰ বিষয়ে ব্যৱহাৰৰ বাখ্যা দাঙি ধৰে।আনহাতে পুৱা ১০ বজাৰ পৰা বিয়লী ৩ বজালৈ অনুষ্ঠিত স্বাস্থ্য শিবিৰত চিকিৎসকৰ দলটোৱে শিশু, মহিলাকে ধৰি পাচ শতাধিক লোকৰ ৰক্ত চাপ, ব্লাড চুগাৰ, হৃদযন্ত্ৰকে ধৰি সাধাৰণ স্বাস্থ্য পৰীক্ষা কৰাৰ লগতে বিভিন্ন ৰোগৰ লক্ষণ, প্ৰতিকাৰ, চিকিৎসা সন্দৰ্ভত দিহা পৰামৰ্শ আগবঢ়ায়।১৭৫ বি এন চি আৰ পি এফৰ কামাণ্ডেণ্ট সুভাষ চন্দ্ৰ শৰ্মাই জানিবলৈ দিয়ামতে বাহিনীটোৱে জনহিতকৰ কাৰ্যসূচীৰ অধীনত স্বাস্থ্য পৰীক্ষা শিবিৰ আৰু আন সামাজিক কাম সম্পন্ন কৰিব।
Trending
- অসম আৰু উত্তৰ-পূৰ্বাঞ্চলৰ গ্ৰাহকক অনলাইন প্ৰৱঞ্চনাৰ পৰা ৰক্ষা কৰিবলৈ ভাৰতী এয়াৰটেলৰ অনন্য প্ৰচেষ্টা
- ৰাইজৰ সুবিধাৰ বাবে বন বিভাগৰ ৱেব পৰ্টেল আৰু ম’বাইল এপ মুকলি
- বি আৰ অৰ পূৱ মণ্ডলৰ এ ডি জি হিচাপে জীতেন্দ্ৰ প্ৰসাদৰ কাৰ্যভাৰ গ্ৰহণ
- মুখ্যমন্ত্ৰীৰ সপোনৰ প্ৰকল্প – ব্ৰহ্মপুত্ৰৰ ওপৰত শুৱালকুচি – পলাশবাৰী সংযোগী দলঙৰ মাজিৰগাঁওৰ পৰা বিমানবন্দৰৰ সমীপলৈ নিৰ্মাণ হাইস্পীদ চাৰিলেনযুক্ত পথ সুকীয়াকৈ থাকিব
- Inauguration of Common Facility Center (CFC) under PM-DevINE Scheme at Chümoukedima, Nagaland
- চলিত মাহতে নথিপত্ৰ সঠিক কৰি লৈহে বাহন চলাওক- অসমত চলাচল কৰা বৰ্হিৰাজ্যৰ বাহন অসমৰ পৰিবহণ বিভাগত পঞ্জীয়ন কৰাৰ আহ্বান
- আজাৰা কাঁহিকুছিৰ কৃষি বিজ্ঞান কেন্দ্ৰ, কামৰূপলৈ দেশৰ শ্ৰেষ্ঠ কৃষি বিজ্ঞান কেন্দ্ৰৰ বঁটা
- ভূটানৰ গেলেফু মাইণ্ডফুলনেছ চিটিৰ প্ৰতিনিধি দলৰ হয়গ্ৰীৱ মাধৱ মন্দিৰ আৰু আই আই টি-গুৱাহাটী ভ্ৰমণ
- ভাৰত-ডেনমাৰ্কৰ দ্বিপাক্ষিক সম্পৰ্কৰ সফলতাই বিশ্বৰ সামুদ্ৰিক খণ্ডক এক নতুন গতি দিব: কোপেনহেগেন বিজনেছ স্কুলত ব্লু এম বি এ-ৰ প্ৰতিভাসমূহক সম্বোধন কৰে কেন্দ্ৰীয় মন্ত্ৰী সোণোৱালে
- NECTAR Launches Organic Agriculture Project in Arunachal Under PM-DevINE Scheme