বৰঝাৰস্থিত লোকপ্ৰিয় গোপীনাথ বৰদলৈ আন্তঃৰাষ্ট্ৰীয় বিমানকোঠত মহিলা আৰু পুৰুষ কৰ্মচাৰীৰ মাজত এখন সাপ্তাহিক কেৰম আৰু দবা প্ৰতিযোগীতাৰ আয়োজন কৰা হয়। উল্লেখযোগ্য যে আজাদী কা অমৃত মহোৎসৱৰ লগত সংগতি ৰাখি প্ৰায় যোৱা সাত দিন ধৰি একেৰাহে চলি থকা খেলখনৰ আজি সামৰণি পৰে। খেলৰ ফলাফল আজি ঘোষণা কৰা হয়। ফলাফল অনুসৰি, পুৰুষৰ কেৰম শাখাত ইন্দিগ’ বিমানসেৱাৰ কৰ্মচাৰী, সুনিল বাচফৰ বিজয়ী ঘোষিত হয়, লগতে এ এ আইৰ তৰফৰ পৰা গৌতম বৰুৱা আৰু এয়াৰ ইন্দিয়াৰ ফালৰ পৰা গৌতমজুম দাৰে ক্ৰমান্বয়ে প্ৰথম আৰু দ্বিতীয় ৰাণাৰছ আপ লাভ কৰে। একেদৰে মহিলা কেৰম শাখাত এ এ আইৰ হেমা কোৱৰ বিজয়ী ঘোষিত হয় লগতে বৰ্ষা দেবীয়ে প্ৰথম ৰাণাৰছ আপ লাভ কৰে। আনহাতেদি দবা প্ৰতিযোগীতাত, পুৰুষৰ শাখাত এ এ আইৰ কৰ্মচাৰী চালাম বিৰজীত সিংক বিজয়ী ঘোষিত কৰা হয় লগতে গৌৰৱ প্ৰকাশ আৰু তৰণজিৎ সিংক ক্ৰমান্বয়ে প্ৰথম আৰু দ্বিতীয় ৰাণাৰছ আপৰ পদক প্ৰদান কৰা হয়। খেলখন বিমানকোঠৰ সমূহ কৰ্মচাৰীৰ উদ্যোগত অনুষ্ঠিত হয়। বটা বিতৰণী সভাৰ মুখ্য অতিথি হিচাপে উপস্থিত থাকে বিমানকোঠৰ মুখ্য কাৰ্যবাহী বিষয়া (COO) স্নেহাশীষ দত্ত। ভাষণত তেখেতে মানুহৰ দৈনন্দিন জীৱনত খেলৰ উপযোগীতাৰ বিষয়ে সদৰী প্ৰকাশ কৰাৰ লগতে সমূহ বিজয়ীসকলক উৎসাহ প্ৰদান কৰে।
Trending
- মন্ত্ৰী জয়ন্ত মল্লবৰুৱাৰ উপস্থিতিত স্বাক্ষৰিত হয় এইমএছ গুৱাহাটী আৰু নলবাৰী চিকিৎসা মহাবিদ্যালয় আৰু চিকিৎসালয়ৰ মাজত এক বুজাবুজি চুক্তি
- আজিৰে পৰা ১৩৩ সংখ্যক ইণ্ডিয়ান অইল ডুৰাণ্ড কাপ ফুটবল
- অমৃত বৃক্ষ আন্দোলনৰ অধীনত মৰিগাঁও জিলাত ৭ লাখ গছপুলি ৰোপণৰ লক্ষ্য
- তামুলপুৰত স্বাধীনতা দিৱসৰ প্ৰস্তুতি সম্পৰ্কীয় সভা
- গুৱাহাটী জল ব’ৰ্ডৰ কাম-কাজৰ বিস্তৃত পৰ্যালোচনাৰ অন্তত মন্ত্ৰী অশোক সিংহলৰ ঘোষণা
- গোৱালপাৰাৰ সদ্যপ্ৰয়াত ব্যৱসায়ী অশোক গোৱেলৰ বাসগৃহত উপস্থিত হৈ শোকাৰ্ত পৰিয়ালবৰ্গক সাক্ষাৎ মন্ত্ৰী অশোক সিংহলৰ
- আকাশবাণী নগাঁও কেন্দ্ৰৰ ৰাষ্ট্ৰীয় সম্প্ৰচাৰ দিন উদযাপন
- গুৱাহাটীত সাংবাদিকৰে মননশীল আলোচনাত অৰ্গেনাইজাৰ” পত্ৰিকাৰ মুখ্য সম্পাদক প্ৰফুল্ল কেতকাৰ
- পৌৰ প্ৰশাসনৰ সংস্কাৰ, উদ্যান আৰু বজাৰগৃহ নিৰ্মাণ, স্বচ্চ ভাৰত অভিযান আদি বিভিন্ন বিষয়ত জনতা ভৱনত মন্ত্ৰী অশোক সিংহলৰ কেইবাখনো গুৰুত্বপূৰ্ণ বৈঠক
- অসম জাতীয়তাবাদী যুৱ ছাত্ৰ পৰিষদৰ ৰামপুৰ আঞ্চলিক সমিতি গঠন