ক’ভিড মহামাৰীৰ পৰা বৰঝাৰ বিমান বন্দৰত কৰ্মৰত বিষয়া – কৰ্মচাৰীৰ লগতে বিমান বন্দৰত কৰ্মৰত বিভিন্ন বিমান সেৱাৰ কৰ্মচাৰী , তেওঁলোকৰ পৰিয়ালৰ লোক সকলক ৰক্ষা কৰিবৰ বাবে ভাৰতীয় বিমান বন্দৰ প্ৰাধিকৰণৰ উত্তৰ পূৱ মণ্ডলে আৰম্ভণিৰ তৎপৰতা গ্ৰহণ কৰা পৰিলক্ষিত হৈছে । আনকি এমাহ পূৰ্বে প্ৰথম পৰ্যায়ৰ টীকাকৰণ পৰ্ব সমাপ্ত হোৱাৰ পাছত ৩ মে’ৰ পৰা গুৱাহাটীৰ বৰঝাৰস্থিত লোকপ্ৰিয় গোপীনাথ বৰদলৈ আন্তৰ্জাতিক বিমানবন্দৰ চৌহদত কৰ্মৰত আৰু ১৮ বছৰ বয়সৰ উৰ্ধৰ সকলো বিষয়া কৰ্মচাৰীৰ বাবে দ্বিতীয় পৰ্যায়ৰ টীকাকৰণ শিবিৰ আৰম্ভ কৰা হৈছে। ৰাষ্ট্ৰীয় স্বাস্থ্য মিছন , অসমৰ সহযোগত অনুষ্ঠিত শিবিৰত প্ৰথম দিনটোতে প্ৰাধিকৰণৰ বিষয়া – কৰ্মচাৰীকে ধৰি তেওঁলোকৰ পৰিয়ালৰ সদস্যসহ প্ৰায় ১,২০০ জনে টীকাকৰণৰ বাবে নাম পঞ্জীয়ন কৰে । ইয়াৰ ভিতৰত ৩ মে’ৰ দিনটোত সন্ধিয়ালৈ প্ৰায় ৬০০ জনক ক’ভিডৰ দ্বিতীয়টো টীকাকৰণ কৰা হয় । আনহাতে এই উপলক্ষে আয়োজিত চমু অনুষ্ঠানত বৰঝাৰ বিমান বন্দৰৰ সঞ্চালক ৰমেশ কুমাৰে কয় দেশত সম্প্ৰতি বিভীষিকাৰ সৃষ্টি কৰা ক’ভিড মহামাৰীৰ বিৰুদ্ধে চলি থকা যুজঁখনত আমি যিকোনো মূল্যৰ বিনিময়ত জয়লাভ কৰিবই লাগিব । তাৰ বাবে এই টীকাকৰণ শিবিৰ অনুষ্ঠিত কৰা হৈছে বুলি ব্যক্ত কৰি ইয়াত নাম পঞ্জীয়ন কৰা সকলোকে টীকা প্ৰদান কৰা হব বুলি ৰমেশ কুমাৰে ব্যক্ত কৰে । উল্লেখযোগ্য যে বিগত সময়চোৱাত বৰঝাৰ বিমান বন্দৰত কৰ্মৰত ভালে কেইজন বিষয়া – কৰ্মচাৰী , অভিযন্তা ক’ভিডত আক্ৰান্ত হৈছে । ইয়াৰে বেছিভাগেই সুস্থ হৈ পৰৱৰ্তী সময়ত পুনৰ কামত যোগদান কৰাৰ বিপৰীতে আন কেবাজনো এতিয়াও হোম আইছ’লেছনত আছে।
Trending
- ঢকুৱাখনাৰ অল আসাম উচ্চতৰ মাধ্যমিক বিদ্যালয়ত মনোজ্ঞ অনুষ্ঠান
- বিশিষ্ট বন্যপ্ৰাণী বিজ্ঞানী ড’ পূৰ্ণিমা দেৱী বৰ্মনক কিডবেদা প্ৰিস্কুল চেঞ্জ মেকাৰ বঁটা প্ৰদান
- চান্দমাৰিত হাস্য-ব্যংগ সাহিত্য সন্মিলন সমাপন
- শনিবাৰে উন্মোচন হয় মুখ্যমন্ত্ৰীৰ বক্তৃতা সংকলন-২, মুখ্যমন্ত্ৰীৰ ডায়েৰী শীৰ্ষক গ্ৰন্থ
- ২১ সংখ্যক চেন্নাই আন্তঃৰাষ্ট্ৰীয় চলচ্চিত্ৰ মহোৎসৱ (চিআইএফএফ)-২০২৩”ত ভাৰতীয় পেনোৰামাত স্থান লাভ ৰ’জী বৰাৰ দ্য লাষ্ট অনাৰ
- পলাশবাৰীৰ নহিৰাত প্ৰধান মন্ত্ৰী ‘শ্ৰী’ আঁচনিৰ আধাৰশিলা স্থাপন বিধায়ক হেমাংগ ঠাকুৰীয়াৰ
- কেঁচা ভূঁইৰ কঁপনি উন্মোচন
- কামৰূপ মহানগৰ নিৰ্বাচন জিলাৰ ৫ বিধানসভা সমষ্টিৰ খচৰা ফটো ভোটাৰ তালিকা প্ৰকাশ
- মৰিগাঁও জিলাৰ চৰ অঞ্চলত পুনৰসংস্থাপিত ৭৬ টা উচ্ছেদিত পৰিয়ালক এবিঘাকৈ মাটি আৱণ্টন দিয়াৰ বাবে প্ৰস্তাৱ গৃহীত-মহকুমা ভূমি উপদেষ্টা সমিতিৰ বৈঠকত উচ্ছেদিত লোকৰ স্থায়ী পুনৰসংস্থাপনৰ দিশত গুৰুত্বপূৰ্ণ সিদ্ধান্ত
- এক লাখ নিযুক্তি প্ৰদানৰ প্ৰতিশ্ৰুতি সম্পূৰ্ণ কৰাৰ পদক্ষেপ স্বৰুপে উচ্চ শিক্ষা বিভাগৰ সঞ্চালকালয়ৰ অধীনত ৫৮ গৰাকী প্ৰাৰ্থীলৈ নিযুক্তি পত্ৰ প্ৰদান