শিৱসাগৰ জনজাতি কৃষ্টি সংঘ আৰু নেষ্ট ফাউণ্ডেচনৰ আতিথ্যত আজি সন্মিলিত জনজাতি সাংস্কৃতিক মঞ্চ, অসমৰ দ্বিতীয় কাৰ্যনিৰ্বাহক সমিতিৰ সভাখন মঞ্চৰ সভাপতি তথা বিশিষ্ট শিল্পী, চিন্তাবিদ দেৱেন্দ্ৰনাথ বসুমতাৰীৰ সভাপতিত্বত অনুষ্ঠিত হৈ যায়। অসমৰ ভিন-ভিন প্ৰান্তৰ পৰা অহা মঞ্চৰ বিষয়ববীয়া, সদস্য আৰু উপদেষ্টাৰ উপৰিও কেবাগৰাকীও আমন্ত্ৰিত অতিথি আজিৰ বৰ্ধিত কাৰ্যনিৰ্বাহক সভাত অংশগ্ৰহণ কৰে। আজিৰ সভাত সৰ্বসন্মতি ক্ৰমে সংগঠনটিৰ নাম “সন্মিলিত জনজাতি সাংস্কৃতিক মঞ্চ, অসম” ৰ সলনি আজিৰ পৰাই কাৰ্যকৰী হোৱাকৈ সংগঠনৰ নাম “জনজাতি সাংস্কৃতিক মহাসভা” ৰখাৰ বাবে সিদ্ধান্ত লোৱা হয়। কাৰ্যনিৰ্বাহক সমিতিৰ সভাৰ লগতে আজি “পৰস্পৰে পৰস্পৰক জানো আহক” শীৰ্ষক আলোচনা সত্ৰৰ দ্বিতীয় পৰ্ব অনুষ্ঠিত হয়। এই আলোচনা সত্ৰখনি উদ্বোধন কৰি বিশিষ্ট সাংস্কৃতিক কৰ্মী কালিকান্ত বড়োৱে কয়- “এটা জনজাতিয়ে আন আন জনজাতিক জনাৰ বাবে অসম জনজাতি সাংস্কৃতিক মহাসভা”ই লোৱা উদ্যোগৰ উচ্চ প্ৰশংসা কৰে। মিছিং জনজাতিৰ বিশিষ্ট শিল্পী গৱেষক ডক্টৰ পৱিত্ৰ কুমাৰ পেগুৰ সঞ্চালনাত হোৱা এই আলোচনা সত্ৰত অংশগ্ৰহণ কৰি তিৱা লোক কৃষ্টিৰ সাধক গৱেষক নাদিৰাম দেউৰী, কৃষ্ণ কুমাৰ মেছ আৰু মানজেলাই নিজ নিজ জাতিৰ সাংস্কৃতিক জীৱন,তেখেত সকলৰ সমাজৰ সাংস্কৃতিক উৎসৱ,পূজা পাৰ্বণ আদিৰ বিষয়ে মনোগ্ৰাহী বক্তব্য ৰাখে। উল্লেখযোগ্য যে আজিৰ এই সভাত,অসম চৰকাৰে ২০২৩ বৰ্ষৰ বাবে আগবঢ়োৱা দ্বিতীয় সৰ্বোচ্চ অসামৰিক সন্মান ”অসম সৌৰভ” বঁটা প্ৰাপক নাদিৰাম দেউৰীক অসম জনজাতি সাংস্কৃতিক মহাসভাৰ ফালৰ পৰা সম্বৰ্ধনা আৰু সন্মান জনোৱা হয়। গাম্ভীয্যপূৰ্ণ এই আলোচনা সত্ৰত গৌৰিভদ্ৰ চিংনেন, ভূৱন চন্দ্ৰ বৰা, শান্তনু মেডক, বসন্ত সোণোৱাল, জীতেন বসুমতাৰী, অৰুণ পাটৰ প্ৰমুখ্যে বহু গণ্য মান্য ব্যক্তি উপস্থিত থাকে। শেষত শলাগৰ শৰাই আগবঢ়াই খ্ৰীষ্টফাৰ দেউৰী খটিয়াই।অসম সংগীতৰে সভা সামৰণি কৰে ।
Trending
- বৈদেশিক পৰিক্ৰমা আৰু বস্ত্ৰ বিভাগৰ ৰাজ্যিক মন্ত্ৰী পৱিত্ৰ মাৰ্ঘেৰিটাৰ ত্ৰিপুৰা ভ্ৰমণ
- শক্তি পীঠ কামাখ্যা মন্দিৰত হাৰিয়ানাৰ মুখ্যমন্ত্ৰীৰ পূজা – অৰ্চনা – দুপৰীয়া খানামুখত বিজেপি নেতা ফণীন্দ্ৰ নাথ শৰ্মাৰ ঘৰত আহাৰ গ্ৰহণ , মুখ্যমন্ত্ৰী আৰু ফণীন্দ্ৰ নাথ শৰ্মাৰ সাংগঠনিক দক্ষতাক ভূয়সী প্ৰশংসা
- ৰাজ্যজুৰি অগপৰ ৪০ সংখ্যক প্ৰতিষ্ঠা দিৱস পালন
- ৰাণীৰ বিক্ৰমপুৰত শঙ্কৰদেৱৰ জন্ম জয়ন্তী উৎসৱ পালন
- ২৭ সংখ্যক সৰ্বভাৰতীয় বন ক্ৰীড়া সমাৰোহলৈ অসমৰ ৭১ জনীয়া দল
- ৫৭৬ তম গুৰু জন্ম জয়ন্তী উৎসৱত হৰি নামৰে মুখৰিত বটদ্ৰৱা আকাশ বতাহ
- নুন মাটি অঞ্চলৰ আর্থিকভাৱে পিছপৰা ৫০জন অনাথ শিক্ষাৰ্থীৰ মাজত শিক্ষণ সামগ্ৰী আৰু খাদ্য সামগ্ৰী প্ৰদান
- বি এছ এফৰ গুৱাহাটী ফ্ৰন্টিয়াৰৰ মহা পৰিদৰ্শক হিচাপে সঞ্জয় গৌৰৰ দায়িত্বভাৰ গ্ৰহণ
- প্ৰথমবাৰৰ বাবে গৃহ নিৰ্মাণ আৰু নগৰ পৰিক্ৰমা বিভাগৰ সম্পূৰ্ণ ৱেবভিত্তিক আৰু কাগজবিহীন পৰ্যালোচনা মন্ত্ৰী অশোক সিংহলৰ
- আই এ এছ এছ টিৰ সঞ্চালক অধ্যাপক আশীষ কুমাৰ মুখাৰ্জীলৈ দুটাকৈ ৰাষ্ট্ৰীয় সন্মান