২২ ডিচেম্বৰত এদিনীয়া কাৰ্যসূচীৰে নামনি অসমৰ এখন আগশাৰীৰ শিক্ষানুষ্ঠান জৱাহৰ নৱোদয় বিদ্যালয়ত ন পুৰণি ছাত্ৰ ছাত্ৰী সকলৰ সতীৰ্থ সন্মিলনখন অনুষ্ঠিত হৈ যায়। উক্ত অনুষ্ঠানটিৰ আৰম্ভণিতে বন্তি প্ৰজ্বলন কৰে জৱাহৰ নৱোদয় বিদ্যালয়ৰ সন্মানীয় অধ্যক্ষ বিপ্লৱ হাউলীয়ে। বন্তি প্ৰজ্বলন কাৰ্যসূচী সমাপ্ত হোৱাৰ লগে লগে ন পুৰণি ছাত্ৰ ছাত্ৰী সকলৰ মাজত এক মত বিনিময় অনুষ্ঠানো অনুষ্ঠিত হৈ হয় ।শিক্ষাগুৰুসকলৰ লগতে অভিভাৱকসকলে অংশগ্ৰহণ কৰা অনুষ্ঠানটিত কেবাগৰাকী প্ৰাক্তন ছাত্ৰই তেওঁলোকৰ বহুমূলীয়া বক্তব্যৰ যোগেদি বৰ্তমানৰ অধ্যয়নৰত ছাত্ৰ ছাত্ৰী সকলক নিজৰ নিজৰ অধ্যয়নত মনোনিবেশ কৰাৰ লগতে সমাজৰ প্ৰতিও দায়বদ্ব হ’বলৈ আহ্বান জনায়। উক্ত অনুষ্ঠানত অংশগ্ৰহণ কৰে জৱাহৰ নৱোদয় বিদ্যালয়ৰ নকৈ জন্ম গ্ৰহণ কৰা প্ৰাক্তন সন্মিলনী সংস্হাৰ সন্মানীয় সভাপতি তথা প্ৰাক্তন ছাত্ৰ মৃদুল কুমাৰ বৰ্মন, উপ সভাপতি তথা বিশিষ্ট চিকিৎসক ডাঃছলমান খান, শিক্ষক গগন দাস, সাধাৰণ সম্পাদক তথা চিকিৎসক শ্বামিম আহমেদ, সহকাৰী সম্পাদক তথা অধিবক্তা মোবাৰক হুছেইন, বিশিষ্ট চিকিৎসক ডাঃ আব্দুল বাতিন প্ৰমুখ্যে আন আন ছাত্ৰ-ছাত্ৰীয়ে। ১৯৯৫ চনত প্ৰতিষ্ঠা লাভ কৰা নামনি অসমৰ এক অগ্ৰণী শিক্ষানুষ্ঠান জৱাহৰ নৱোদয় বিদ্যালয়ে ২০২০ চনত ৰূপালী জয়ন্তী বৰ্ষত ভৰি দিব।সেয়ে সন্মিলনখনত আগন্তুক বৰ্ষত অনুষ্ঠিত হ’বলগীয়া ৰূপালী জয়ন্তীৰ বিষয়েও আলোচনা হয় আৰু প্ৰাক্তন ছাত্ৰ ছাত্ৰী সকলে সম্পূৰ্ণ ৰূপে সহায় সহযোগিতা কৰাৰ প্ৰতিশ্ৰুতি প্ৰদান কৰে। লগতে সকলোৰে উপস্থিতিত উক্ত সভাতেই প্ৰাক্তন ছাত্ৰ তথা সন্মিলনী সংস্হাৰ সহকাৰী সম্পাদক মোবাৰক হুছেইনৰ দ্বাৰা পৰিকল্পনা আৰু অংকন কৰা ছাত্ৰ সন্মিলনীৰ প্ৰতীক চিহ্নও উন্মোচন কৰা হয়। সভাৰ শেষত বিদ্যালয় কৰ্তৃপক্ষই সকলোৰে বাবে দুপৰীয়া আহাৰ গ্ৰহণৰো ব্যৱস্থা কৰে। পিছত ন পুৰণি ছাত্ৰ ছাত্ৰী আৰু শিক্ষকসকলৰ মাজত ক্ৰিকেট, ভলীবলকে আদি কৰি বিভিন্ন ধৰণৰ খেল ধেমালিও অনুষ্ঠিত হৈ যায়।সদৌ শেষত সকলোৱে মিলি জাতীয় সংগীত আৰু ৰাষ্ট্ৰীয় সংগীত পৰিবেশন কৰি অনুষ্ঠানটিৰ সফল পৰিসমাপ্তি ঘটায় বুলি প্ৰাক্তন ছাত্ৰ নাজিমুল হকে জানিবলৈ দিয়ে।
Trending
- সামাজিক ন্যায় আৰু সবলীকৰণ বিভাগৰ মন্ত্ৰী পীযুষ হাজৰীকাৰ সদৌ অসম সূত্ৰধৰ ছাত্ৰ সন্থাৰ ৮২সংখ্যক কেন্দ্ৰীয় অধিৱেশনত অংশগ্ৰহণ
- সৰুসজাই ষ্টেডিয়ামত ১১হেজাৰ শিল্পীয়ে পৰিবেশন কৰিব বড়ো লোক নৃত্যানুষ্ঠান ‘বাগৰুম্বা দ’হৌ
- আই আই টি গুৱাহাটী আৰু বালিপাৰা ফাউণ্ডেচনৰ মাজত বুজাবুজি চুক্তি-পূৱ হিমালয়ৰ পৰিৱেশ সংৰক্ষণ, শক্তি আৰু জল সুৰক্ষাৰ বাবে নতুন উদ্ভাৱন নীতিত কাম কৰাৰ লক্ষ্য
- স্বাধীনতা দিৱস উদযাপনৰ প্ৰস্তুতি সন্দৰ্ভত কামৰূপ (ম)জিলা প্ৰশাসনৰ সভা
- টপচেম চিমেণ্ট আৰু ভাৰতীয় ৰেডক্ৰচ ছছাইটিয়ে যৌথভাবে ৰক্তদান শিবিৰ আয়োজন
- এইচডিএফচি বেংকে এপিকে জালিয়াতিৰ বিৰুদ্ধে নাগৰিক সুৰক্ষাৰ বাবে গুৰুত্বপূৰ্ণ সতৰ্কবাণী জাৰি কৰিছে
- ভাৰতৰত্ন লোকপ্ৰিয় গোপীনাথ বৰদলৈক সশ্ৰদ্ধ স্মৰণ কামৰূপ (ম) জিলা প্ৰশাসনৰ
- NSE CROSSES 230 MILLION INVESTOR ACCOUNTS, RETAIL PARTICIPATION SOARS
- উৰিয়ামঘাটৰ ৰেঙমা জলসিঞ্চন আঁচনি পৰ্যবেক্ষণ মন্ত্ৰী অশোক সিংহলৰ
- চি আৰ পি এফৰ মুখ্য কাৰ্যালয়ত মা কামাখ্যাৰ ফটো সযতনে ৰাখিছে সঞ্চালক প্ৰধান জ্ঞানেন্দ্ৰ প্ৰতাপ সিঙে, গুৱাহাটীৰ আৰক্ষী আয়ুক্ত ডঃ পাৰ্থ সাৰথি মহন্তৰ পৰা বুজ অসমৰ পৰিস্থিতি