১জুলাইৰ পৰা ১৫জুলাইলৈ দেশজুৰি অনুষ্ঠিত হ’ল স্বচ্ছতাৰ পষেক । স্বচ্ছতা পষেকৰ অংশস্বৰুপে নুমলীগডৰ শোধনাগাৰ লিমিটেডে বিভিন্ন কাৰ্য্যসূচী পালন কৰে।পষেকৰ সংগতি ৰাখি গুৱাহাটী কৰ্পাৰেট কাৰ্য্যালয়ে চাফাই অভিযান আয়োজন কৰে।এই সংকল্প গ্ৰহণ আৰু স্বচ্ছতা কাৰ্য্যসূচীত অংশগ্ৰহণ কৰি এন আৰ এলৰ পৰিচালন সঞ্চালক এছ কে বৰুৱাই যে নিজৰ কৰ্মক্ষেত্ৰ আৰু চাৰিওকাষটো পৰিস্কাৰ পৰিচ্ছন্নতাকৈ কৰি ৰাখিব লাগে ।আনহাতে গোলাঘাটৰ লেটেকুজান আৰু অৰুণোদয় চাহ বাগিছাত মহিলাৰ মাহেকীয়া সজাগতামূলক কাৰ্যসূচী অনুষ্ঠিত কৰাৰ লগতে মহিলা সকলৰ মাজত চেনিটাৰী নেপকিন বিতৰণ কৰে।শিৱসাগৰ দেৱালয় গায়ন গাঁও আৰু গোলাঘাটৰ ঢেকীয়ালত পানীৰ ফিল্টাৰ বিতৰণ কৰে।স্বচ্ছতা পষেকৰ প্ৰথম সপ্তাহত শোধনাগাৰৰ সমীপৱৰ্তী বিদ্যালয়ত স্বচ্ছতা অভিযান অনুষ্ঠিত কৰাৰ লগতে শৌচাগাৰৰ ব্লক উদ্বোধন কৰে।ইয়াৰ উপৰিও ১০জুলাইত কচুপথাৰস্থিত শংকৰ দেৱ শিশু নিকেতনত এটা ব্লক মুকলি কৰে।শোধনাগাৰ পাশ্ববৰ্তী গাঁৱত স্বাস্থ্য, স্বচ্ছতা, অনাময়ৰ ওপৰত সজাগতা মূলক সভা অনুষ্ঠিত কৰে।
