যি সময়ত যুৱ প্ৰজন্ম বিপথে পৰিচালিত হৈছে বুলি অভিযোগ উত্থাপিত হয় সেইসময়তে টিয়কৰ বনাইৰ চপানী গাঁওত ছয় গৰাকী কলেজীয়া ছাত্ৰীয়ে উদ্যোগ লৈ বিহু পতা কাৰ্যই সকলোৰে মাজত চৰ্চা হৈছে। ঐতিহ্য বহনকাৰী চপানী গাঁও সংস্কৃতি আৰু সাহিত্যৰ দিশত বিশেষভাৱে আগবঢ়া। শিশু- ছাত্ৰ ছাত্ৰীয়ে প্ৰতিভা বিকাশ কৰিব পৰাকৈ সময়ে সময়ে এখন মঞ্চৰ অভাৱ অনুভৱ কৰিছিল। সেয়েহে যোৱা বৰ্ষৰ পৰাই গাঁওবাসীক একত্ৰিত কৰি স্থানীয় প্ৰতিভাক মান্যতা দিয়াৰ উদ্দেশ্যেৰে অসমীয়া জাতীয় জীৱনৰ আয়ুস ৰেখা বিহুকে কলেজীয়া ছয় গৰাকী ছাত্ৰীয়ে নেতৃত্ব লৈ গাঁওবাসীৰ পূৰ্ণ সহযোগিতাত বিহু পাতিবলৈ মনস্থ কৰিলে। এইবাৰো যোৱা বৰ্ষৰ দৰে যোৱা ২১ এপ্ৰিলত বনাই টিং চাপৰি ফিল্ডৰ বৰগছৰ তলত পূজা ভট্ট,জোনালী দেৱী ৰিংকুমণি ভট্ট,মুনমী ভট্ট, গাৰ্গী শইকীয়া, প্ৰীতি ভট্টই গঢ় দিয়া অৰ্দ্ধআকাশ এনাজৰী মঞ্চৰ উদ্যোগত বিহু উদযাপন হয় । ছাত্ৰ ছাত্ৰীৰ মাজত পৰম্পৰাগত অসমীয়া সাজ পাৰ প্ৰতিযোগিতা আয়োজন কৰি জাতীয় কৃষ্টি সংস্কৃতিৰ প্ৰতি সজাগ কৰাৰ প্ৰয়াস কৰে । এই অনুষ্ঠান পৰিচালনাত সহায় কৰে প্ৰফুল্ল শৰ্মাই । ইয়াৰ উপৰিও আন বহু কাৰ্যসূচীৰ লগতে আমন্ত্ৰিত বিহু হুচৰি দলে বিহু প্ৰদৰ্শন কৰে ।এই অনুষ্ঠানত চপানী গাঁওৰ লগতে ওচৰ চুবুৰীয়া অঞ্চলৰ লোকেও ভিৰ কৰে । বনাই উচ্চতৰ মাধ্যমিক বিদ্যালয়ৰ শিক্ষক দিলীপ বৰা, পৰাগ শইকীয়া , বোধেশ্বৰ বৰুৱা, ববী দত্ত ,জ্ঞানপীঠ একাডেমিৰ মুকুল বৰা উপস্থিত থাকে। অঞ্চলবাসীয়ে ছাত্ৰী কেইগৰাকীৰ এই প্ৰয়াসক শলাগ লয়।সহযোগ কৰিলে জ্যোতি প্ৰসাদ গগৈয়ে ..
Trending
- চি আই ডিৰ মহাপৰিদৰ্শক হিচাপে নিযুক্তি লাভ আইৰণ লেডীৰ
- আজি অনুষ্ঠিত হয় প্রথম পৰ্য্যায়ৰ ভোটদানৰ পৰ্ব
- আজাৰাত এন ডি আৰ এফৰ প্ৰথম বেটেলিয়ানত সঞ্চালক প্ৰধান পীযুষ আনন্দ
- ৭৭ নং ঢকুৱাখনা বিধানসভা সমষ্টিৰ নিৰ্বাচনী বিষয়া কৰ্মী ৰাওনা ভোটকেন্দ্ৰলৈ
- ধেমাজি জৱাহৰ নবোদয় বিদ্যালয়ত সমাবেশ অনুষ্ঠান-নবাগতক বিদ্যালয় কৰ্তৃপক্ষৰ আদৰণি
- দীপৰ বিলৰ কাষৰীয়া দেউছতালত বৰো ধানৰ খেতিৰে সেউজ বিপ্লৱ গঢ়িছে বলেশ্বৰ ৰংপীয়ে
- ড্ৰাই ডে ঘোষণা
- মহানগৰীত ন’ ফ্লাই আৰু ন ক্ৰেকাৰ জ’ন “ঘোষণা জিলা দণ্ডাধীশৰ
- ব্যয় পৰ্যবেক্ষকৰ বৈঠক
- দুদিনীয়া কাৰ্যসূচীৰে অসমলৈ আহিব পঞ্জাবৰ মুখ্যমন্ত্ৰী ভগৱন্ত মান