অইলৰ অধ্যক্ষ আৰু পৰিচালন সঞ্চালক হিচাপে ডঃ ৰণজিৎ ৰথৰ কাৰ্যভাৰ গ্ৰহণ

দেশৰ ৰাজহুৱা তৈল কোম্পানী সমূহৰ অন্যতম আৰু নবৰত্ন সন্মানেৰে সন্মানিত অইল ইণ্ডিয়া লিমিটেডৰ অধ্যক্ষ আৰু পৰিচালন সঞ্চালক হিচাপে ২ আগষ্টত কাৰ্যভাৰ গ্ৰহণ কৰিছে ডঃ ৰণজিৎ ৰথে । উল্লেখযোগ্য যে আই আই আই টি বোম্বাই আৰু আই আই টি খড়্গপুৰৰ পৰা সুখ্যাতিৰে উত্তীৰ্ণ ডঃ ৰণজিৎ ৰথ অইলকে ধৰি এনে ধৰণৰ প্ৰতিষ্ঠানত বিভিন্ন ক্ষেত্ৰত ২৫ বছৰৰো অধিক কাম কৰাৰ অভিজ্ঞতাৰে পুষ্ট । ইয়াৰ পূৰ্বে ডঃ ৰথে ভাৰতীয় ভূ – তাত্বিক জৰীপ বিভাগত সঞ্চালক প্ৰধান আৰু খনিজ বিদেশ ইণ্ডিয়া লিমিটেডত মুখ্য কাৰ্যবাহী বিষয়া হিচাপে সুখ্যাতিৰে কাৰ্যনিৰ্বাহ কৰিছিল । আনকি ভাৰত চৰকাৰৰ পেট্ৰলিয়াম মন্ত্ৰণালয়ৰ অধীনৰ তেল আৰু প্ৰাকৃতিক গেছৰ লগত জড়িত কেবাটাও প্ৰতিষ্ঠানত ডঃ ৰথে সেৱা আগবঢ়াইছিল।