উত্তৰ জামুগুৰি সামূহিক স্বাস্থ্যকেন্দ্ৰত বিশখন বিচনা যুক্ত চিকিৎসালয়ৰ গৃহৰ আধাৰশিলা বিধায়ক পদ্ম হাজৰিকাৰ

শোণিতপুৰ জিলাৰ উত্তৰ জামুগুৰি সামুহিক স্বাস্থ্যকেন্দ্ৰৰ কালি বিশখন বিচনা যুক্ত এটি চিকিৎসা গৃহৰ আধাৰশিলা স্থাপন কৰে চতিয়া সমষ্টিৰ বিধায়ক পদ্ম হাজৰিকাই ৷ চিকিৎসালয়খন পূৰ্বতে ত্ৰিশখন বিচনাযুক্ত আছিল যদিও আৰু বিশখন বিচনা বৃদ্ধি কৰি পঞ্চাশখন বিচনাযুক্ত চিকিৎসালয়লৈ উন্নীত কৰা হয় ৷ আজি চিকিৎসালয় গৃহৰ আধাৰশিলা কৰি চতিয়া সমষ্টিৰ বিধায়ক পদ্ম হাজৰিকাই কয়- ৰাইজৰ সু চিকিৎসাৰ ব্যৱস্থাৰ্থে আমি এই চিকিৎসালয় এশখন বিচনাযুক্ত চিকাৎসালয়লৈ উন্নীত কৰাৰ কথা চিন্তা-চৰ্চা কৰিছো ৷ ইতিমধ্যে এই সন্ধৰ্ভত আমি মূখ্যমন্ত্ৰী গৰাকীৰ লগত আলাপ আলোচনাও কৰিছো ৷ সমষ্টিটোৰ বিভিন্ন প্ৰান্তত আমি ৭ টা উপ স্বাস্থ্যকেন্দ্ৰ নিৰ্মানৰ অনুমোদন লাভ কৰা বুলি মন্তব্য কৰে বিধায়ক পদ্ম হাজৰিকাই ৷ আজিৰ এই আধাৰশিলা অনুষ্ঠানত চিকিৎসালয়খনৰ জেষ্ঠ চিকিৎসক ডা° ৰূপক বৰুৱা প্ৰমুখ্যে কৰি অঞ্চলটোৰ ভালে কেইগৰাকী বিশিষ্ট ব্যক্তি উপস্থিত থাকে৷

বাতৰি যুগুতালে জামুগুৰিহাটৰ পৰা ৰাতুল হাজৰিকাই ।