অসমৰ আন্তঃৰাষ্ট্ৰীয় আৰ্চাৰ বিশাল চাংমাই এছিয়া কাপত অংশগ্রহণ কৰিবলগা ভাৰতীয় দলত নিৰ্বাচিত হৈছে। ইউনাইটেড আৰব এমীৰেছৰ ছাৰৰ্জাহত ১৯ৰ পৰা ২৬ ডিচেম্বৰলৈ অনুষ্ঠিত এছিয়া কাপ- ষ্টেজ খ্ৰীলৈ জুনিয়ৰ ৰিকাৰ্ড আৰু কম্পাউণ্ড আৰ্চাৰগৰাকী নিৰ্বাচিত হোৱাৰ সুখবৰ সদৰী কৰিছে আৰ্চাৰী এছ’চিয়েশ্যন অৱ ইণ্ডিয়াৰ সহকাৰী সম্পাদক গুঞ্জন আবৰোলে।হাৰিয়ানাত দেশৰ ১৬ গৰাকী জুনিয়ৰ আৰ্চাৰক ছাৰজাহত এছিয়া কাপলৈ নিৰ্বাচন কৰা হয়। ৰিকাৰ্ডৰ পুৰুষ আৰু মহিলা শাখাত ৪ জনকৈ আৰু কম্পাউণ্ডৰ পুৰুষ আৰু মহিলা শাখাতো ৪ জনকৈ আচাৰক নিৰ্বাচন কৰা হৈছে। গোলাঘাটৰ কলেজীয়া ছাত্র বিশালে ২০১৬-১৭ ৰ ৰাজ্যিক স্কুল গেমছত আৰু খেলো ইণ্ডিয়াত শ্রেষ্ঠত্ব প্ৰদৰ্শন কৰাৰ পিছত ২০১৭ চনত অন্ধ্রপ্রদেশত অনূর্ধ্ব-১৪ ৰাষ্ট্ৰীয় চেম্পিয়নশ্বিপত দ্বিতীয় স্থান লাভ কৰে। ২০১৯ চনত ঢাকাত তৃতীয় আই এছ এছ এফ ইণ্টাৰনেশ্যনেল ছলিডাৰিটী আৰ্চাৰী চেম্পিয়নশ্বিপত ৰিকাৰ্ডৰ দলীয় শাখাত প্রথম স্থান লাভ কৰি প্ৰথমটো আন্তঃৰাষ্ট্ৰীয় পদক লাভ কৰাৰ সৌভাগ্য অর্জন কৰে। ব্যক্তিগত ৰিকাৰ্ডত বিশালে লাভ কৰে ব্রঞ্জ পদক। একেবছৰতেই কেডেট ৰিকাৰ্ড বয়জ শাখাত স্পেইনৰ মাদ্রিদত অনুষ্ঠিত ৱৰ্ল্ড য়ুথ আৰ্চাৰী চেম্পিয়নশ্বিপতো অংশগ্রহণ কৰে। সেইবাৰলৈ সফলতা লাভ কৰিবলৈ সক্ষম নহ’লেও ২০২১ চনৰ আগষ্ট মাহত কেডেট ৰিকার্ড বয়জ ডিভিজনত পোলেণ্ডৰ য়ুথ ৱৰ্ল্ড চেম্পিয়নশ্বিপত দলীয় আৰু মিশ্ৰিত দলীয় শাখাত সোণৰ পদক লাভ কৰাৰ বিপৰীতে ব্যক্তিগত শাখাত ব্ৰঞ্জৰ পদক লাভ কৰে।
Trending
- সামাজিক ন্যায় আৰু সবলীকৰণ বিভাগৰ মন্ত্ৰী পীযুষ হাজৰীকাৰ সদৌ অসম সূত্ৰধৰ ছাত্ৰ সন্থাৰ ৮২সংখ্যক কেন্দ্ৰীয় অধিৱেশনত অংশগ্ৰহণ
- সৰুসজাই ষ্টেডিয়ামত ১১হেজাৰ শিল্পীয়ে পৰিবেশন কৰিব বড়ো লোক নৃত্যানুষ্ঠান ‘বাগৰুম্বা দ’হৌ
- আই আই টি গুৱাহাটী আৰু বালিপাৰা ফাউণ্ডেচনৰ মাজত বুজাবুজি চুক্তি-পূৱ হিমালয়ৰ পৰিৱেশ সংৰক্ষণ, শক্তি আৰু জল সুৰক্ষাৰ বাবে নতুন উদ্ভাৱন নীতিত কাম কৰাৰ লক্ষ্য
- স্বাধীনতা দিৱস উদযাপনৰ প্ৰস্তুতি সন্দৰ্ভত কামৰূপ (ম)জিলা প্ৰশাসনৰ সভা
- টপচেম চিমেণ্ট আৰু ভাৰতীয় ৰেডক্ৰচ ছছাইটিয়ে যৌথভাবে ৰক্তদান শিবিৰ আয়োজন
- এইচডিএফচি বেংকে এপিকে জালিয়াতিৰ বিৰুদ্ধে নাগৰিক সুৰক্ষাৰ বাবে গুৰুত্বপূৰ্ণ সতৰ্কবাণী জাৰি কৰিছে
- ভাৰতৰত্ন লোকপ্ৰিয় গোপীনাথ বৰদলৈক সশ্ৰদ্ধ স্মৰণ কামৰূপ (ম) জিলা প্ৰশাসনৰ
- NSE CROSSES 230 MILLION INVESTOR ACCOUNTS, RETAIL PARTICIPATION SOARS
- উৰিয়ামঘাটৰ ৰেঙমা জলসিঞ্চন আঁচনি পৰ্যবেক্ষণ মন্ত্ৰী অশোক সিংহলৰ
- চি আৰ পি এফৰ মুখ্য কাৰ্যালয়ত মা কামাখ্যাৰ ফটো সযতনে ৰাখিছে সঞ্চালক প্ৰধান জ্ঞানেন্দ্ৰ প্ৰতাপ সিঙে, গুৱাহাটীৰ আৰক্ষী আয়ুক্ত ডঃ পাৰ্থ সাৰথি মহন্তৰ পৰা বুজ অসমৰ পৰিস্থিতি