ৰাষ্ট্ৰীয় জেনেৰিক দস্তাবেজ পঞ্জীকৰণ প্ৰণালী চমুকৈ এন জি ডি আৰ এছৰ অসমত ৰূপায়ন সন্দৰ্ভত অধ্যয়ন কৰিবলৈ গুজৰাট চৰকাৰৰ পঞ্জীকৰণ বিভাগৰ ছজনীয়া বিষয়াৰ এটি দল যোৱা ২৬ মে’ত ৰাজ্যখনত উপস্থিত হয়। গুজৰাট চৰকাৰৰ এই ছজনীয়া চৰকাৰী বিষয়াৰ দলটোত আছিল আৰ ডি ভট্ট, বি এছ বাৰাড, সন্দীপ ছাৱানী , মহেন্দ্ৰ চৌধুৰী , সতীশ কলাথিয়া আৰু হাৰ্দিক পেটেল। গুজৰাট চৰকাৰৰ ছজনীয়া বিষয়াৰ প্ৰতিনিধি দলটোৱে যোৱা ২৯ মে’ত অসম চৰকাৰৰ মুখ্য সচিব ডঃ ৰবি কোটাক সৌজন্যমূলক সাক্ষাৎ কৰি অসমৰ সৈতে সম্পৰ্ক ৰাখি গুজৰাটত ৰাষ্ট্ৰীয় জেনেৰিক দস্তাবেজ পঞ্জীকৰণ প্ৰণালী ৰূপায়ণ সন্দৰ্ভত আলোচনা কৰে। এই আলোচনাত অসম চৰকাৰৰ ৰাজহ আৰু দুৰ্যোগ প্ৰশমন বিভাগৰ প্ৰধান সচিব জ্ঞানেন্দ্ৰ দেৱ ত্ৰিপাঠীও উপস্থিত আছিল। ইয়াৰ পূৰ্বে গুজৰাটৰ ছজনীয়া চৰকাৰী বিষয়াৰ দলটোৱে ক্ৰমে কামৰূপ মহানগৰ আৰু আমিনগাঁওস্থিত কামৰূপৰ উপ-পঞ্জীয়ন কাৰ্যালয়ৰ লগতে জ্যেষ্ঠ উপ-পঞ্জীয়নৰ কাৰ্যালয়ত উপস্থিত হৈ ৰাষ্ট্ৰীয় জেনেৰিক দস্তাবেজ পঞ্জীকৰণ প্ৰণালীৰ কাম-কাজ প্ৰত্যক্ষভাৱে তদাৰক কৰে। তদুপৰি অসম চৰকাৰৰ দুৰ্যোগ প্ৰশমন বিভাগ আৰু এন আই চি ৰ পৰা গুজৰাট চৰকাৰৰ বিষয়াৰ দলটোক অসমত এন জি ডি আৰ এছ ৰূপায়ন সন্দৰ্ভত এক বিস্তৃত প্ৰতিবেদন প্ৰদৰ্শন কৰা হয়। ইপিনে, পাঁচ দিনীয়া চৰকাৰী অধ্যয়ন সামৰি সংশ্লিষ্ট ছজনীয়া বিষয়াৰ দলটোৱে আজি অসম এৰি গুজৰাট অভিমুখে ৰাওনা হয়। প্ৰসংগক্ৰমে উল্লেখযোগ্য যে চলিত বৰ্ষৰ যোৱা ১৪ ফ্ৰেব্ৰুৱাৰীত ভাৰত চৰকাৰৰ গ্ৰামোন্নয়ন মন্ত্ৰালয়ৰ ভূমি সম্পদ বিভাগৰ তদানীন্তন সচিব নীতিন খাড়েৰ উপস্থিতত অসমত আনুষ্ঠানিকভাৱে ৰাষ্ট্ৰীয় জেনেৰিক দস্তাবেজ পঞ্জীকৰণ প্ৰণালী ৰূপায়নৰ শুভাৰম্ভ কৰা হৈছিল।
Trending
- চলিত মাহতে নথিপত্ৰ সঠিক কৰি লৈহে বাহন চলাওক- অসমত চলাচল কৰা বৰ্হিৰাজ্যৰ বাহন অসমৰ পৰিবহণ বিভাগত পঞ্জীয়ন কৰাৰ আহ্বান
- আজাৰা কাঁহিকুছিৰ কৃষি বিজ্ঞান কেন্দ্ৰ, কামৰূপলৈ দেশৰ শ্ৰেষ্ঠ কৃষি বিজ্ঞান কেন্দ্ৰৰ বঁটা
- ভূটানৰ গেলেফু মাইণ্ডফুলনেছ চিটিৰ প্ৰতিনিধি দলৰ হয়গ্ৰীৱ মাধৱ মন্দিৰ আৰু আই আই টি-গুৱাহাটী ভ্ৰমণ
- ভাৰত-ডেনমাৰ্কৰ দ্বিপাক্ষিক সম্পৰ্কৰ সফলতাই বিশ্বৰ সামুদ্ৰিক খণ্ডক এক নতুন গতি দিব: কোপেনহেগেন বিজনেছ স্কুলত ব্লু এম বি এ-ৰ প্ৰতিভাসমূহক সম্বোধন কৰে কেন্দ্ৰীয় মন্ত্ৰী সোণোৱালে
- NECTAR Launches Organic Agriculture Project in Arunachal Under PM-DevINE Scheme
- পৰিৱেশ কৰ্মী, জেষ্ঠ সাংবাদিক উত্তম শইকীয়ালৈ অসম চৰকাৰৰ পৰিৱেশ মিত্ৰ সন্মান
- বিশ্ব পৰিবেশ দিবসত আই এ এছ এছ টিত চাৰিগৰাকী বিশিষ্ট পৰিবেশকৰ্মীক পৰিবেশ মিত্ৰ বঁটা প্ৰদান
- অসম খনিজ উন্নয়ন নিগম পৰিসীমিতৰ তৰফৰ পৰা মুখ্যমন্ত্ৰী সাহায্য পুঁজিলৈ ১ কোটি টকাৰ চেক প্ৰদান
- বিশ্ব পৰিৱেশ দিৱসত প্লাষ্টিক ব্যৱহাৰৰ বিৰুদ্ধে সজাগতা সৃষ্টিৰ বাবে সাংস্কৃতিক পৰিক্ৰমা বিভাগৰ উদ্যোগত সাংস্কৃতিক অনুষ্ঠান
- গুৱাহাটী বিশ্ববিদ্যালয়ত ভাৰতীয় জ্ঞান পৰম্পৰাৰ দৃষ্টিভংগীৰে বৌদ্ধ দৰ্শন শীৰ্ষক বক্তৃতানুষ্ঠান সম্পন্ন