এয়াৰটেল ফাউণ্ডেচনে স্কুল এক্সেলেন্স প্ৰগ্ৰেমৰ অধীনত ১১০০ৰো অধিক চৰকাৰী বিদ্যালয়ৰ শিক্ষক আৰু প্রধান শিক্ষকৰ সক্ষমতা কাৰ্য্যসূচী ৰূপায়ন

ভাৰতী এণ্টাৰপ্ৰাইজৰ দানশীল শাখা ভাৰতী এয়াৰটেল ফাউণ্ডেচনে অসম চৰকাৰৰ সহযোগত বিদ্যালয় উৎকৰ্ষতা কাৰ্যসূচীৰ অধীনত শিক্ষকৰ লগতে বিশেষজ্ঞ আৰু বিদ্যালয়ৰ মুৰব্বীসকলৰ সামৰ্থ্য গঢ়ি তোলাৰ বাবে এক সম্যক প্ৰশিক্ষণৰ শুভাৰম্ভ কৰে।এই কাৰ্যসূচীয়ে অসমৰ যোৰহাট জিলাৰ শিক্ষাৰ মানদণ্ডৰ ওপৰত গুৰুত্বপূৰ্ণ প্ৰভাৱ পেলাইছে। ভাৰতী এয়াৰটেল ফাউণ্ডেচনৰ দ্বাৰা 82 জন সমল ব্যক্তিক পোনপটীয়াকৈ প্ৰশিক্ষণ দিয়া হৈছিল যিয়ে 5,900+ বিদ্যালয় আৰু শিক্ষকৰ মুৰব্বীলৈ প্ৰশিক্ষণ প্ৰদান কৰিছিল।
প্ৰশিক্ষণটোৱে শিক্ষক আৰু বিদ্যালয়ৰ নেতৃত্বক সুনিদিৰ্ষ্ট লক্ষ্য আৰু কাৰ্য পৰিকল্পনাসহ এক বাৰ্ষিক পৰিকল্পনা প্ৰস্তুত কৰাৰ সুযোগ দিছিল। যাৰফলত নিৰ্দিষ্ট প্ৰয়োজনীয়তা আৰু লক্ষ্যৰ ওপৰত গুৰুত্ব প্ৰদান কৰা হৈছিল।তদুপৰি প্ৰশিক্ষণে তেওঁলোকক কাৰ্যকৰী শিক্ষা দান আৰু শিক্ষণ নীতিসমূহ প্ৰস্তুত আৰু ৰূপায়ণ কৰাত সহায় কৰিছিল আৰু ফলত জিলাখনৰ 1,160+ চৰকাৰী বিদ্যালয়ত 90,000 ৰো অধিক শিক্ষাৰ্থী উপকৃত হৈছিল। এই শিক্ষাৰ্থীসকলে অধিক উদ্দীপনাদায়ক আৰু আকৰ্ষণীয় পৰিৱেশত শিকাৰ সুযোগ লাভ কৰিছিল, যাৰ ফলত এই কাৰ্যসূচীৰ দ্বাৰা গুণগত শিক্ষাৰ উপলব্ধতা সুনিশ্চিত কৰা হৈছিল।

ভাৰতী এয়াৰটেল ফাউণ্ডেচনৰ গুণগত মানদণ্ড সমৰ্থন কাৰ্যসূচী ৰাজ্যিক অংশীদাৰীত্বে সমল ব্যক্তি/মাষ্টাৰ ট্ৰেইনাৰসকলক প্ৰশিক্ষণ দিয়াৰ ওপৰত গুৰুত্ব দিয়ে। যিয়ে শিশুসকলৰ বাবে সামগ্ৰিক স্কুলীয়া শিক্ষাৰ অভিজ্ঞতা বৃদ্ধি কৰিবলৈ বিদ্যালয় আৰু শিক্ষকসকলৰ মুৰব্বীসকলক অধিক ক্ষমতা প্ৰদান কৰে। শেহতীয়া কাৰ্যসূচীৰ সমাপ্তি আৰু বঁটা প্ৰদান অনুষ্ঠানত, 1,167 খন বিদ্যালয়ে তেওঁলোকৰ বিদ্যালয়ৰ দৃষ্টিভংগী, মিছন, কাৰ্য পৰিকল্পনা আৰু সফলতা প্ৰদৰ্শন কৰে। অনুষ্ঠানটোৱে এক মূল্যৱান শিকাৰ সুযোগ প্ৰদান কৰিছিল যিহেতু বিদ্যালয়সমূহে তেওঁলোকৰ সৰ্বশ্ৰেষ্ঠ অনুশীলনবোৰ ভাগ বতৰা কৰিছিল। টি.টি. এছ.এছ.এ. যোৰহাট জিলা কাৰ্যসূচী বিষয়া শ্ৰী পৰশ গোস্বামীৰ লগতে এছ.এছ.এ যোৰহাটৰ জিলা কাৰ্যসূচী বিষয়া জোনালী কাটকী আৰু যোৰহাটৰ খণ্ড প্ৰাথমিক শিক্ষা বিষয়া মনীষ ঠাকুৰে পাঁচখন বিদ্যালয়ক শ্ৰেষ্ঠ বিদ্যালয় বঁটা আৰু তিনিটা ক্লাষ্টাৰৰ সম্পদ কেন্দ্ৰসমন্বয়কাৰীৰ সৈতে তেওঁলোকৰ ক্লাষ্টাৰসমূহ শ্ৰেষ্ঠ ক্লাষ্টাৰ হিচাপে প্ৰতিষ্ঠা কৰাৰ প্ৰচেষ্টাৰ বাবে সম্বৰ্ধনা জনায়।
শ্ৰেষ্ঠ বিদ্যালয় বঁটা: যোৰহাটৰ মোহবন্ধ ক্লাষ্টাৰৰ পৰা মহবন্ধ বাগান এল.পি; তিতাবৰ ঢেকিয়াজুলি ক্লাষ্টাৰৰ পৰা এছ.পি.বি. ছোৱালী এইচ.এছ.এছ.; উত্তৰ পশ্চিম খণ্ডৰ পটিয়াগাওঁ ক্লাষ্টাৰৰ পৰা 107 নং নাওবইচা এলপিএছ ; লাহোৱাল ক্লাষ্টাৰৰ পৰা চুমইমাৰা এল.পি.এছ. আৰু মধ্য চৌখাত (এ) ক্লাষ্টাৰ, চেণ্ট্ৰেল ব্লকৰ পৰা 157 নম্বৰ বামকুকুৰাচুৱা এলপি।
শ্ৰেষ্ঠ ক্লাষ্টাৰ পুৰষ্কাৰ: (ক্লাষ্টাৰ সমল কেন্দ্ৰৰ সমন্বয়কসকল প্ৰতিনিধি আছিল): সবিতা মজুমদাৰ তালুকদাৰ, মহবন্ধ ক্লাষ্টাৰ, যোৰহাট ব্লক; নিপন ডেকা, বালিগাঁও ক্লাষ্টাৰ, নৰ্থৱেষ্ট ব্লক আৰু অৰুণ কোঁৱৰ, তুৰুং ক্লাষ্টাৰ তিতাবৰ ব্লক।