বন বিভাগৰ পূৱ কামৰূপ বন সংমণ্ডলে সংমণ্ডলৰ অধীনৰ পাঁচটা বনাঞ্চলিক বিষয়া , কুৰিটাৰো অধিক খণ্ড বন বিষয়াৰ কাৰ্যালয় , বন শিবিৰৰ জৰিয়তে গুৱাহাটীক সেউজকৰণৰ লক্ষ্যৰে মুখ্যমন্ত্ৰী আৰু বনমন্ত্ৰীৰ নিৰ্দেশত বৰঝাৰ বিমান বন্দৰৰ পৰা খানাপাৰালৈ ক’ভিড বিধি মানি ৰাজহুৱা স্থান , পথৰ দাঁতিত , পথৰ মাজৰ ডিভাইদাৰ ,ভি চৰকাৰী- বেচৰকাৰী কাৰ্যালয় চৌহদ , শিক্ষানুষ্ঠান চৌহদ আদিত গছপুলি ৰোপন অভিযান চলাই থকা হৈছে । এই অভিযানৰ অংশহিচাপে ২ জুলাইত নিউ গুৱাহাটী ৰেলৱে কলনীৰ ওজা হেমচন্দ্ৰ বিদ্যালয় চৌহদ আৰু ভাস্কৰ নগৰত বিভিন্ন থলুৱা প্ৰজাতিৰ প্ৰায় ২০০ টা গছপুলি ৰোপন কৰা হয় । বিশিষ্ট সমাজসেৱক অকনি ভট্টাচাৰ্যৰ সহযোগত স্থানীয় ৰাইজৰ উপস্থিতিত অনুষ্ঠিত গছপুলি ৰোপন কাৰ্যসূচীৰ শুভাৰম্ভ কৰে পূৱ কামৰূপ বন সংমণ্ডলৰ বন সংমণ্ডল প্ৰাধিকাৰী ভাস্কৰ ডেকা আৰু বিশিষ্টা লেখিকা ডঃ সীমা বৰাই । এই উপলক্ষে অনুষ্ঠিত চমু অনুষ্ঠানত ভাষণ প্ৰসংগত বন সংমণ্ডল প্ৰাধিকাৰী ভাস্কৰ ডেকাই গুৱাহাটীক সেউজকৰণৰ বাবে চলি থকা গছপুলি ৰোপন কাৰ্যসূচীৰ আলোকপাত কৰি ৰাইজক গছপুলি ৰোপনৰ বাবে স্বেচ্ছাই আগবাঢ়ি আহিবলৈ আহ্বান জনায় । অনুষ্ঠানত অকনি ভট্টাচাৰ্য , ডঃ সীমা বৰাকে ধৰি কেবাজনেও ভাষণত পৰিবেশ সংৰক্ষণৰ বাবে গছপুলি ৰোপন অভিযানত বন বিভাগক সহযোগ কৰিব বুলি ব্যক্ত কৰে।
বাতৰি যুগুতালে জিতুমনি দাসে
