সম্প্ৰতি ৰাজ্যখনৰ ভিন্ন প্ৰান্তৰ লগতে গুৱাহাটী মহানগৰীত কৰ’নাকেন্দ্ৰিক পৰিস্থিতিৰ সামাজিক সংক্ৰমণ অদ্যাপি কমি যোৱা নাই । কৰ’নাকেন্দ্ৰিক পৰিস্থিতি অতি ভয়াবহ হৈ পৰিছে । তেনেক্ষেত্ৰত গুৱাহাটী মহানগৰীৰ পশ্চিম প্ৰান্তৰ আজাৰা থানাৰ অন্তৰ্গত অঞ্চল সমূহত চলি থকা কোভিড মহামাৰীৰ ভয়াবহতাৰ প্ৰতি লক্ষ্য ৰাখি কাঁহিকুছি গাওঁ পঞ্চায়তৰ উদ্যোগত আজি বৰঝাৰস্থিত লোকপ্ৰিয় গোপীনাথ বৰদলৈ আন্তৰ্জাতিক বিমানবন্দৰকে ধৰি গুৰুত্বপূৰ্ণ জনসমাগম হোৱা ৰাজহুৱা স্থান , বজাৰ আদিত চেনিটাইজেছন কৰি বীজাণুমুক্ত কৰাৰ প্ৰচেষ্টা চলোৱা হয় । ৰাজ্যিক অগ্নি আৰু আপাদকালীন বাহিনীৰ দুখন বাহনৰে চলোৱা এই চেনিটাইজেছন অভিযানত কাৰ্যসূচীৰ আনুষ্ঠানিক শুভাৰম্ভণি কৰে পশ্চিম গুৱাহাটী সমষ্টিৰ বিধায়ক ৰমেন্দ্ৰ নাৰায়ণ কলিতাই । উল্লেখনীয় যে অগ্নি আৰু আপাদ কালীন বাহিনীৰ বাহন দুখনৰ জৰিয়তে বৰঝাৰ বিমানবন্দৰ চৌহদ , কাঁহিকুছি বজাৰ , ৰাণী গেট , ভি আই পি চ’ক – বজাৰ , গধূলি বজাৰ আদিকে ধৰি জনসমাগম হোৱা আন কেতবোৰ স্থান চেনিটাইজেচন কৰি বীজাণুমুক্ত কৰাৰ চেষ্টা চলোৱা হয় । চেনিটাইজেছন অভিযানত পশ্চিম গুৱাহাটী সমষ্টিৰ বিধায়ক ৰমেন্দ্ৰ নাৰায়ণ কলিতা , বৰঝাৰ বিমানবন্দৰৰ সঞ্চালক ৰমেশ কুমাৰ , আজাৰা ৰাজহ চক্ৰ বিষয়া মৃণাল বৰা , ৰাণী উন্নয়ন খণ্ড বিষয়া লালৰেম চিমাই নাগলাৰ, আজাৰা থানাৰ ভাৰপ্ৰাপ্ত বিষয়া উৎপল চাংমাই , অগপৰ কেন্দ্রীয় সমিতিৰ সম্পাদক সুভাষ শৰ্মা , ৰাণী আঞ্চলিক পঞ্চায়তৰ সভাপতি পৰমেশ্বৰ বৰ্মন ,কাঁহিকুছি গাওঁ পঞ্চায়তৰ সভাপতি জগন্নাথ ঠাকুৰীয়াকে ধৰি কেবাজনো কার্যকর্তা উপস্থিত থাকে।
Trending
- স্বাস্থ্য আৰু পৰিয়াল কল্যাণ,জলসিঞ্চন মন্ত্ৰী অশোক সিংহলে আজি গোৱালপাৰা জিলা ভ্ৰমন কৰি কেইবাটাও কাৰ্যসূচীত অংশ গ্ৰহণ কৰে
- গুৱাহাটী মহানগৰীৰ বশিষ্ঠত নন্দ উৎসৱ উদযাপন
- MGM Healthcare Organises CME on Heart &Lung Transplant, and Mechanical Circulatory Support & ECMO
- যোৰাবাট উন্নয়ন সমিতিৰ স্বাধীনতা দিৱস উদযাপন
- পৰিবহণ বিষয়াৰ কাৰ্যালয়ত ব্যতিক্ৰমী স্বাধীনতা দিৱস উদযাপন
- On 79th Independence Day, NSE Chief Ashishkumar Chauhan Wishes the Nation Progress and Prosperity
- এন ই ফ’কাচ ডট কমৰ নৱম বৰ্ষপুৰ্তিৰ উদযাপন
- সামাজিক ন্যায় আৰু সবলীকৰণ বিভাগৰ মন্ত্ৰী পীযুষ হাজৰীকাৰ সদৌ অসম সূত্ৰধৰ ছাত্ৰ সন্থাৰ ৮২সংখ্যক কেন্দ্ৰীয় অধিৱেশনত অংশগ্ৰহণ
- সৰুসজাই ষ্টেডিয়ামত ১১হেজাৰ শিল্পীয়ে পৰিবেশন কৰিব বড়ো লোক নৃত্যানুষ্ঠান ‘বাগৰুম্বা দ’হৌ
- আই আই টি গুৱাহাটী আৰু বালিপাৰা ফাউণ্ডেচনৰ মাজত বুজাবুজি চুক্তি-পূৱ হিমালয়ৰ পৰিৱেশ সংৰক্ষণ, শক্তি আৰু জল সুৰক্ষাৰ বাবে নতুন উদ্ভাৱন নীতিত কাম কৰাৰ লক্ষ্য