কাজিৰঙাত স্থাপন হ’ব পঞ্চ তাৰকাযুক্ত ৰিৰ্জট

কাজিৰঙা ৰাষ্ট্ৰীয় উদ্যান পৰিদৰ্শনৰ বাবে দেশ-বিদেশৰ অহা পৰ্যটকৰ সুবিধাৰ বাবে শীৰ্ঘে কাজিৰঙাত স্থাপন হ’ব অত্যাধুনিক সা- সুবিধাযুক্ত পঞ্চতাৰকা ৰিৰ্জট ৷অসম চৰকাৰৰ পৰ্যটন আঁচনিৰ অধীনত অসম পৰ্যটন উন্নয়ন নিগম তত্ত্বাৱধানত নিৰ্মাণ হ’বলগীয়া ৰিৰ্জট খনৰ প্ৰাৰম্ভিক কামকাজ ইতিমধ্যে আৰম্ভ কৰিছে ৷অসম চৰকাৰৰ ৰাজহ বিভাগৰ অনুমোদনক্ৰমে বোকাখাত মহকুমাধিপতি কাৰ্যালয়ে ৰিৰ্জট নিৰ্মাণৰ বাবে কাৰ্বি আংলংৰ নামনিৰ প্ৰাকৃতিক নৌৰ্সগিক দৃশ্যৰে ভৰপুৰ হাতীখুলি চাহ বাগিচাৰ কাষতে থকা ৩০ বিঘা ভূমি এ টি ডি চিলৈ হস্তান্তৰ কৰে৷পঞ্চতাৰকা ৰিৰ্চট খনৰ নিৰ্মাণ বাবে পৰ্যটন উন্নয়ন নিগমৰ সতে বুজাবুজি চুক্তি সম্পাদন হয় হায়াত গ্ৰুপৰে ৷ দুবছৰৰ ভিতৰত নিৰ্মাণ সম্পূৰ্ণ হ’বলগীয়া পঞ্চতাৰকাযুক্ত ৰিৰ্জট খনে দেশ-বিদেশৰ পৰ্যটকৰ আকৰ্ষণৰ কেন্দ্ৰবিন্দু হৈ পৰিব বুলি আশা কৰে পৰ্যটন উন্নয়ন নিগমে ৷