আজিৰে পৰা বিশ্ব ঐতিহ্য ক্ষেত্ৰ কাজিৰঙা ৰাষ্ট্ৰীয় উদ্যানত আৰম্ভ এশিঙীয়া গঁড়ৰ গণনা।২৬ মাৰ্চৰ পৰা ২৮ মাৰ্চ তাৰিখেলৈকে উদ্যানখনত সম্পন্ন হ’ব ১৪ সংখ্যক এই গঁড় গণনা কাৰ্যসূচী।উল্লেখ্যে যে, ইয়াৰ পূৰ্বে ২০১৮ চনত হৈছিল অসম গৌৰৱ এটা খর্গযুক্ত গঁড়ৰ গণনা৷ ৰাষ্ট্ৰীয় উদ্যানৰ DFO ৰমেশ কুমাৰ গগৈয়ে জনোৱা অনুসৰি বনকৰ্মী, বিশেষজ্ঞ আৰু স্বেচ্ছাসেৱকৰ সহায়ত সম্পন্ন কৰা হৈছে এই গণনা।শেহতীয়াকৈ ২০১৮ বৰ্ষত চলা গণনাত কাজিৰঙা ৰাষ্ট্ৰীয় উদ্যানত ২৪১৩টা গঁড়ৰ সংখ্যা পোৱা গৈছিল। উদ্যান কৰ্তৃপক্ষই জনোৱা অনুসৰি এইবাৰৰ গঁড়ৰ গণনাৰ বাবে উদ্যানখনক ৮৪ টা কম্পার্টমেণ্টত ভাগ কৰা হৈছে৷আজি প্ৰথম দিনটোত ডিফলু নদীৰ দক্ষিণ অংশত কঁহৰা, বাগৰি আৰু বুঢ়াপাহাৰ বনাঞ্চলৰ মুঠ ৪৮ টা কম্পার্টমেণ্টত আৰু দ্বিতীয় দিনা ডিফলু নদীৰ উত্তৰ দিশে অগৰাতলি আৰু বুঢ়াপাহাৰ বনাঞ্চলৰ বাকী থকা ৩৬ টা কম্পার্টমেণ্টত গণনাকার্য চলোৱা হ’ব ৷আনহাতে, ২৮ মাৰ্চ তাৰিখে সন্দেহ থকা অঞ্চলত পুনৰ গণনা কৰা হব। এই গণনাকার্যৰ বাবে মুঠ ৬৩ গৰাকী বিশেষজ্ঞক উদ্যান কর্তৃপক্ষই আমন্ত্ৰণ কৰিছে৷ গণনা কাৰ্যসূচী যাতে সূচাৰুৰূপে সম্পন্ন কৰিব পৰা যায় সেই শুকুৰবাৰৰ দিনটোত কহঁৰাৰ পৰমানন্দ লাহন প্ৰেক্ষাগৃহত এখনি বিশেষ সভাৰ আয়োজন কৰা হয়। উল্লেখ্যে যে, ১৯৬৫ চনত পোন প্ৰথমবাৰৰ বাবে ৰাষ্ট্ৰীয় উদ্যানখনত গঁড় গণনা কাৰ্যসূচী অনুষ্ঠিত হৈছিল।
Trending
- মেঘালয়ত প্ৰথম বাৰৰ বাবে জনজাতি মহিলা আৰক্ষী প্ৰধানৰ নিযুক্তি
- মিৰ্জা ইউনিক কালাৰ নামৰ অত্যাধুনিক পাৰ্লাৰ মুকলি
- কাঁন চলচ্চিত্ৰ মহোৎসৱ ২০২৪ত প্ৰদৰ্শিত হ’ব অসমত নিৰ্মিত হিন্দী বোলছবি ‘কুকি’
- তিতাবৰত ১১, ১২ মে’ত সপ্তম সদৌ অসম পেনচাক ছিলাট চেম্পিয়নশ্বিপ
- তথ্যচিত্ৰত উদ্ভাসিত হ’ব শতিকা প্ৰাচীন ফাটবিহু
- আজি চৰ্চা লাভ কৰিলে এই ভোট কেন্দ্রটোৱে
- দুৰন্ত তৰুণ ঘনশ্যাম শইকীয়াৰ ১০৮ বছৰীয়া জন্মজয়ন্তী উদযাপন
- গুৱাহাটীত যুৱ মৰ্চাৰ তিনি সহস্ৰাধিক বাইকেৰে বিশাল ৰেলী- বাইক ৰেলীৰ শুভাৰম্ভণি কৰে মুখ্যমন্ত্ৰী ডঃ হিমন্ত বিশ্ব শৰ্মাই
- বাইক ৰেলী অনুষ্ঠিত
- ৩৫ লাখ বাজেটেৰে সাজু মহঘুলি চাপৰি-ফাটবিহু উদযাপনকলৈ মহঘুলি চাপৰিত সংবাদমেল