খানামুখত মিনি ফুটবল প্ৰতিযোগিতা আৰম্ভ

গুৱাহাটীৰ পশ্চিম প্ৰান্তৰ খানামুখ ৰাজহুৱা খেলপথাৰত খানামুখ য়ুথ স্পৰ্টছ ক্লাৱৰ উদ্যোগত আজিৰে পৰা দুদিনীয়াকৈ আৰম্ভ হৈছে মিনি ফুটবল প্ৰতিযোগিতা।পুৱা প্ৰতিযোগিতা উদ্ধোধন কৰে অঞ্চলটোৰ বিশিষ্ট সমাজকর্মী ধৰ্মকান্ত কলিতাই।এই উপলক্ষে ক্লাৱৰ সভাপতি ধৃতিমান দাসৰ আদৰণি ভাষণৰে শুভাৰম্ভ হোৱা অনুষ্ঠানটোৰ আঁত ধৰে সম্পাদক ৰাহুল কলিতাই।অনুষ্ঠানত খানামুখ শ্ৰী শ্ৰীলক্ষ্মী মন্দিৰ পৰিচালনা কমিটিৰসভাপতি যাদৱ চন্দ্ৰ কলিতা , উপদেষ্টা বীৰেন্দ্ৰ চন্দ্ৰ ঠাকুৰীয়া,উপ সভাপতিদ্বয় কমল কলিতা আৰু কনক বৈশ্য ,খানামুখ প্ৰাথমিক বিদ্যালয়ৰ পৰিচালনা সমিতিৰ সভাপতি বদন কলিতা ,প্ৰধান শিক্ষক ৰিদীপ কুমাৰ ভট্টাচাৰ্য ,সহকাৰী শিক্ষয়িত্ৰীদ্বয় মল্লিকা বেজবৰুৱা দাস আৰু কুমাৰী ডিচডিমনা,খানামুখ মিলন সংঘৰ সভাপতি উৎপল বৰ্মন ,সম্পাদক চন্দন কলিতা ,সমাজকর্মী ধীৰাজ কলিতা ,জয়ন্ত কলিতা,ৰমাকান্ত কলিতাকে ধৰি ক্ৰীড়াৰ লগত জড়িত বহু লোক উপস্থিত থাকে ।