ভাৰত চৰকাৰৰ ক্ৰীড়া আৰু যুৱকল্যাণ মন্ত্ৰালয়ে দেশৰ বিভিন্ন প্ৰান্তত ক্ৰীড়াৰ উন্নয়নৰ বাবে খেলো ইণ্ডিয়াৰ অধীনত বিভিন্ন ক্ৰীড়াৰ ওপৰত প্ৰশিক্ষণ কেন্দ্ৰ স্থাপনৰ বাবে প্ৰস্তুতি চলাইছে।এই প্ৰশিক্ষণৰ বাবে প্ৰশিক্ষক সকলৰ অৰ্হতা অনুযায়ী প্ৰাক্তন ৰাষ্ট্ৰীয় বা আন্তঃৰাষ্ট্ৰীয় পদক প্ৰাপ্ত খেলুৱৈ, অনুষ্ঠান, ক্ৰীড়া সন্থা আদিয়ে আবেদন কৰিব পাৰিব।
তেওঁলোকৰ নিৰ্দিষ্ট খেলৰ বিষয়ত প্ৰশিক্ষণ দিয়াৰ সম্পূৰ্ণ অভিজ্ঞতা থাকিব লাগিব।এই আঁচনিৰ অধীনত অন্তৰ্ভূক্ত হোৱা খেলসমূহ হ’ল আৰ্চাৰী, এথলেটিকচ, বেডমিন্টন, বক্সিং, সাঁতোৰ, ফেন্সিং, চাইক্লিং, হকী, জুডো, ৰ’য়িং, শ্বুটিং, টেবুল টেনিচ, ভাৰোত্তোলন, মল্লযুঁজ, ফুটবল আৰু পৰম্পৰাগত খেল।
এই সন্দৰ্ভত শিৱসাগৰ আৰু চৰাইদেউ জিলাৰ ইচ্ছুক আবেদনকাৰী সকলে শিৱসাগৰ জিলা ক্ৰীড়া বিষয়াৰ কাৰ্যালয়ৰ পৰা প্ৰ-পত্ৰ সমূহ সংগ্ৰহ কৰি অহা ২৩-০৮-২০২০ তাৰিখৰ ভিতৰত জমা দিবৰ বাবে শিৱসাগৰ জিলা ক্ৰীড়া বিষয়া সঞ্জয় উপাধ্যায়ে আহ্বান জনাইছে ।এই সন্দৰ্ভত সবিশেষ তথ্যৰ বাবে মোবাইল নম্বৰ ৮৬৩৮০৬৬৭৮৭ আৰু ৮৬৩৮৬৫৭৫০২ ত যোগাযোগ কৰিব পাৰিব।
খবৰ যুগুতালে শিৱসাগৰৰ পৰা দিলিস্তান খানে
