গুৱাহাটী বিশ্ববিদ্যালয়ৰ ৰাষ্ট্ৰীয় সেৱা আচনিৰ কোষৰ দ্বাৰা ৭৩ সংখ্যক বনমহোৎসৱ উপলক্ষে কামৰূপ মহানগৰ জিলাৰ ধৰাপুৰ গাঁৱৰ বিভিন্ন স্থানত বৃক্ষ ৰোপন কাৰ্য্যসূচী সমাপন কৰা হয়। পৃথিৱীখন সেউজীয়া কৰি ৰখাৰ স্বাৰ্থত ৭ দিনীয়াকৈ এই বনমহোৎসৱ কাৰ্যসূচীত বিশ্ববিদ্যালয় কোষৰ কমেও ২০ গৰাকী সক্ৰিয় এন এছ এছ স্বেচ্ছাসেৱকৰ লগতে কাৰ্যসূচী বিষয়া ড° ঋতুপৰ্ণ বৰাৰ নেতৃত্বত গাওঁবাসীৰ মাজত পৰিবেশ পাৰিপাৰ্শ্বিকতা সম্পৰ্কে সজাগতা বৃদ্ধিৰ উদ্দেশ্যেৰে গছপুলি ৰোপন কৰে। ইয়াৰ জৰিয়তে স্বেচ্ছাসেৱকসকলে এই অভিযানৰ আৰম্ভণি দিনৰ পৰাই নিজ বিশ্ববিদ্যালয় চৌহদক অধিক সুস্থ আৰু সেউজীয়া কৰাৰ মানসেৰে প্ৰতিদিনে ৰাষ্ট্ৰীয় সেৱা আচনিৰ স্বেচ্ছাসেৱকসকলে বিশ্ববিদ্যালয় চৌহদৰ বিভিন্ন স্থানত বৃক্ষৰোপণ কৰে। সজাগতা বৃদ্ধি স্বাৰ্থত বৃক্ষৰোপণ কাৰ্য্যসূচীৰ এইবাৰৰ প্ৰচাৰক বাক্য আছিল “এজোপা গছপুলি ৰোপণ কৰো আহক। এই অভিযানৰ শেষৰ দিনা “খোণ্ডা জান”ৰ কাষে কাষে প্ৰায় ১০০ টা নিম গছপুলি ৰোপণ কৰা হয়। গুৱাহাটী বিশ্ববিদ্যালয়ৰ ছাত্ৰ কল্যাণ সঞ্চালক তথা এন এচ এচ বিশ্ববিদ্যালয় কোষৰ সমন্বয়ক ড০ ৰঞ্জন কুমাৰ কাকতিয়ে বনমহোৎসৱ উদযাপনৰ বাবে স্বেচ্ছাসেৱক সকলক শুভেচ্ছা জ্ঞাপন কৰে। লগতে পৰবৰ্তী পৰ্যায়ত যাতে অধিক আগ্ৰহৰে তথা পৰিৱেশ সজাগতা ৰাইজৰ মাজত বিয়পি পৰে তাৰ বাবে স্বেচ্ছাসেৱকসকলক নতুন উদ্যমেৰে কাম কৰি যাবলৈ উৎসাহিত কৰে।
Trending
- এয়াৰটেলে তীব্ৰতৰ বাউজিং গ্ৰাহকক প্ৰদান কৰিছে
- গুৱাহাটী কবি কিশোৰ কুমাৰ জৈনৰ দুখনকৈ কাব্যগ্ৰন্থ উন্মোচন
- তামুলপুৰত অসম প্ৰত্যক্ষ নিযুক্তি পৰীক্ষা সম্পৰ্কীয় প্ৰশিক্ষণ
- এণ্ড্ৰিউ ইউল এণ্ড কোম্পানীৰ অধীনস্থ চাহ বাগিচাৰ অচল অৱস্থা দূৰীকৰণৰ বাবে ৰাজ্য চৰকাৰৰ প্ৰচেষ্টা
- Teachers’ Day Celebration in Chirang District Highlights Educational Advancements and Achievements
- ই পি মিডিয়া ফ’ৰাম চাউথ কামৰূপৰ প্ৰতষ্ঠা দিৱস উদযাপন
- এইচডিএফচি বেংকে গ্ৰাহক অভিজ্ঞতা উন্নত কৰিবলৈ নতুন বৈশিষ্ট্যৰে ইউপি আই আৰু চি বি ডি চি উন্মোচন কৰে
- 31st Annual General Meeting of Numaligarh Refinery Limited held
- পবাক বন্যপ্ৰাণী অভয়াৰণ্যৰূপে গঢ়ি তোলা হ’ব – বিধানসভাত মন্ত্ৰী চন্দ্ৰমোহন পাটোৱাৰী
- ৰাষ্ট্ৰীয় পেলু নিৰ্মূলকৰণ দিৱসৰ শুভাৰম্ভ