স্বাধীনতা দিৱসৰ ৭৫ বৰ্ষপূৰ্তিৰ প্ৰাকক্ষণত ১৩ আৰু ১৪ আগষ্টত গুৱাহাটী বিশ্ববিদ্যালয়ৰ উদ্যোগত আজাদী কা অমৃত মহোৎসৱ আৰু বিভাজন বিভীষিকা স্মৃতি দিৱসৰ আয়োজন কৰা হয়। ১৩ আগষ্টত প্ৰভাত ফেৰী কাৰ্য্যসূচী উদ্বোধন কৰে বিশ্ববিদ্যালখনৰ উপাচাৰ্য প্ৰফেছৰ প্ৰতাপজ্যোতি সন্দিকৈয়ে ।উক্ত প্ৰভাত ফেৰীত অংশগ্ৰহণ কৰে বিশ্ববিদ্যালয়ৰ ছাত্ৰ-ছাত্ৰী, এন এছ এছৰ স্বেচ্ছাসেৱক, অধ্যাপক, বিষয়া-কৰ্মচাৰী সকল যিয়ে দেশৰ মাতৃৰ প্ৰতি প্ৰেম আৰু সন্মানৰ এক বৃহৎ সঁহাৰি প্ৰদৰ্শন কৰে। ইউ জি চিৰ নিৰ্দেশ অনুসৰি গুৱাহাটী বিশ্ববিদ্যালয়ৰ ফণীধৰ দত্ত প্ৰেক্ষাগৃহতো “বিভাজন বিভীষিকা স্মৃতি দিৱস”ৰ আয়োজন কৰা হয় আৰু তাৰ পিছত বিষয়টোৰ ওপৰত এখন প্ৰদৰ্শনী অনুষ্ঠিত কৰা হয়। উক্ত অনুষ্ঠানত সমূহ অতিথি আৰু অংশগ্ৰহণকাৰীক আদৰণি জনায় বিশ্ববিদ্যালয়ৰ পঞ্জীয়ক ডঃ হেমন্ত কুমাৰ নাথে । পি এইচ আৰ দিৱসৰ কাৰ্যসূচী উদ্বোধন কৰি উপাচাৰ্য সন্দিকৈয়ে কয় যে- বিভাজনৰ ফলত ক্ষতিগ্ৰস্ত হোৱা লাখ লাখ লোকৰ দুখ আৰু যন্ত্ৰণা পোহৰলৈ অনাৰ বাবে এই দিৱসৰ পৰিকল্পনা কৰা হৈছে। যোৱা শতিকাত হোৱা মানৱ জনসংখ্যাৰ সৰ্বাধিক স্থানান্তৰিত আৰু বহু লোকৰ প্ৰাণহানি হোৱাৰ কথা দেশবাসীক সোঁৱৰাই দিয়াৰ উদ্দেশ্যে এই দিৱস পালন কৰা হৈছে।আমন্ত্ৰিত বক্তা হিচাপে উপস্থিত থাকি বিশ্ববিদ্যালয়খনৰ অসমীয়া বিভাগৰ প্ৰাক্তন অধ্যাপক আৰু কলাগুৰু দীপ্তি ফুকন পাটগিৰীয়ে কয় যে- ভাৰতৰ স্বাধীনতাৰ বাবে প্ৰাণ আহুতি দিয়া জনসাধাৰণৰ দুখ-কষ্ট প্ৰতিজন নাগৰিকে অনুভৱ কৰা উচিত।প্ৰদৰ্শনীখন উদ্বোধন কৰি অধ্যাপক পাটগিৰীয়ে ভাৰতৰ আৱিষ্কাৰৰ পৰা আৰম্ভ কৰি স্বাধীনতা যুগলৈকে ব্যাখ্যা কৰে।বিশ্ববিদ্যালয়খনৰ ছাত্ৰকল্যান সঞ্চালক ডঃ ৰঞ্জন কুমাৰ কাকতিয়ে এই কাৰ্যসূচীৰ পৰিচালনা কৰে আৰু প্ৰায় ১৫০ গৰাকী অংশগ্ৰহণকাৰীয়ে কাৰ্যসূচীত অংশগ্ৰহণ কৰে।
Trending
- Assam–Arunachal Border Talks: 5th Regional Committee Meeting Charts Path to Resolution
- অসম আৰু উত্তৰ-পূৰ্বাঞ্চলৰ গ্ৰাহকক অনলাইন প্ৰৱঞ্চনাৰ পৰা ৰক্ষা কৰিবলৈ ভাৰতী এয়াৰটেলৰ অনন্য প্ৰচেষ্টা
- ৰাইজৰ সুবিধাৰ বাবে বন বিভাগৰ ৱেব পৰ্টেল আৰু ম’বাইল এপ মুকলি
- বি আৰ অৰ পূৱ মণ্ডলৰ এ ডি জি হিচাপে জীতেন্দ্ৰ প্ৰসাদৰ কাৰ্যভাৰ গ্ৰহণ
- মুখ্যমন্ত্ৰীৰ সপোনৰ প্ৰকল্প – ব্ৰহ্মপুত্ৰৰ ওপৰত শুৱালকুচি – পলাশবাৰী সংযোগী দলঙৰ মাজিৰগাঁওৰ পৰা বিমানবন্দৰৰ সমীপলৈ নিৰ্মাণ হাইস্পীদ চাৰিলেনযুক্ত পথ সুকীয়াকৈ থাকিব
- Inauguration of Common Facility Center (CFC) under PM-DevINE Scheme at Chümoukedima, Nagaland
- চলিত মাহতে নথিপত্ৰ সঠিক কৰি লৈহে বাহন চলাওক- অসমত চলাচল কৰা বৰ্হিৰাজ্যৰ বাহন অসমৰ পৰিবহণ বিভাগত পঞ্জীয়ন কৰাৰ আহ্বান
- আজাৰা কাঁহিকুছিৰ কৃষি বিজ্ঞান কেন্দ্ৰ, কামৰূপলৈ দেশৰ শ্ৰেষ্ঠ কৃষি বিজ্ঞান কেন্দ্ৰৰ বঁটা
- ভূটানৰ গেলেফু মাইণ্ডফুলনেছ চিটিৰ প্ৰতিনিধি দলৰ হয়গ্ৰীৱ মাধৱ মন্দিৰ আৰু আই আই টি-গুৱাহাটী ভ্ৰমণ
- ভাৰত-ডেনমাৰ্কৰ দ্বিপাক্ষিক সম্পৰ্কৰ সফলতাই বিশ্বৰ সামুদ্ৰিক খণ্ডক এক নতুন গতি দিব: কোপেনহেগেন বিজনেছ স্কুলত ব্লু এম বি এ-ৰ প্ৰতিভাসমূহক সম্বোধন কৰে কেন্দ্ৰীয় মন্ত্ৰী সোণোৱালে