চতিয়া সমষ্টিৰ বিধায়ক পদ্ম হাজৰিকাই আজি পুৱাই চতিয়া আৰু নদুৱাৰ উন্নয়ন খণ্ডৰ অন্তৰ্গত অঞ্চলত পঞ্চায়তৰ জনপ্ৰতিনিধিসকলক লগত লৈ এক কাৰ্যসূচী গাঁৱলৈ ব’লক ৰূপায়ণ কৰে ৷ চাইকেলৰ পেডেল মাৰি মাৰি বিধায়ক পদ্ম হাজৰিকাই চতিয়া সমষ্টিৰ গাঁৱে গাঁৱে কেন্দ্ৰীয় আৰু ৰাজ্য চৰকাৰৰ আঁচনিসমুহৰ পৰিদৰ্শন কৰে ৷ চৰকাৰী আঁচনিসমুহ সুচাৰুৰূপে চলিছে নে নাই ? প্ৰধানমন্ত্ৰী আৱাসগৃহ সঠিকভাৱে নিৰ্মাণ হৈছেনে নাই ? এই সকলো দিশ পৰিদৰ্শনৰ উদ্দেশ্যে যাত্ৰা আৰম্ভ কৰে৷
আৱাসগৃহ সমূহৰ ক্ষেত্ৰত যিজনে আটকধুনীয়াকৈ গৃহটো নিৰ্মাণ কৰি উলিয়াব সেইজনক এটা টেলিভিছনৰ পুৰস্কাৰ প্ৰদান কৰা হ’ব বুলিও ঘোষণা বিধায়কগৰাকীৰ৷বিধায়কগৰাকীৰ লগত সংগ দিয়ে চতিয়া আঞ্চলিক পঞ্চায়তৰ সভাপতি লক্ষীকান্ত বৰা, নাগশংকৰ জিলা পৰিষদৰ সদস্য হিতেশ বৰুৱা, চতিয়া ৩ নং গাঁও পঞ্চায়তৰ সভাপতি উদয়শংকৰ শইকীয়া,পঞ্চায়তৰ প্ৰতিনিধিৰ লগত ৱাৰ্ডৰ সদস্যসকলে।
বাতৰি যুগুতালে জামুগুৰিহাটৰ পৰা ৰাতুল হাজৰিকাই।
