ৰাজ্যিক শিক্ষা গৱেষণা আৰু প্ৰশিক্ষণ পৰিষদে ৰাজ্যিক ভিত্তিত গুৱাহাটী কলাক্ষেত্ৰত অনুষ্ঠিত কৰা ৰাষ্ট্ৰীয় চৰিত্ৰাভিনয় প্ৰতিযোগিতাত যোৰহাটৰ ন-আলি ঢেকিয়াজুলি সুৱৰ্ণ প্ৰভা বৰদলৈ উচ্চতৰ মাধ্যমিক বালিকা বিদ্যালয়ৰ ছাত্ৰী দলটিয়ে শ্ৰেষ্ঠ দলৰ সন্মান অৰ্জন কৰি ৰাষ্ট্ৰীয় পৰ্যায়ত প্ৰতিনিধিত্ব কৰিবলৈ নিৰ্বাচিত হৈছে। উল্লেখ্য যে বিদ্যালয়ৰ পৰা অৱসৰ গ্ৰহণ কৰা সংগীত শিক্ষক বিপুল বুঢ়াগোহাঁই আৰু শিক্ষক মৃণাল শইকীয়াৰ পৰিচালনাত নাট্য দলটিয়ে ইতিপূৰ্বে যোৰহাট জিলাৰ অন্তৰ্গত বিদ্যালয়সমূহৰ মাজত অনুষ্ঠিত কৰা জিলা ভিত্তিত চৰিত্ৰাভিনয় প্ৰতিযোগিতাত শ্ৰেষ্ঠ দলৰ সন্মান লাভ কৰি ৰাজ্যিক পৰ্যায়লৈ নিৰ্বাচিত হৈছিল।অভিনয়ত অংশগ্ৰহণ কৰা দলৰ ছাত্ৰী ক্ৰমে বনস্মিতা গগৈ,ডিম্পী নেওগ, সুকণ্যা বৰা আৰু দেৱাশ্ৰী বৰা। শিক্ষক দুলাল বৰদলৈ আৰু শিক্ষয়িত্ৰী তুলসী বৰদলৈ তত্বাৱধানত যাত্ৰাকৰা দলটিয়ে চৰিত্ৰাভিনয় Role play খনিৰ ৰচনা নাট্যকাৰ তথা ভাস্কৰ্য শিল্পী প্ৰৱীন কুমাৰ বৰদলৈ।চৰিত্ৰাভিনয় দলটিয়ে অভিনয়ৰ জড়িয়তে বিদ্যালয়,অঞ্চল তথা জিলালৈ গৌৰৱ কঢ়িয়াই অনাত বিদ্যালয়ৰ অধ্যক্ষা ধৰিত্ৰী হাজৰিকাই বিদ্যালয়ৰ পৰিয়াল বৰ্গক কৃতজ্ঞতা জ্ঞাপন কৰে।
Trending
- বৈদেশিক পৰিক্ৰমা আৰু বস্ত্ৰ বিভাগৰ ৰাজ্যিক মন্ত্ৰী পৱিত্ৰ মাৰ্ঘেৰিটাৰ ত্ৰিপুৰা ভ্ৰমণ
- শক্তি পীঠ কামাখ্যা মন্দিৰত হাৰিয়ানাৰ মুখ্যমন্ত্ৰীৰ পূজা – অৰ্চনা – দুপৰীয়া খানামুখত বিজেপি নেতা ফণীন্দ্ৰ নাথ শৰ্মাৰ ঘৰত আহাৰ গ্ৰহণ , মুখ্যমন্ত্ৰী আৰু ফণীন্দ্ৰ নাথ শৰ্মাৰ সাংগঠনিক দক্ষতাক ভূয়সী প্ৰশংসা
- ৰাজ্যজুৰি অগপৰ ৪০ সংখ্যক প্ৰতিষ্ঠা দিৱস পালন
- ৰাণীৰ বিক্ৰমপুৰত শঙ্কৰদেৱৰ জন্ম জয়ন্তী উৎসৱ পালন
- ২৭ সংখ্যক সৰ্বভাৰতীয় বন ক্ৰীড়া সমাৰোহলৈ অসমৰ ৭১ জনীয়া দল
- ৫৭৬ তম গুৰু জন্ম জয়ন্তী উৎসৱত হৰি নামৰে মুখৰিত বটদ্ৰৱা আকাশ বতাহ
- নুন মাটি অঞ্চলৰ আর্থিকভাৱে পিছপৰা ৫০জন অনাথ শিক্ষাৰ্থীৰ মাজত শিক্ষণ সামগ্ৰী আৰু খাদ্য সামগ্ৰী প্ৰদান
- বি এছ এফৰ গুৱাহাটী ফ্ৰন্টিয়াৰৰ মহা পৰিদৰ্শক হিচাপে সঞ্জয় গৌৰৰ দায়িত্বভাৰ গ্ৰহণ
- প্ৰথমবাৰৰ বাবে গৃহ নিৰ্মাণ আৰু নগৰ পৰিক্ৰমা বিভাগৰ সম্পূৰ্ণ ৱেবভিত্তিক আৰু কাগজবিহীন পৰ্যালোচনা মন্ত্ৰী অশোক সিংহলৰ
- আই এ এছ এছ টিৰ সঞ্চালক অধ্যাপক আশীষ কুমাৰ মুখাৰ্জীলৈ দুটাকৈ ৰাষ্ট্ৰীয় সন্মান