জামুগুৰিহাটৰ কুসুমতোলাত দ্বাদশ অসম আৰক্ষী বাহিনীৰ কাৰ্যালয়ত ৭৫তম স্বাধীনতা দিৱস পালন

দেশৰ অন্য প্ৰান্তৰ লগতে কালি শোণিতপুৰ জিলাৰ অন্তৰ্গত জামুগুৰিহাটৰ নিকটৱৰ্তী কুসুমটোলাৰ দ্বাদশ অসম আৰক্ষী বাহিনীৰ মুখ্য কাৰ্যালয়ত বিভিন্ন কাৰ্যসূচীৰে দেশৰ ৭৫তম স্বাধীনতা দিৱস দ্বাদশ অসম আৰক্ষী বাহিনীৰ মুখ্য কাৰ্যালয়ৰ খেল পথাৰত অনুষ্ঠিত হয় । কাৰ্যসূচীৰ আৰম্ভণিতে দ্বাদশ অসম আৰক্ষী বাহিনীৰ মুখ্য অধিনায়ক প্ৰণৱ জ্যোতি গোস্বামীয়ে পেৰেডত অংশগ্ৰহণ কৰি জোৱান সকলৰ অভিবাদন গ্ৰহণ কৰি ভাৰতৰ জাতীয় পতাকা উত্তোলন কৰে । তেওঁৰ চমু ভাষণত উল্লেখ কৰে যে আমাৰ পূৰ্বপুৰুষ সকলৰ অশেষ কষ্টৰ ফলত আমি বৃষ্টিছৰ শাসনৰ পৰা দেশখন স্বাধীন কৰিলে, সেয়ে আমি দেশৰ অখণ্ডতাৰ ৰক্ষাৰ্থে কেতিয়াও আপোচ কৰিব নালাগে, বিশেষকৈ দেশ ৰক্ষাৰ বাবে নিয়োজিত আৰক্ষী বাহিনীয়ে সদায় নিজ নিষ্ঠাৰে পালন কৰিব লাগে , এই অনুষ্ঠানতে এই বছৰ মেট্ৰিক আৰু উচ্চতৰ মাধ্যমিক পৰীক্ষাত সুখাতি ৰে উত্তীৰ্ণ হোৱা কেবাগৰাকীও মেধাৱী শিক্ষাৰ্থী সকলক সন্মান জনোৱা হয়।