জ্ঞানমালিনী সাহিত্য সভাৰ আজীৱন সভ্য ভৰ্ত্তি অভিযান

কামৰূপ জিলা সাহিত্য সভাৰ অন্তৰ্গত বাইহাটা চাৰিআলিৰ সমীপৰ শিঙাৰপাৰাৰ জ্ঞানমালিনী সাহিত্য সভাই আজীৱন সভ্য ভৰ্ত্তি অভিযান আৰম্ভ কৰিছে ৷ অসম সাহিত্য সভা আৰু কামৰূপ জিলা সাহিত্য সভাৰ আহ্বানমৰ্মে আজি শুভ আৰম্ভনি হোৱা এই অভিযানত সভাৰ প্ৰাক্তন সভাপতিদ্বয় ডঃ ভূৱনেশ্বৰ ডেকা ,মোহিনীমোহন শৰ্মাকে ধৰি সভাৰ বিষয়ববীয়া সকলে ভাগ লয় । আনহাতে অভিযানত ভাগ লোৱা সকলোৱে ‘আহক আমি অসম সাহিত্য সভাৰ আজীৱন সভ্য হওঁ আৰু ভাষা জননীৰ সেৱা কৰি যাওঁ’ শীৰ্ষক বাৰ্তাৰে ইতিমধ্যে সভাৰ বিষয়-ববীয়া সকলে আজি প্ৰায় ৫০জন সভ্য ভৰ্ত্তি অভিযানৰ প্ৰস্তুতি আৰম্ভ কৰিছে বুলি জনাইছে সভাৰ সম্পাদক তিলক ডেকাই৷