আজি তামুলপুৰ উচ্চতৰ মাধ্যমিক বিদ্যালয়ত ৰাষ্ট্ৰীয় শিশু অধিকাৰ সুৰক্ষা আয়োগ আৰু অসম ৰাজ্যিক শিশু অধিকাৰ সুৰক্ষা আয়োগৰ উদ্যোগত আৰু তামুলপুৰ জিলা প্ৰশাসনৰ সহযোগত অনুষ্ঠিত শিবিৰৰ সফল সামৰণি পৰে। আয়োগৰ সদস্যসকলে নাবালকৰ ন্যায়, শিশুৰ শিক্ষা, শিশুৰ যৌন নিৰ্যাতন, শিশু শ্ৰমিক, বাল্য বিবাহ, শিশুৰ স্বাস্থ্য, শিশুৰ মানসিক স্বাস্থ্য আদিৰ ওজৰ-আপত্তিসমূহ অভিভাৱকসকলৰ পৰা গ্ৰহণ কৰে। আজিৰ শিবিৰৰ মুখ্য আকৰ্ষণ আছিল— আধাৰ কাৰ্ড, বাধাগ্ৰস্ত শিশুৰ প্ৰমাণপত্ৰ, স্বাস্থ্য পৰীক্ষা, আয়ুষ্মান ভাৰত কাৰ্ড, বেংক একাউণ্ট আদি। যিসকল শিশু এই অধিকাৰসমূহৰ পৰা বঞ্চিত হৈ আছে, তেওঁলোকক এই সুবিধাসমূহ প্ৰদান কৰিবলৈ আয়োগে যৎপৰোনাস্তি চেষ্টা কৰে। জিলাখনৰ বিভিন্ন চৰকাৰী বিভাগৰ সহযোগত শিশুসকলক শিবিৰলৈ অনা হয়। আজিৰ শিবিৰত ৮১০গৰাকী শিশুৰ নাম পঞ্জীয়ন কৰা হয়। তাৰ ভিতৰৰ ৩৫০গৰাকী শিশুৰ ওজৰ-আপত্তি থিতাতে সমাধান কৰা হয়। বাকীসকলৰ ওজৰ-আপত্তিসমূহ পৰ্যায়ক্ৰমে সমাধান কৰা হ’ব। উল্লেখ্য যে ৫১গৰাকী শিশুৰ আধাৰ কাৰ্ডৰ বাবে নাম পঞ্জীয়ন কৰাৰ লগতে ২৬গৰাকী বাধাগ্ৰস্ত শিশুক প্ৰমাণপত্ৰ, ১১২গৰাকীক এছ বি আই আৰু য়ুকো বেংকৰ একাউণ্ট আগবঢ়োৱা হয়। ইয়াৰ লগতে ২৬গৰাকীৰ আয়ুষ্মান কাৰ্ডৰ ই-কে ৱাই চিও কৰা হয়। ১০গৰাকী শিশুক ইতিমধ্যে ইছ্যু হৈ থকা বাধাগ্ৰস্ততাৰ প্ৰমাণপত্ৰ দিয়াৰ উপৰি ৩গৰাকী শিশুক ইতিমধ্যে ইছ্যু হৈ থকা আয়ুষ্মান কাৰ্ড প্ৰদান কৰা হয়। লগতে ৩গৰাকী শিশুক হুইল শ্বেয়াৰো প্ৰদান কৰা হয়। আজিৰ শিবিৰত জিলা আয়ুক্ত বিদ্যুৎ বিকাশ ভাগৱতী, আৰক্ষী অধীক্ষক দিগন্ত কুমাৰ চৌধুৰী, ৰাষ্ট্ৰীয় শিশু অধিকাৰ সুৰক্ষা আয়োগৰ প্ৰতিনিধি শাশ্বতীপ্ৰিয়া, অসম ৰাজ্যিক শিশু অধিকাৰ সুৰক্ষা আয়োগৰ সদস্যদ্বয় ফণীন্দ্ৰ বুজৰবৰুৱা আৰু ৰিলাঞ্জনা তালুকদাৰ মহন্ত, অতিৰিক্ত আয়ুক্ত ডঃ দীপাংকৰ নাথ, সহকাৰী আয়ুক্তত্ৰয় হিতেশ বড়ো, অৰুণিমা কাকতি আৰু কবিতা ফাংচ’, বিভিন্ন বিভাগৰ বিষয়া-কৰ্মচাৰী, বিটিআৰ ফেল’ আদি উপস্থিত থাকে বুলি তথ্য আৰু জনসংযোগ বিষয়া বিজয় বেজবৰুৱাই এক প্ৰেছ বিজ্ঞপ্তিযোগে জনাইছে।
Trending
- এয়াৰটেলে স্পামক ক্ৰেক কৰিলে, স্পাম চিনাক্তকৰণৰ বাবে ভাৰতৰ প্ৰথম AI-চালিত নেটৱৰ্ক চলুশ্বন মুকলি কৰিলে
- ষষ্ঠদশ বিত্ত আয়োগৰ অধ্যক্ষলৈ আপৰ স্মাৰকপত্ৰ-অসমক বিশেষ ৰাজ্যৰ মৰ্যাদা দিয়াৰ দাবী আপৰ
- অসম চুক্তি ৰূপায়ণৰ দিশত অসম চৰকাৰৰ বৃহৎ পদক্ষেপ- মুখ্যমন্ত্ৰীক আনুষ্ঠানিক কৃতজ্ঞতা অগপৰ
- NECTAR Conducts STEM Workshop for Meghalaya Teachers, Boosting Science and Tech Education
- নতুনকৈ সৃষ্টি কৰা উপ-জিলা(সম জিলা)ৰ ভাৰপ্ৰাপ্ত অতিৰিক্ত আয়ুক্ত আৰু সহকাৰী আয়ুক্তৰ সামৰ্থ বৃদ্ধি কাৰ্যসূচীৰ সামৰণি অনুষ্ঠানত মুখ্য অতিথি হিচাপে অংশগ্ৰহণ কৰিলে ৰাজ্য চৰকাৰৰ সাধাৰণ প্ৰশাসন আদি বিভাগৰ মন্ত্ৰী ৰণজিৎ কুমাৰ দাসে
- মেঘালয়ৰ নংপোৰ মাৰাংগাৰত শঙ্কৰদেৱ নামঘৰত এমহীয়া পৱিত্ৰ ভাদ মাহৰ নামৰ সামৰণি -নামঘৰৰ উন্নয়নত সহযোগিতা আগবঢ়োৱাৰ বাবে অসমৰ মুখ্যমন্ত্ৰীক প্ৰশংসা
- কামৰূপ মহানগৰ জিলাৰ পাঁচ স্থানত অৰুণোদয় ৩.০ ৰ শুভাৰম্ভ
- বিশ্বকৰ্মা মূৰ্তি নিমজ্জন প্ৰক্ৰিয়া আয়োজন
- National Lok Adalat & Consumer Awareness Programme on Lok Adalat Organized
- ডিমৰীয়া মহাবিদ্যালয়ত বিশ্ব অ’জন দিৱস ২০২৪ৰ ৰাজ্যিক পৰ্যায়ৰ অনুষ্ঠান