মুভ ওৱেল প্লাচ ফিজিঅ’ থেৰাপী এণ্ড স্পৰ্টছ ইঞ্জুৰি ক্লিনিকৰ চিকিৎসক তথা ফিজিঅ থেৰাপিষ্ট ডা: পল্লৱী নাথৰ উদ্যোগত আৰু ৰামপুৰ ফুটবল কোচিং চেণ্টাৰৰ সহযোগত অলপতে বিশ্ব ফিজিঅ’থেৰাপি দিৱস উদযাপন কৰা হয়। পোন প্ৰথমবাৰৰ বাবে দক্ষিণ কামৰূপৰ ৰামপুৰত ড০ ভূপেন হাজৰিকা সাংস্কৃতিক মঞ্চত অনুষ্ঠিত হোৱা উক্ত দিৱস উপলক্ষে অনুষ্ঠিত হোৱা সভাৰ আঁতধৰে অসম বিজ্ঞান সমিতিৰ ৰাজ্যিক কাৰ্যনিৰ্বাহক প্ৰসেনজিৎ কলিতাই। অনুষ্ঠানত ফিজিঅ’ চিকিৎসক তথা মোভ ৱেল প্লাছ ফিজিঅ’থেৰাপি চেণ্টাৰৰ মুখ্য চিকিৎসক ডা: পল্লৱী নাথে উপযুক্ত আৰু বিজ্ঞান সন্মত পৰামৰ্শ নোৱলোৱাকৈ ৰোগীয়ে কেতিয়াও শাৰিৰীক ব্যায়াম কৰিব নালাগে বুলি কয়। লগতে বিভিন্ন ধৰণৰ বিষ যেনে আঠু, ডিঙি পেৰালাইছিছ নাৰ্ভৰ সমস্যা আদিৰ চিকিৎসা সেৱা ফিজিঅ’থেৰাপী উপযুক্ত বিকল্প বুলি কোৱাৰ লগতে ঔষধ অবিহনে ৰোগীয়ে কিদৰে এই চিকিৎসাৰ দ্বাৰা নিৰাময় হব পাৰে তাৰ বিষয়েও চিকিৎসক ডা: পল্লৱী নাথে ভাষণ প্ৰসঙ্গত উল্লেখ কৰে। অনুষ্ঠানত ক্ৰীড়া প্ৰশিক্ষক অমৰেন্দ্ৰ ঠাকুৰীয়া আৰু শিক্ষক অনিল কলিতাই খেলা-ধুলাৰ লগতে বিভিন্ন ৰোগ নিৰাময় ক্ষেত্ৰত ফিজিঅ’থেৰাপি চিকিৎসাই অন্যতম ভুমিকা লৈ আহিছে বুলি ভাষণত উল্লেখ কৰে। অনুষ্ঠানত সাংবাদিক বিমল শৰ্মা, ৰামপুৰ ফুটবল কোচিং চেণ্টাৰৰ মুখ্য প্ৰশিক্ষক তপন কলিতা, প্ৰাক্তন ৰাষ্ট্ৰীয় খেলুৱৈ ৰূপা দাস ঠাকুৰীয়া, প্ৰাক্তন ৰাজ্যিক ফুটবলাৰ নৰেন দাস, ৰামপুৰ মহিলা ফুটবল দলৰ প্ৰশিক্ষক শিল্পী তাঁতীকে ধৰি কেইবাজনো বিশিষ্ট ব্যক্তি উপস্থিত থাকে। উল্লেখ্য যে, মুভ ওৱেল প্লাচ ফিজিঅ’থেৰাপী এণ্ড স্পৰ্টছ ইঞ্জুৰি ক্লিনিকৰ চিকিৎসক তথা ফিজিঅ থেৰাপিষ্ট ডা: পল্লৱী নাথৰ প্ৰেচেষ্টাত আজাৰাৰ ভি.আই.পি আৰু পলাশবাৰীৰ বিজয়নগৰত দুটাকে ফিজিঅ’থেৰাপি কেন্দ্ৰ মুকলি কৰি চিকিৎসা সেৱা আগবঢ়াই আহিছে।
Trending
- সাহিত্য অকাডেমী বঁটা প্ৰাপক সুৰেন্দ্ৰ মোহন দাসক উষ্ম অভিনন্দন
- Assam–Arunachal Border Talks: 5th Regional Committee Meeting Charts Path to Resolution
- অসম আৰু উত্তৰ-পূৰ্বাঞ্চলৰ গ্ৰাহকক অনলাইন প্ৰৱঞ্চনাৰ পৰা ৰক্ষা কৰিবলৈ ভাৰতী এয়াৰটেলৰ অনন্য প্ৰচেষ্টা
- ৰাইজৰ সুবিধাৰ বাবে বন বিভাগৰ ৱেব পৰ্টেল আৰু ম’বাইল এপ মুকলি
- বি আৰ অৰ পূৱ মণ্ডলৰ এ ডি জি হিচাপে জীতেন্দ্ৰ প্ৰসাদৰ কাৰ্যভাৰ গ্ৰহণ
- মুখ্যমন্ত্ৰীৰ সপোনৰ প্ৰকল্প – ব্ৰহ্মপুত্ৰৰ ওপৰত শুৱালকুচি – পলাশবাৰী সংযোগী দলঙৰ মাজিৰগাঁওৰ পৰা বিমানবন্দৰৰ সমীপলৈ নিৰ্মাণ হাইস্পীদ চাৰিলেনযুক্ত পথ সুকীয়াকৈ থাকিব
- Inauguration of Common Facility Center (CFC) under PM-DevINE Scheme at Chümoukedima, Nagaland
- চলিত মাহতে নথিপত্ৰ সঠিক কৰি লৈহে বাহন চলাওক- অসমত চলাচল কৰা বৰ্হিৰাজ্যৰ বাহন অসমৰ পৰিবহণ বিভাগত পঞ্জীয়ন কৰাৰ আহ্বান
- আজাৰা কাঁহিকুছিৰ কৃষি বিজ্ঞান কেন্দ্ৰ, কামৰূপলৈ দেশৰ শ্ৰেষ্ঠ কৃষি বিজ্ঞান কেন্দ্ৰৰ বঁটা
- ভূটানৰ গেলেফু মাইণ্ডফুলনেছ চিটিৰ প্ৰতিনিধি দলৰ হয়গ্ৰীৱ মাধৱ মন্দিৰ আৰু আই আই টি-গুৱাহাটী ভ্ৰমণ