পৰ্যটন ক্ষেত্ৰৰ প্ৰচাৰ আৰু প্ৰসাৰৰ উদ্দেশ্য আগত ৰাখি অসম পৰ্যটন উন্নয়ন নিগমে পদক্ষেপ গ্ৰহণ কৰিছে ।ইয়াৰে অংশস্বৰুপে চুটি ছবি প্ৰতিযোগিতা, ফটোগ্ৰাফী প্ৰতিযোগিতা, পৰ্যটনৰ ক্ষেত্ৰ সম্পৰ্কীয় লেখা প্ৰতিযোগিতা আয়োজন কৰিছে।আজি এই সম্পৰ্কে অনুষ্ঠিত কৰা এক সংবাদমেলখনত অধ্যক্ষ জয়ন্ত মল্ল বৰুৱাই কয় যে চুটি ছবি প্ৰতিযোগিতাত অংশ লোৱা প্ৰত্যেক খন ছবিয়েই ১মিনিটৰ পৰা ৩মিনিটৰ হ’ব লাগিব ।আনহাতে প্ৰতিখন ফটোগ্ৰাফে পৰ্যটন ক্ষেত্ৰৰ অৰ্থবহ প্ৰতিছবি প্ৰতিফলিত কৰিব লাগিব ।পৰ্যটন ক্ষেত্ৰৰ সম্পৰ্কে লেখা লিখনিসমূহ প্ৰায় ২০০ শব্দৰ ভিতৰত হ’ব লাগিব ।জানিব পৰা মতে অহা ২০ আগষ্টৰ পৰা ২০ছেপ্তেম্বৰলৈকে ইচ্ছুক প্ৰতিযোগীয়ে অংশগ্ৰহণ কৰিব পাৰিব।প্ৰতিযোগিতাত বিজয়ী প্ৰতিযোগীক বঁটাৰ লগতে নগদ ধনৰাশি বিশ্ব পৰ্যটন দিৱসত প্ৰদান কৰিব।
