দেশৰ দুচকীয়া ইলেকট্ৰনিক বাহন নিৰ্মাতা অগ্ৰণী কোম্পানী “বেনলিং ইণ্ডিয়া এনাৰ্জী এণ্ড টেকনোলজী প্ৰাইভেট লিমিটেডৰ ( বি ই এন এল জি ) এখন বিপনি সোমবাৰে এ কে দেব পথৰ ফটাশিল আমবাৰীৰ তুলা ফেক্টৰীত মুকলি কৰা হয় । বিপনিখন মুকলি কৰে বিশিষ্ট অভিনেতা যতীন বৰা আৰু প্ৰাক্তন বিধায়ক সত্যব্ৰত কলিতাই । এই উপলক্ষে অনুষ্ঠিত চমু অনুষ্ঠানত যতীন বৰাই কয় বৰ্তমানৰ পৰিৱৰ্তিত পৰিস্থিতিত প্ৰদূষণৰ মাত্ৰা কম কৰিবৰ বাবে কেন্দ্ৰীয় চৰকাৰে ইলেকট্ৰনিক বাহনৰ চলাচলত গুৰুত্ব আৰোপ কৰিছে । তেনেদৰে ডিজেল বা পেট্ৰলচালিত বাহনত হোৱা ইন্ধনৰ ব্যয়ৰ তুলনাত ইলেকট্ৰনিক বাহনৰ খৰছ বহুত কম । আনহাতে প্ৰাক্তন বিধায়ক সত্যব্ৰত কলিতাই এনে ধৰণৰ বিপনি স্থাপন কৰিবলৈ আগবাঢ়ি অহা বাবে দুই শিক্ষিত উদ্যমী যুৱক অংশুমান গোস্বামী আৰু অৰ্ণব কুন্দুৰ শলাগ লয় । উল্লেখযোগ্য যে ৰাজসাহায্যযুক্ত এই ইলেকট্ৰনিক দুচকীয়া বাহনখন দুটা মডেলত উপলব্ধ হব । ইয়াৰে চাৰিটা ৰঙত উপলব্ধ হবলগীয়া হাইস্পীদ মডেলৰ দাম হব প্ৰায় ১.১২ লাখ টকা আৰু ইয়াক এবাৰ সম্পূৰ্ণকৈ চার্জ দিলে প্ৰায় ১০০ কিঃমিঃ দূৰত্বলৈ চলাব পাৰিব । তেনেদৰে লো স্পিড মডেলৰ দাম হব প্ৰায় ৭০ ৰ পৰা ৮০ হাজাৰ টকাৰ ভিতৰত আৰু এবাৰ সম্পূৰ্ণকৈ চার্জ দিলে ই ৬০ কিঃমিঃ দূৰত্ব অতিক্ৰম কৰিব পাৰিব ।
Trending
- ঢকুৱাখনা চৰকাৰী উচ্চ মাধ্যমিক বিদ্যালয়ৰ শ্ৰেণীকোঠা উদ্বোধন
- দ্বিতীয় পৰ্যায়ৰ ভোটগ্ৰহণৰ বাবে মুছলপুৰত নিৰ্বাচনী সামগ্ৰী বিতৰণ
- কামৰূপ (ম)ৰ প’লিং বিষয়া আৰু ই ভি এমৰ দ্বিতীয় পৰ্যায়ৰ ৰেণ্ডমাইজেশ্বন সম্পন্ন
- জৱাহৰ নবোদয় বিদ্যালয়ত কুইজিন-দ্য ব্ৰেইন বুফে
- ঘিলামৰাত ৬৫ সংখ্যক কেন্দ্ৰীয় ৰঙালী বিহু শুভাৰম্ভ
- পৰ্যবেক্ষক, প্ৰাৰ্থী-প্ৰতিনিধিৰ সৈতে কামৰূপ মহানগৰ জিলা নিৰ্বাচন বিষয়াৰ গুৰুত্বপূৰ্ণ সভা
- মিচিং জাতীয় সংগঠনৰ বিশ্ব ধৰিত্ৰী দিৱস পালন
- বৰুৱাৰ সংসাৰ প্ৰদৰ্শিত হ’ব ভাৰতীয় চলচ্চিত্ৰ মহোৎসৱত
- এয়াৰটেলৰ ৰোমিং পেক উন্মোচন
- কাছাৰত অ গ পৰ সভাপতি নির্বাচনী প্ৰচাৰ