কামৰূপ মহানগৰ জিলাৰ অতিৰিক্ত জিলা আয়ুক্ত তথা জিলা দুৰ্যোগ ব্যৱস্থাপনা প্ৰাধিকৰণৰ মুখ্য কাৰ্যবাহী বিষয়া অজিত শৰ্মাৰ অধ্যক্ষতাত আজি জিলা আয়ুক্তৰ কাৰ্যালয়ৰ সভাকক্ষত দুৰ্যোগ ব্যৱস্থাপনা প্ৰাধিকৰণৰ এখন সভা অনুষ্ঠিত হয়।সভাত অতিৰিক্ত জিলা আয়ুক্তগৰাকীয়ে আগন্তুক সম্ভাব্য বানপানীৰ সময়ত বিভিন্ন বিভাগসমূহে লবলগীয়া দায়িত্বসমূহৰ কথা উল্লেখ কৰে । তদুপৰি কিছুদিন পূৰ্বে হৈ যোৱা প্ৰলয়ংকাৰী ঘূৰ্ণী বতাহ”ৰেমল”ৰ ফলত ক্ষতিগ্ৰস্ত হোৱা এলেকাসমূহৰ জনসাধাৰণৰ মাজত সজাগতা সৃষ্টিৰ বাবে লোৱা পদক্ষেপৰ বাবে সংশ্লিষ্ট বিভাগসমূহৰ বিষয়া-কৰ্মচাৰীৰ শলাগ লয়।একেদৰে ধুমুহা,বানপানী, ভূমিস্খলনৰ ফলত কামৰূপ মহানগৰ জিলাৰ অধিক ক্ষতিগ্ৰস্থ হ’বপৰা এলেকাসমূহৰ জনসাধাৰণক আশ্ৰয় শিবিৰলৈ স্থানান্তৰ কৰাৰ কথা ব্যক্ত কৰে।জিলাখনৰ অধীনস্থ ৰাজহ চক্ৰ বিষয়াসকলকো যিকোনো পৰিস্থিতিৰ সৈতে মোকাবিলা কৰাৰ বাবে সাজু থাকিবলৈ আহ্বান জনায়।ইতিমধ্যে প্ৰাকৃতিক দুৰ্যোগৰ পৰা জনসাধাৰণক উদ্ধাৰৰ বাবে ৰাষ্ট্ৰীয় দুৰ্যোগ সঁহাৰি বাহনী (এন ডি আৰ এফ )আৰু ৰাজ্যিক দুৰ্যোগ সঁহাৰি বাহিনী (এছ ডি আৰ এফ ) সাজু কৰি ৰখা হৈছে ।সভাত ৰাজহ আৰু দুৰ্যোগ ব্যৱস্থাপনা বিভাগৰ যুটীয়া সচিব হেমাশ্ৰী হাজৰিকাই সংশ্লিষ্ট বিভাগসমূহক নিজৰ নিজৰ দায়িত্ব পালন কৰিবলৈ নিৰ্দেশ দিয়ে । আজিৰ সভাত জিলা দুৰ্যোগ ব্যৱস্থাপনা প্ৰাধিকৰণৰ প্ৰকল্প বিষয়া কৌস্তভ তালুকদাৰৰ লগতে জিলা আয়ুক্ত কাৰ্যালয়ৰ অন্যান্য বিষয়া -কৰ্মচাৰীসকল উপস্থিত থাকে।
Trending
- কামৰূপ( ম) জিলাৰ ১৭ বছৰ অনুৰ্দ্ধৰ আন্ত:বিদ্যালয় ফুটবল প্ৰতিযোগিতাৰ সফল সামৰণি
- তামুলপুৰত নিতি আয়োগৰ সম্পূৰ্ণতা অভিযানৰ শুভাৰম্ভ
- বাহকজনিত ৰোগ প্ৰতিৰোধ সন্দৰ্ভত কামৰূপ(ম)জিলা টাস্ক ফ’ৰ্চৰ বৈঠক
- বৰাকৰ বিকল্প পথৰ বাবে গাডকাৰীক পৰামৰ্শ সাংসদ সুস্মিতা দেৱৰ
- গুৱাহাটী বিশ্ববিদ্যালয় এন এছ এছ কোষৰ মহৎ পদক্ষেপ : এক পেৰ মা কে নাম
- নিৰ্বাচনী প্ৰচাৰৰ সময়ত দিয়া প্ৰতিশ্ৰুতি অনুসৰিয়েই এইবাৰ মাজুলীৰ লুইত খাবলুত ১২ ৰ পৰা ১৭ কিল’মিটাৰ দৈৰ্ঘ্যৰ মথাউৰি নিৰ্মাণ কৰা হ’ব: মন্ত্ৰী হাজৰীকা
- শিৱসাগৰ আৰু ডিব্ৰুগড় জিলাৰ বান পৰিস্থিতি পৰ্যবেক্ষণ-উদ্যোগ মন্ত্ৰী বিমল বৰাৰ
- গুৱাহাটী প্ৰেছ ক্লাবত সাংবাদিকৰ স্বাস্থ্য আৰু চকু পৰীক্ষা শিবিৰ সম্পন্ন
- নুমলীগড়ৰ মহুৰামুখত ব্ৰহ্মপুত্ৰৰ বাঢ়নী পানীত ছিগা মথাউৰি পৰিদৰ্শন মন্ত্ৰী পীযুষ হাজৰীকাৰ
- জিএছটি সন্দৰ্ভত তেজপুৰত মধ্য অসমৰ কেবাখনো জিলাৰ বাণিজ্য আৰু ব্যৱসায়ী সন্থাৰে বৈঠক মন্ত্ৰী অশোক সিংহল আৰু বিত্তমন্ত্ৰী অজন্তা নেওগৰ