মাজুলী জিলা পৰিবহণ বিভাগ আৰু আৰক্ষী বিভাগৰ যৌথ উদ্যোগত মাজুলীৰ বিভিন্ন প্ৰান্তত নাকা চেকিং অভিযান

মাজুলী জিলা পৰিবহণ বিভাগ আৰু এনফৰ্চমেন্ট বিভাগ তথা আৰক্ষী বিভাগৰ তৎপৰতাত মাজুলীৰ বিভিন্ন প্ৰান্তত নাকা চেকিং অভিযান চলোৱা হয়৷ বৃহস্পতিবাৰে মাজুলী জিলা পৰিবহণ বিভাগে উজনি মাজুলী নতুন বজাৰত হেলমেট পৰিধান নকৰা মটৰ চাইকেল আৰোহীৰ ওপৰত তৎপৰ হৈ পৰে৷ তদুপৰি ব্ৰেথ এনালাইজাৰ ব্যৱহাৰ কৰি মদ্যপান কৰা বাইক আৰোহীক চিনাক্ত কৰাৰ লগতে নাকা চেকিং কৰি বাহনৰ নথিপত্ৰ, জীৱনবীমা আদি সন্দৰ্ভত তন্নতন্নকৈ পৰীক্ষা কৰি ৰাইজক সজাগ কৰাৰ উদ্দেশ্যে এনেধৰণৰ কাৰ্যপন্থা হাতত লোৱা হয়৷ উল্লেখ্যে যে আগন্তক ৰাস উৎসৱৰ প্ৰাকক্ষণত মাজুলী জিলা পৰিবহণ আৰু ইডি তথা আৰক্ষী প্ৰশাসনে লোৱা পদক্ষেপক মাজুলীবাসীয়ে শলাগ লৈছে৷