নতুন শিক্ষা নীতিৰ ২০২০ ৰ আধাৰত ৰাজ্যখনৰ শিক্ষা ব্যৱস্থাক অধিক তৰাণ্বিত কৰাৰ উদ্দেশ্যে শিক্ষা বিভাগৰ সৰ্বোচ্চ কমিটি ৰাজ্য শিক্ষা আয়োগৰ প্ৰথমখন বৈঠক মুখ্যমন্ত্ৰী ড০ হিমন্ত বিশ্ব শৰ্মাৰ অধ্যক্ষতাত আজি জনতা ভৱনৰ মুখ্যমন্ত্ৰীৰ কাৰ্য্যালয়ৰ সভাকক্ষত অনুষ্ঠিত হয়। বিভিন্ন বিশ্ববিদ্যালয়ৰ উপাচাৰ্য্য, শিক্ষা বিভাগৰ লগতে অন্যান্য বিভাগৰ শীৰ্ষ বিষয়া সকলৰ উপস্থিতত অনুষ্ঠিত হোৱা এই বৈঠক খনত সৰ্বশিক্ষাৰ মিছন সঞ্চালক, সঞ্চালক এচ.ছি.ই.আৰ.টি, বিদ্যালয় শিক্ষা আৰু উচ্চ শিক্ষা বিভাগৰ সচিবৰ দ্বাৰা বৰ্তমান আৰু আহি থকা দিন সমুহত শিক্ষা বিভাগে গ্ৰহণ কৰিবলগীয়া দুৰদৰ্শী পৰিকল্পনা সমুহৰ বিষয়ে এক চমু আভাস দাঙি ধৰে। উক্ত বৈঠকত মুখ্যমন্ত্ৰী গৰাকীয়ে উল্লেখ কৰে যে নতুন শিক্ষা নীতি কাৰ্য্যকৰী কৰাৰ ক্ষেত্ৰত ৰাজ্য শিক্ষা আয়োগে এক গুৰুত্বপূৰ্ণ দায়িত্ব বহন কৰিব লাগিব। প্ৰতি গৰাকী ছাত্ৰ-ছাত্ৰীয়ে যাতে গুণগত শিক্ষা লাভ কৰিব পাৰে লগতে কোনো ছাত্ৰ যাতে শিক্ষা গ্ৰহণৰ পৰা বাদ পৰি নাযায় তাৰ প্ৰতি লক্ষ্য ৰাখি আয়োগে কাম কৰি যাৱ লাগিব। দেশৰ ভিতৰতে শিক্ষাৰ ক্ষেত্ৰত ৰাজ্যখনক আগুৱাই লৈ যোৱাৰ উদ্দেশ্য আগত ৰাখি আগন্তুক দিনত শিক্ষাৰ মানদণ্ড আৰু অধিক উন্নত কৰি তুলিব লাগিব। এই বৈঠকত সকলো বিদ্যালয়ৰ বাবে কমন চাৰ্ভিছ ৰুল, কমন ৰিক্ৰুইটমেন্ট বোৰ্ড ফৰ হেড মাষ্টৰ এণ্ড প্ৰিঞ্চিপাল, স্কুল ৰুল বুক, ৰাজ্যিক সৈনিক বিদ্যালয় চচাইটি স্থাপন, মহাবিদ্যালয় সমুহত নিয়োগৰ বাবে কমন ৰিক্ৰুইটমেন্ট বোৰ্ড গঠন কৰাৰ কথা আলোচনা কৰাৰ লগতে সভাত উপস্থিত বিভিন্ন উপাচাৰ্য্য তথা বিষয়া সকলৰ পৰা মতামত গ্ৰহণ কৰা হয়। উক্ত বৈঠকত শিক্ষা মন্ত্ৰী ডাঃ পেগুৱে তেওঁৰ ভাষণ প্ৰসঙ্গত কয় যে ৰাজ্যখনৰ নাগৰিক হিচাপে বিদ্যালয় তথা শিক্ষা ব্যৱস্থাটোৰ ওপৰত নজৰ আৰোপ কৰা আমাৰ সকলোৰে অধিকাৰ আছে। সেয়েহে তেওঁ প্ৰতিগৰাকী বিষয়াক অন্ততঃ তেওঁলোকৰ ওচৰৰ বিদ্যালয় সমুহত গৈ শৈক্ষিক পৰিবেশৰ বুজ লবলৈ আহ্বান জনায়। লগতে তেওঁ কয় যে মহাবিদ্যালয় সমুহে যাতে কমেওঁ এখনকৈ বিদ্যালয় তুলি (Adopt) লৈ সেই বিদ্যালয় খনক শৈক্ষিক দিশত সুচাৰুৰূপে আগ বঢ়াই লৈ যাবলৈ উল্লেখ কৰে। আজিৰ এই সভাত ৰাজহ আৰু দুৰ্যোগ প্ৰশমন বিভাগৰ মন্ত্ৰী যোগেন মহন, হস্ততাত বস্ত্ৰ শিল্প আদি বিভাগৰ মন্ত্ৰী উৰখাও গৌড়া ব্ৰহ্ম, শিক্ষা বিভাগৰ উপদেষ্টা ড০ ননীগোপাল মহন্তও উপস্থিত থাকে।
Trending
- On 79th Independence Day, NSE Chief Ashishkumar Chauhan Wishes the Nation Progress and Prosperity
- এন ই ফ’কাচ ডট কমৰ নৱম বৰ্ষপুৰ্তিৰ উদযাপন
- সামাজিক ন্যায় আৰু সবলীকৰণ বিভাগৰ মন্ত্ৰী পীযুষ হাজৰীকাৰ সদৌ অসম সূত্ৰধৰ ছাত্ৰ সন্থাৰ ৮২সংখ্যক কেন্দ্ৰীয় অধিৱেশনত অংশগ্ৰহণ
- সৰুসজাই ষ্টেডিয়ামত ১১হেজাৰ শিল্পীয়ে পৰিবেশন কৰিব বড়ো লোক নৃত্যানুষ্ঠান ‘বাগৰুম্বা দ’হৌ
- আই আই টি গুৱাহাটী আৰু বালিপাৰা ফাউণ্ডেচনৰ মাজত বুজাবুজি চুক্তি-পূৱ হিমালয়ৰ পৰিৱেশ সংৰক্ষণ, শক্তি আৰু জল সুৰক্ষাৰ বাবে নতুন উদ্ভাৱন নীতিত কাম কৰাৰ লক্ষ্য
- স্বাধীনতা দিৱস উদযাপনৰ প্ৰস্তুতি সন্দৰ্ভত কামৰূপ (ম)জিলা প্ৰশাসনৰ সভা
- টপচেম চিমেণ্ট আৰু ভাৰতীয় ৰেডক্ৰচ ছছাইটিয়ে যৌথভাবে ৰক্তদান শিবিৰ আয়োজন
- এইচডিএফচি বেংকে এপিকে জালিয়াতিৰ বিৰুদ্ধে নাগৰিক সুৰক্ষাৰ বাবে গুৰুত্বপূৰ্ণ সতৰ্কবাণী জাৰি কৰিছে
- ভাৰতৰত্ন লোকপ্ৰিয় গোপীনাথ বৰদলৈক সশ্ৰদ্ধ স্মৰণ কামৰূপ (ম) জিলা প্ৰশাসনৰ
- NSE CROSSES 230 MILLION INVESTOR ACCOUNTS, RETAIL PARTICIPATION SOARS