দেশৰ আগশাৰীৰ দুচকীয়া বাহন নিৰ্মাতা প্ৰতিষ্ঠান হিৰো মটো কৰ্পৰ উই কেয়াৰ চি এচ আৰ আঁচনিৰ অধীনত ৰাজ্যখনৰ শিক্ষা বিভাগৰ সহযোগত সৰ্বমুঠ ১৮৫ খন মহাবিদ্যালয়ক দুচকীয়া বাহন প্ৰদানৰ এক গাম্ভীৰ্যপূৰ্ণ অনুষ্ঠান আজি দিছপুৰ পি ডব্লিউ ডি কনভেনচন এণ্ড ট্ৰেইনিং চেণ্টাৰত অনুষ্ঠিত হয়। উক্ত অনুষ্ঠানত মুখ্য অতিথি ৰুপে শিক্ষা আদি বিভাগৰ মন্ত্ৰী ডাঃ ৰণোজ পেগু উপস্থিত থাকে। ভাষণ প্ৰসঙ্গত মন্ত্ৰী গৰাকীয়ে প্ৰথমে শোক দিৱস উপলক্ষে ধেমাজি বিস্ফোৰণত প্ৰাণ হেৰুৱা লোক সকলৰ প্ৰতি গভীৰ শ্ৰদ্ধাঞ্জলি জ্ঞাপন কৰে। তেখেতে স্বাধীনতা দিৱস উপলক্ষে ভাৰতৰ প্ৰধান মন্ত্ৰী গৰাকীয়ে উল্লেখ কৰা সেই কথাষাৰ যে অহা ২৫ বছৰৰ ভিতৰত অৰ্থাৎ দেশে যেতিয়া স্বাধীনতাৰ এশটা বছৰ সম্পূৰ্ণ কৰিব সেই সময়ৰ প্ৰতি লক্ষ্য ৰাখি আমি প্ৰতিগৰাকী নাগৰিকে আমাৰ দেশখনক এখন শ্ৰেষ্ঠ ৰাষ্ট্ৰ তথা বিশ্বগুৰু হিচাপে প্ৰতিষ্ঠা কৰাৰ বাবে কাম কৰি যাব লাগিব। তেওঁ হিৰো মটো কৰ্পক তেওঁলোকৰ এই প্ৰয়াসৰ বাবে ধন্যবাদ আৰু কৃতজ্ঞতা জ্ঞাপন কৰে। তেওঁ প্ৰতিখন মহাবিদ্যালয়ত ছাত্ৰ-ছাত্ৰী সকলক এণ্টাৰপ্ৰেনিয়াৰছিপ সম্পৰ্কীয় বিভিন্ন ধৰণৰ প্ৰশিক্ষণ বা এই ক্ষেত্ৰত তেওঁলোকক উৎসাহিত কৰাৰ বাবে অতি সোনকালে শিক্ষা বিভাগে এখনি এপেস্ক বডি গঠন কৰিব। এই অনুস্থানত আই আই ইৰ সমল ব্যক্তি সুপৰ্ণা বৰুৱাই উপস্থিত ছাত্ৰ-ছাত্ৰী সকলক উদ্দেশ্যি এণ্টাৰপ্ৰেনিয়াৰছিপ সম্পৰ্কীয় বিভিন্ন তথ্য সদৰি কৰে। এই অনুস্থানত শিক্ষা বিভাগৰ উপদেষ্টা ডঃ ননীগোপাল মহন্ত , আয়ুক্ত সচিব, এম এচ মনিভন্নন, উচ্চ শিক্ষাৰ সঞ্চালক ধৰ্মকান্ত মিলি, হিৰো মটো কৰ্পৰ বিষয়া বিকাশ শৰ্মাৰ লগতে বিভিন্ন মহাবিদ্যালয়ৰ অধ্যক্ষ সকল উপস্থিত থাকে।
Trending
- সপোন যেন লগা বৰষুণে পশ্চিম গুৱাহাটীৰ কৃষকৰ মুখলৈ আনিছে হাঁহি -বৰো ধানৰ খেতি কৰা কৃষকলৈ সকাহ
- কাঁহিকুছিৰ উদ্যান শস্য গৱেষণা কেন্দ্ৰত কৃষিত সংহত পোক পৰুৱা আৰু বেমাৰ নিয়ন্ত্ৰণ বিষয়ক প্ৰশিক্ষণ কাৰ্যসূচী অনুষ্ঠিত
- Farmers’ Mobilization & Awareness Programme organised by NECTAR under PM-DevINE Scheme in Nihoto Village, Nagaland.
- বটদ্রৱাৰ দৌল মহোৎসৱ – দৃষ্টিনন্দন সাংস্কৃতিক সমাহাৰেৰে গোঁসাইক লৈ দৌললৈ যাত্রা
- The National Institute of Technology hosted a three five-day program sponsored by MSME
- নুমলীগড় শোধনাগাৰৰ সৈতে গিৰিজানন্দ বিশ্ববিদ্যালয়ৰ বুজাবুজিৰ চুক্তিত স্বাক্ষৰ
- Foundation Stone Laying Ceremony of North East Centre for Technology Application and Reach (NECTAR)
- Assam CM meets EU Ambassador to India-discusses opportunities for collaboration in different sectors
- এইচ ডি এফ চি বেঙ্কে ভাৰতীয় সেনাবাহিনী আৰু চি এচ চি একাডেমীয়ে প্ৰকল্প নমন ২৬ টা নতুন স্থানলৈ সম্প্ৰসাৰিত
- গ্ৰাহক দিৱস উদযাপন