হেৰাই যাবলৈ ধৰা পৰম্পৰা ৰক্ষাৰ চেষ্টা এজাক মহিলাৰ

অসমৰ লোক সংস্কৃতিৰ এক এৰাব নোৱাৰা উপাদান হ’ল বিয়া নাম।এখন বিবাহৰ জোৰোণ আৰু বিয়াত মহিলা সকলে গোৱা এই বিয়ানামে বিবাহ স্থলীত সুকীয়া মাদকতা প্ৰদান কৰে।কিন্তু সময়ৰ লগে লগে আমাৰ মাজৰ পৰা এই বিয়া নাম সমূহ হেৰাই যোৱাৰ উপক্ৰম হৈছে। অসমৰ লোক সংস্কৃতিৰ চহকী উপাদান বিয়া নাম সমূহ যাতে সময়ৰ সোতত হেৰাই যাব নোৱাৰে ,তাৰ প্ৰতি লক্ষ্য ৰাখি অসম সাংস্কৃতিক সঞ্চালকালয়ৰ জামুগুৰি সাংস্কৃতিক কেন্দ্ৰৰ উদ্যোগত অলপতে অনুষ্ঠিত হয় বিয়ানামৰ প্ৰশিক্ষণ কৰ্মশালা ।এই কৰ্মশালাত জামুগুৰিহাটৰ ৩০গৰাকী মহিলাই প্ৰশিক্ষণ লৈ বিয়া নাম প্ৰদৰ্শন কৰে। জামুগুৰিহাটৰ বাপুজী ভৱনত ১০দিনীয়া কাৰ্যসূচীৰে অনুষ্ঠিত হোৱা কৰ্মশালাৰ অন্তিমদিনা মহিলা সকলে জাকে জাকে বিয়া নাম পৰিবেশন কৰে। উল্লেখ্য যে এখন বিবাহৰ জোৰোণ,পানীটোলাকে ধৰি বিভিন্ন সময়ত কোন খিনি বিয়া নাম গাব লাগে তাৰ ওপৰত সম্পূৰ্ণ ৰূপে প্ৰশিক্ষণ দিয়া হয় এই কৰ্মশালাত।