ৰাষ্ট্ৰীয় শিক্ষাৰ্থী বাহিনীৰ গুৱাহাটী বিশ্ববিদ্যালয়স্থিত ৫০ আসাম এয়াৰ স্কোৱাদ্ৰোণ এন চি চি ইউনিটৰ দুটা পৰ্যায়ত গোৱালপাৰা জিলাৰ দুধনৈস্থিত জবাহৰ নবোদয় বিদ্যালয় চৌহদত ২৭ ছেপ্টেম্বৰৰ পৰা অনুষ্ঠিত ১৪ দিনীয়া বাৰ্ষিক প্ৰশিক্ষণ শিবিৰৰ ১০ অক্টোবৰত সামৰণি পৰে । আনহাতে ৫০ আসাম এয়াৰ স্কোৱাদ্ৰোণ এন চি চি ইউনিটৰ কমাণ্ডিং অফিচাৰ , গ্ৰুপ কেপ্তেইন তথা শিবিৰৰ কেম্প কমাণ্ডেণ্ট ৰবীন বিষয়ৰ নেতৃত্বত অনুষ্ঠিত শিবিৰত ইউনিটৰ অধীনৰ বিভিন্ন শিক্ষা প্ৰতিষ্ঠানৰ জুনিয়ৰ , চিনিয়ৰ , গাৰ্লছ ডিভিজনকে ধৰি মুঠ ৭০২ জন কেডেটে ভাগ লয় । আনহাতে দুটা পৰ্যায়ত এক সপ্তাহকৈ অনুষ্ঠিত শিবিৰত ভাগ লোৱা কেডেট সকলক প্ৰশিক্ষক সকলে ৰেঞ্জ ফায়াৰিং , ৰাইফল ড্ৰিল , ফুট ড্ৰিল , যোগ , পি টি , পেৰেড , ক্ৰছ ক্ৰান্তি , এৰো মডেলিং , স্বচ্ছ ভাৰত , চাফাই অভিযান , সাংস্কৃতিক অনুষ্ঠানৰ অনুশীলন , সমাজসেৱা আদিৰ প্ৰশিক্ষণ দিয়ে । তেনেদৰে গ্রুপ কেপ্তেইন ৰবীন বিষয়ে নিৰ্বাচিত কিছু সংখ্যক কেডেটক বৰঝাৰস্থিত ভাৰতীয় বায়ু সেনাৰ চাউনিত লঘু বিমান চালনাৰ প্ৰশিক্ষণ প্ৰদান কৰে । আনহাতে এন চি চিৰ উত্তৰ পূব মণ্ডলৰ অতিৰিক্ত সঞ্চালক প্ৰধান মেজৰ জেনেৰেল ভাস্কৰ কলিতা আৰু গুৱাহাটী গ্রুপৰ গ্রুপ কমাণ্ডাৰ ব্ৰিগেদিয়াৰ যোগেশ চন্দ্ৰ কলিতায়ো শিবিৰ পৰিদৰ্শন কৰি কেডেট সকলৰ প্ৰশিক্ষণ কাৰ্যৰ বুজ লয় । দুয়োজন উচ্চপদস্থ সেনা বিষয়াই কেডেট সকলৰ সৈতে মত বিনিময় কৰাৰ উপৰি তেওঁলোকৰ সৈতে দুপৰীয়াৰ আহাৰ গ্ৰহণ কৰি উৎসাহিত কৰে।
Trending
- চলিত মাহতে নথিপত্ৰ সঠিক কৰি লৈহে বাহন চলাওক- অসমত চলাচল কৰা বৰ্হিৰাজ্যৰ বাহন অসমৰ পৰিবহণ বিভাগত পঞ্জীয়ন কৰাৰ আহ্বান
- আজাৰা কাঁহিকুছিৰ কৃষি বিজ্ঞান কেন্দ্ৰ, কামৰূপলৈ দেশৰ শ্ৰেষ্ঠ কৃষি বিজ্ঞান কেন্দ্ৰৰ বঁটা
- ভূটানৰ গেলেফু মাইণ্ডফুলনেছ চিটিৰ প্ৰতিনিধি দলৰ হয়গ্ৰীৱ মাধৱ মন্দিৰ আৰু আই আই টি-গুৱাহাটী ভ্ৰমণ
- ভাৰত-ডেনমাৰ্কৰ দ্বিপাক্ষিক সম্পৰ্কৰ সফলতাই বিশ্বৰ সামুদ্ৰিক খণ্ডক এক নতুন গতি দিব: কোপেনহেগেন বিজনেছ স্কুলত ব্লু এম বি এ-ৰ প্ৰতিভাসমূহক সম্বোধন কৰে কেন্দ্ৰীয় মন্ত্ৰী সোণোৱালে
- NECTAR Launches Organic Agriculture Project in Arunachal Under PM-DevINE Scheme
- পৰিৱেশ কৰ্মী, জেষ্ঠ সাংবাদিক উত্তম শইকীয়ালৈ অসম চৰকাৰৰ পৰিৱেশ মিত্ৰ সন্মান
- বিশ্ব পৰিবেশ দিবসত আই এ এছ এছ টিত চাৰিগৰাকী বিশিষ্ট পৰিবেশকৰ্মীক পৰিবেশ মিত্ৰ বঁটা প্ৰদান
- অসম খনিজ উন্নয়ন নিগম পৰিসীমিতৰ তৰফৰ পৰা মুখ্যমন্ত্ৰী সাহায্য পুঁজিলৈ ১ কোটি টকাৰ চেক প্ৰদান
- বিশ্ব পৰিৱেশ দিৱসত প্লাষ্টিক ব্যৱহাৰৰ বিৰুদ্ধে সজাগতা সৃষ্টিৰ বাবে সাংস্কৃতিক পৰিক্ৰমা বিভাগৰ উদ্যোগত সাংস্কৃতিক অনুষ্ঠান
- গুৱাহাটী বিশ্ববিদ্যালয়ত ভাৰতীয় জ্ঞান পৰম্পৰাৰ দৃষ্টিভংগীৰে বৌদ্ধ দৰ্শন শীৰ্ষক বক্তৃতানুষ্ঠান সম্পন্ন