গুৱাহাটী মহানগৰীৰ পাৰ্শ্বৱৰ্তী অসম মেঘালয় সীমান্তৱৰ্তী ঐতিহাসিক বৃহত্তৰ ৰাণী অঞ্চলৰ একমাত্ৰ শৈক্ষিক, সাংস্কৃতিক তথা বহুমুখী প্ৰতিভাসন্ধানী অনুষ্ঠান “স্বাক্ষৰ” ৰ পূৰ্ণাংগ সমিতি ৰবিবাৰে ৰাণী শাখা ছাত্ৰ সন্থাৰ কাৰ্যলয়ত গঠন কৰা হয় । স্থানীয় সমাজসেৱক তথা শিক্ষক দ্বীজেন দাসৰ পৰিচালনাত অনুষ্ঠিত হোৱা সাধাৰণ সভাখনৰ উদ্দেশ্য বাখ্যা কৰে “স্বাক্ষৰ” মুখ্য আহ্বায়ক ডেভিদ স্বৰ্গীয়াৰীয়ে । এই সভাতেই উপস্থিত থাকি শিক্ষক,কবি চবিন চন্দ্ৰ নাথ , প্ৰাক্তন ছাত্ৰ নেতা ক্ৰমে পৰাগজ্যোতি দাস , বিলম দাস আৰু আমজেদ আলীয়ে স্বাক্ষৰৰ পূৰ্ণাংগ সমিতি গঠন সন্দৰ্ভত আৰু ইয়াৰ ভৱিষ্যৎ কৰ্মপন্থাৰ বিষয়ে বিস্তৃতভাৱে আলোচনা কৰে । উল্লেখ্য যে বিগত বহুবছৰ ধৰি স্বাক্ষৰে ৰাণীৰ অনগ্ৰসৰ গ্ৰামাঞ্চলৰ দৰিদ্ৰ পৰিয়ালৰ ছাত্ৰ-ছাত্ৰীক বিনামূলীয়াকৈ পাঠদান প্ৰদান কৰি শৈক্ষিক দিশত অভূতপূৰ্ব সাফল্য বুটুলিবলৈ সক্ষম হৈছে । অকল শৈক্ষিক দিশতেই নহয় সাহিত্য , কলা, সংস্কৃতি , ক্ৰীয়া, বিজ্ঞান , সমাজসেৱা আদি বিভিন্ন দিশত ব্যতিক্ৰমী কাৰ্যপন্থাৰে কাৰ্যসূচী হাতত লৈ ভূয়সী প্ৰশংসাৰ লগতে কৃতকাৰ্যতা অৰ্জন কৰিবলৈ সক্ষম হয় । বিশেষকৈ অধ্যাপক, সাহিত্যিক ডেভিদ স্বৰ্গীয়াৰীৰ একান্ত প্ৰচেষ্টাত গঢ় লৈ উঠা এই “স্বাক্ষৰ”ৰ পূৰ্ণাংগ সমিতিয়ে অনাগত দিনত ৰাণী অঞ্চলৰ সৰ্বাংগীন উন্নয়নৰ বাবে মুখ্য ভুমিকা গ্ৰহণ কৰিব ।
Trending
- ভোটদানৰ সজাগতাৰ লক্ষ্যৰে মহানগৰীত চাইকেল ৰেলী
- নগাঁৱৰ ভিজন একাডেমী চিনিয়ৰ ছেকেণ্ডাৰী বিদ্যালয়ত “ব’হাগৰ এদিন” শীর্ষক উৎসৱ
- ঢকুৱাখনা চেইণ্ট থমাছ স্কুলত ব’হাগৰ এদিন
- দ্বিতীয় পৰ্য্যায়ৰ ভোটগ্রহণ সম্পন্ন
- ঢকুৱাখনা চৰকাৰী উচ্চ মাধ্যমিক বিদ্যালয়ৰ শ্ৰেণীকোঠা উদ্বোধন
- দ্বিতীয় পৰ্যায়ৰ ভোটগ্ৰহণৰ বাবে মুছলপুৰত নিৰ্বাচনী সামগ্ৰী বিতৰণ
- কামৰূপ (ম)ৰ প’লিং বিষয়া আৰু ই ভি এমৰ দ্বিতীয় পৰ্যায়ৰ ৰেণ্ডমাইজেশ্বন সম্পন্ন
- জৱাহৰ নবোদয় বিদ্যালয়ত কুইজিন-দ্য ব্ৰেইন বুফে
- ঘিলামৰাত ৬৫ সংখ্যক কেন্দ্ৰীয় ৰঙালী বিহু শুভাৰম্ভ
- পৰ্যবেক্ষক, প্ৰাৰ্থী-প্ৰতিনিধিৰ সৈতে কামৰূপ মহানগৰ জিলা নিৰ্বাচন বিষয়াৰ গুৰুত্বপূৰ্ণ সভা