আৰম্ভ হ’ল মুখ্যমন্ত্ৰী যুৱ সমাৰোহ

আজিৰে পৰা আৰম্ভ হ’ল মুখ্যমন্ত্ৰী যুৱ সমাৰোহ ।যুৱ তথা উদ্যমী সকলৰ সহায়ক হোৱাকৈ অনুষ্ঠিত হোৱা এই সমাৰোহ খনৰ প্ৰথম দিনা কৃষিৰ ক্ষেত্ৰৰ সম্ভাৱনীয়তাৰ সম্পৰ্কে বিভিন্নজন উদ্যমীৰ লগত মত বিনিময় হয়।অসমৰ প্ৰায় ৮৫ খন মহাবিদ্যালয়ৰ ছাত্ৰ প্ৰতিনিধিয়ে সমাৰোহখনত উপস্থিত থাকি ঠাই বিশেষে কৃষিৰ ক্ষেত্ৰত সন্মুখীন হোৱা বিভিন্ন সমস্যাৰ সম্পৰ্কে মতবিনিময় কৰে।উদ্বোধনী অনুষ্ঠানত উপস্থিত থাকি শিক্ষামন্ত্ৰী হিমন্ত বিশ্ব শৰ্মাই কয় যে এই সমাৰোহখনে কৃষি, অৰ্থনীতিৰ ক্ষেত্ৰত ন মাত্ৰা প্ৰদান কৰিব।সমাৰোহখনত আলোচক হিচাপে শ্যামকানু মহন্ত,লক্ষ্য কোঁৱৰ,সত্যেন মহন্ত, সঞ্জয় চাংকাকতি, ডক্টৰ মৃদুল বৰা উপস্থিত থাকে।